Нийслэлийн Засаг даргын зөвлөлийн өнөөдрийн хуралдаанаар нийслэлийн Соёлын элч ажиллуулах тухай, “Хот төлөвлөлт судалгааны институт” ОНӨТҮГ байгуулах талаар хэлэлцэв.
Хуралдаанаар “Хот төлөвлөлт судалгааны институт” ОНӨТҮГ байгуулах талаар хэлэлцсэн юм. Танилцуулгыг нийслэлийн “Зураг төслийн хүрээлэн” ОНӨҮГ-ын дарга Ч.Рэгзмаа хийсэн юм. “Зураг төслийн хүрээлэн” ОНӨҮГ нь анх 1964 онд “Барилга засвар шугам сүлжээний зураг төсвийн групп” гэсэн нэрээр байгуулагдаж түүнээс хойш 50 гаруй жил аж ахуйн тооцоон дээр үйл ажиллагаа явуулж өнөөдрийг хүрчээ. НИТХ-ын Тэргүүлэгчдийн 2019 оны 20 дугаар тогтоолоор “Нийслэлийн зураг төслийн хүрээлэн” орон нутгийн өмчит аж ахуйн тооцоот үйлдвэрийн газрын зорилт, үйл ажиллагааны үндсэн чиглэл, бүтэц зохион байгуулалтад өөрчлөлт оруулах замаар “Хот төлөвлөлт судалгааны институт байгуулах” талаар холбогдох хууль, тогтоомжийн хүрээнд төсөл боловруулагдсан байна.
“Хот төлөвлөлт судалгааны институт” ОНӨААТҮГ болсноор хот байгуулалтын суурь судалгаа хийх зургаан дэд чиг үүрэг, Хот байгуулалтын баримт бичиг боловсруулах есөн дэд чиг үүрэгтэй болж өөрчлөгдөх аж.
Нийслэлийн Засаг дарга бөгөөд Улаанбаатар хотын Захирагч С.Амарсайхан “Хот төлөвлөлтийг мэргэжлийн нарийн судалгаа тооцоотой хийдэг болох хэрэгтэй. Цаашид хот төлөвлөлтөд гарсан алдаа дутагдлыг ахиж давтагдахгүйгээр мэргэжлийн түвшинд судалгаа шинжилгээг хийдэг бие даасан байгууллага байгуулахыг зорьж байгаа” гэдгийг онцоллоо.
Зөвлөлийн гишүүд ОНӨТҮГ байгуулахыг дэмжсэнээр уг асуудлыг НИТХ-ын Тэргүүлэгчдийн хуралдаанаар хэлэлцүүлэхээр болов.
Нийслэлийн 152 хороонд Соёлын элч ажиллуулах талаар хэлэлцэв
“Нийслэлийн Соёлын элч” ажиллуулах журмын төслийн танилцуулгыг Нийслэлийн Соёл, урлагийн газрын даргын үүрэг гүйцэтгэгч Э.Цэнд-Аюуш хийлээ. Журмын төсөлд туссанаар нийслэлийн Засаг дарга бөгөөд Улаанбаатар хотын Захирагчийн батламжилсан төлөөлөгч нь тухайн хорооны нутаг дэвсгэрт ажиллаж, амьдарч буй иргэд, хүүхэд залуучууд олон нийтэд чиглэсэн соён гэгээрүүлэх үйл ажиллагааг зохион байгуулах сайн дурын ажилтан байх аж. Соёлын элчээр боловсрол, соёл урлаг, спорт, хүмүүнлэг, эрдэм шинжилгээний чиглэлээр үйл ажиллагаа явуулж байсан ажлын туршлагатай, тухайн хороондоо нэр хүндтэй, олон нийтэд танигдаж хүлээн зөвшөөрөгдсөн иргэнийг сонгох юм байна. Нийслэлийн 152 хороонд соёлын элч ажиллуулснаар хүүхэд хөгжил, хамгаалал, залуучуудын төлөвшил,иргэдийн нийтийн соёлыг дээшлүүлэхэд чухал ач холбогдолтой юм.
Зөвлөлийн гишүүд уг асуудлыг хэлэлцэн, журмын төсөлд нэмэлт өөрчлөлт оруулж, дараагийн хуралдаанаар шийдвэрлэхээр боллоо.
Нийслэлийн ЗДТГ-ын Хэвлэл мэдээлэлтэй харилцах хэлтэс
Сэтгэгдэл0
Ухаангүй ноёд, урагшгүй албатууд аа,хот төлөвлөлт чини захгүй,замбраагүй олон арван давхар балгас бариж хүн явах,машин тавих талбай зогсоолгүй,амрах зугаалах сад цэцэрлэггүй болчихсон учир хот төлөвлөлт судалгааны газраар яаах юм,судалгаа хийх газар чини өмхий, самхай утаатай агаар зэвтэй ус,бохирдсон хөрсийн судалж хүн амын эрүүл мэндийг сахин хамгаалахаас давсан асуудал болчихоод байхад юугын судлаж ямар үр дүнд хүрэх вэ дээ,ингэж хэн нэгэнээ хуурсан ажил хийхээ болицгоо,хот төлөвлөлт судалгааг али эрт 90 ээд оноос эхэлж 1-рт тавих асуудал байсан, одоо хожимдсоон,kазаkстан улсын нийслэл астана хот шиг шинээр төлөвлөлт судалгаагаа хийж дэд бүтэц бусад төлөвлөлтөө хийж хотыг ингэж байгуулдаг гэдгийг ухаангүй албатуудад хэлэх бна,
Ухаангүй ноёд, урагшгүй албатууд аа,хот төлөвлөлт чини захгүй,замбраагүй олон арван давхар балгас бариж хүн явах,машин тавих талбай зогсоолгүй,амрах зугаалах сад цэцэрлэггүй болчихсон учир хот төлөвлөлт судалгааны газраар яаах юм,судалгаа хийх газар чини өмхий, самхай утаатай агаар зэвтэй ус,бохирдсон хөрсийн судалж хүн амын эрүүл мэндийг сахин хамгаалахаас давсан асуудал болчихоод байхад юугын судлаж ямар үр дүнд хүрэх вэ дээ,ингэж хэн нэгэнээ хуурсан ажил хийхээ болицгоо,хот төлөвлөлт судалгааг али эрт 90 ээд оноос эхэлж 1-рт тавих асуудал байсан, одоо хожимдсоон,kазаkстан улсын нийслэл астана хот шиг шинээр төлөвлөлт судалгаагаа хийж дэд бүтэц бусад төлөвлөлтөө хийж хотыг ингэж байгуулдаг гэдгийг ухаангүй албатуудад хэлэх бна,
Албан тушаалтнуудын тоо нэмэгдэх тусам аюулын тевшин нэмэгддэг бичигдээгуй хууль байдаг.
Байгаа хэдэн их сургуулиа тушиглэх хэрэгтэйшдээ! Боловсон хучингуй байж баахан байгууллага байгуулж, ах дуугээ оруулж татвар телегчдын менгийг урэн таран хийхээ болих естой!!!!!
Пээ ийм алба байсан юм бол юу хийж байсан болоод энэ хотыг үнсэн товрог өмхий шалбааг болгочвоо.
Yun institut ve? Boli sudalgaa hiihyum uldeegui . 100 ymaand 60 uhna gej unuu bgaa gazar heltes orlogch nar yaasan be? Ajilaa hiigeech .