Саяхан ОХУ-ын Ерөнхий сайд В.Путин Сочи хотод айлчилж зэрлэг хоёр ирвэстэй уулзаж, хагас цаг орчим найрсгаар ярилцав. Инээмсэглэл багатай В.Путин энэ удаа ихэд инээмсэглэв. Туркменийн Ерөнхийлөгч Берды-Мухамедов хоёр ирвэс бэлэглэснийг энд авчиржээ. Өнгөрсөн зууны эхээр Кавказын уулархаг энэ нутагт ирвэс байгаад устжээ. Торонд өсгөөд дараа нь энэ хоёр ирвэсийг Сочийн олимпын дараа ууланд тавих юм байна. Тэр удтал ширтэж зогссоноо гар утсаа гарган Туркмений Ерөнхийлөгч рүү утасдан “Сайн байна уу Гурбангулы Мялик-Кулиевич ээ! Бид таны бэлэглэсэн сайхан амьтдыг харан зогсоцгоож байна. Их баярлалаа” гээд утсаа таслан “Туркменийн Ерөнхийлөгч дахиад хэдэн ирвэс илгээе гэж амаллаа” гэжээ. Нэгэн сурвалжлагч Ерөнхий сайдаас “Эдгээр амьтад таньд ямар санагдаж байна” хэмээн асуухад нь “Үнэхээр тансаг юм” гээд инээмсэглэжээ.

“Ирвэс арай өвлийн олимпийн тоглолтын бэлэг тэмдэг болох юм биш биз” гэсэн асуултанд “Улс даяараа санал асуулга явуулж, ард түмэн шийдэг” гэж хариулаад эрдэмтэдтэй зөвлөлдсөн Путин “Нэг ирвэсийг нь орон нутгийн уулын нэр болох Аллоус гэж, хоёр дахийг нь барьж авсан Генералын хавцлын Генерал нэрээр нэрлэх болсон байна” гэж мэдэгджээ. “Та яаж ирвэсийг торноосоо гар гэж ятгаж чадав аа?” гэсэн асуултанд ” Бид нэг хэлтэй бөгөөд бие биенээ ойлголцдог юм” хэмээн инээмсэглэснээр энэхүү ажиллагаа дуусчээ.