Архангай аймгийн прокурорын газар, аймгийн Мэргэжлийн хяналтын газар хамтран “Төмөр замын, усан замын тээврийн хөдөлгөөний ба ашиглалтын аюулгүй байдлын журам зөрчих” гэмт хэргээс урьдчилан сэргийлэх шалгалт хийжээ.
Шалгалт хийх үед тус аймгийн Тариат сумын Хорго багийн нутаг дэвсгэрт байрлах “Тэрхийн Цагаан нуур”, Өгийнуур сумын Өгий багийн нутаг дэвсгэрт орших “Өгийнуур”-т усан замын тээврийн үйлчилгээ үзүүлж байгаа нийт 4 аж ахуйн нэгжийн 1 нь, 6 иргэний 4 нь тусгай зөвшөөрөлгүйгээр үйл ажиллагаа явуулж байжээ.
Мөн амралт, аяллаар явж буй иргэд хувийн бага оврын хийлдэг завь, хөвөх хэрэгсэл ашиглаж байгаа байдалд хяналт тавих, аюулгүй байдлыг нь хангах талаар нэгдсэн зохион байгуулалтай арга хэмжээ хэрэгжүүлж ажилдаггүй болох тогтоогдсон байна.
Дээрх сумдын гэмт хэргээс урьдчилан сэргийлэх ажлыг зохицуулах салбар зөвлөлөөс тодорхой зохион байгуулалтын арга хэмжээ авахуулах, аялал жуулчлалын идэвхтэй улиралд байнгын ажиллагаатай мэргэжлийн аврагч бүхий нэгжийг ажиллуулах талаар Аймгийн гэмт хэргээс урьдчилан сэргийлэх ажлыг зохицуулах салбар зөвлөлд танилцуулга, мэдээллийг хүргүүлжээ.
АРХАНГАЙ АЙМГИЙН ПРОКУРОРЫН ГАЗАР
Сэтгэгдэл0
1. Өгий нуурт усны шувууд байдаг байсан юм. Жуулчин хөлжсөнөөс хойш усны шуувууд алга болсон. Энийг та мэдэж байгаа. 2. Тэрхийн Цагаан нуурын дунд маш жижиг арал бий. Тэнд усны шувууд өндөглөнө. Усны шувууд тэр арлын бүх талбайд үүр мүүр ч засахгүй, газар дээр тэр өчүүхэн талбайг дүүртэл өндөглөж. өндгөө даран хэвтэж байдаг юм. 7-8 сар бол түмэн шувуудын өндөг байжуулах сар.Тэр Агбаш аралд амьдрах шувуудын тоо зарим жил 10-20 мянгад хүрнэ. Гэтэл олон жуулчны баазын танилцуулгад нуурт, нуурын арал хүртэл завиар аялуулна гэж бичсэн байдаг юм. Энэ бол Нуурын шувуудыг сөнөөх харанга дэлдсэн мэдээ шүү. Эрхэм дарга аа, та өөрийн биеэр шалгаж, "Нуурт завиар аялуулахад, нуурын дундахь аралд 500 метрээс дотогш завь ба хүн орохыг бүрмөсөн хориглоно" гэсэн хязгаарлал тогтоогтун. Та биеэр тэр арал хүрч шалгаарай. Би хэдхэн жилийн өмнөх баримтаар энд ярьж байна. Одоо усны шуувууд тэнд байхгүй болсон ч байж магадгүй гэж зовниж байна. Хичээнгүйлэн шалгаж хэвлэлд мэдээлнэ үү. ----Тариат сумаас гаралт
Тэрхийн цагаан нуурт завиар явахыг хориглоод л байхад үүргээ биелүүлэхгүй бараг жил бүр л осол аваар болж хүн энддэг болсон. Жуулчны баазууд, амарч зугаалж байгаа хүмүүс амь насаа хайрлахгүй тэнэг гэхэд дэндүү шүү