Нийслэлийн ИТХ-ын Тэргүүлэгчдийн өнөөдрийн хуралдаан өндөрлөлөө.
Хуралдаанаар “Журамд өөрчлөлт оруулах", “Улсын аварга тариаланч хамт олон, Улсын аварга тариаланч”-д нэр дэвшүүлэх тухай, “Хөшөө дурсгал, хүндэтгэлийн самбар байршуулах, шилжүүлэх тухай”, “Нэрэмжит болгох тухай”, “Төрийн шагналд тодорхойлж, уламжлах” тухай асуудлуудыг хэлэлцэн, шийдвэрлэлээ.
Тодруулбал, Төр, нийгмийн зүтгэлтэн, Төрийн соёрхолт, Шинжлэх ухааны гавьяат зүтгэлтэн, Академич Баатарын Чадраагийн мэндэлсэний 80 жилийн ойд зориулсан дурсгал хүндэтгэлийн самбарыг ШУА-ийн Физик, технологийн хүрээлэнгийн II байрны хойд хананд байршуулахыг дэмжиж, “Хүрээ” амаржих газрыг Монгол Улсын Гавьяат эмч Осорбазарын Должинсүрэнгийн нэрэмжит болгохоор тогтов.
Мөн өнөөдрийн хуралдаанаар “Төр, хэвийн хэвшлийн түншлэлээр нийслэлд төсөл, хөтөлбөр хэрэгжүүлэх журам”-ыг баталлаа. “Нийслэл дэх төр, хувийн хэвшлийн түншлэл” дэд хөтөлбөрийг өнгөрсөн онд нийслэлийн ИТХ-ын 30/39 дүгээр тогтоолоор баталж, “Төр хувийн хэвшлийн түншлэлээр нийслэлд төсөл, хөтөлбөр хэрэгжүүлэх журам”-ыг батлах эрхийг Тэргүүлэгчдийн хуралд шилжүүлсэн байдаг.
Төр, хувийн хэвшлийн түншлэлийг практикт хэрэгжүүлэхэд эрх зүйн орчин хэт хязгаарлагдмал, нийслэлийн Орон сууцны корпораци, Хөгжлийн корпораци зэрэг хэд хэдэн хуулийн этгээд байгуулсан хэдий ч хөрөнгө оруулагчтай хэлцэл хийх эрх хэмжээ, хувийн хэвшлийг хэрхэн сонгон шалгаруулах нь тодорхойгүй байна.
Иймд тухайн журмыг боловсруулах шаардлага тулгарсан байдаг. Журмыг хэрэгжүүлснээр сонгон шалгаруулах, үнэлэх, хувийн хэвшлийн санаачилгыг хэрхэн дэмжих, ямар шалгуур, шаардлага хангасан төсөл хөтөлбөрийг хэрэгжүүлэх боломжтойг тодорхойлж, сонгон шалгаруулах ажлын хэсгийн эрх, үүрэг, төсөл, хөтөлбөр ангилах ангилал зэрэг тодорхой болох юм.
Хуралдааны төгсгөлд нийслэлийн ИТХ-ын ээлжит XXXI хуралдааныг нэгдүгээр сарын 30-ны өдрийн 10.00 цагт хуралдуулахаар тогтов гэж Нийслэлийн ИТХ-ын ХМОНХТ-өөс мэдээллээ.
Сэтгэгдэл0
зөв шийдвэр байна. Улаанбаатар их дэлгүүрийн урд байрлах энэ төрөхииг үүсгэн байгуулж хэвшүүлэхэд он удаан жил их үүрэг гүйцэтгэсэн хүн. энэ төрөхтэй Должинсүрэн эмч дэндүү холбоотой хүн юм. Харин Хавдар судлалын эмнэлэгийг анх үүсгэн байгуулж хэвшүүлсэн хүн нь Саграажав эмч байтал , арай өөр хүнээр нэрэмжит болгосон нь зохисгүй санагддаг. Мөн 5-р сургуулийг сайн сургууль болгоход хамаг амьдралаа зориулсан Баатар захирал гавьяатай байхад ямарч хамаагүй ататуркийн нэрэм,жит болгож байх шиг. ийм нүдээ олоогүй нэрэмжитүүд монголд олон бий. 3ба 4-р хорооллийг Брежнев, Цэдэнбал хоёр босгосон байхад одоо тэр үеийн нэгэн хурган дарга байсан энэбишийн нэрэмжит байх жишээтэй. Харин бараг амиа өгөн байж хятадуудыг Цайз захаас хөөж гаргасан Энэбишийн гавьяа байсаар байтал Цайз зах энэбишийн нэрэмжит биш байх жишээтэй.
монголын тусгаар тогтнолд хамгийн гол үүргийг гүйцэтгэсэн Лениний хөшөөг тусгаар тогтнолын ордны урд байсныг буулгасан Батүүл баатарбишийн шийдвэр мөн л оновчгүй шийдвэр байсан. Харин нацаг доржийн хөшөөний оронд ленинээс гадна сталины хөшөөг хамт байрлуулах ёстой юм байгаам. Ленин, сталин хоёр бол монголын тусгаар тогтнолд шийдвэрлэх үүрэг гүйцэтгэсэн учир тусгаар тогтнолын ордны өмнө энэ хоёр хүний хөшөө байрлах нь зөв. Харин Ренчин доктор яг зөв байрандаа заларч байгаад баяртай байдаг.
монголын тусгаар тогтнолд хамгийн гол үүргийг гүйцэтгэсэн Лениний хөшөөг тусгаар тогтнолын ордны урд байсныг буулгасан Батүүл баатарбишийн шийдвэр мөн л оновчгүй шийдвэр байсан. Харин нацаг доржийн хөшөөний оронд ленинээс гадна сталины хөшөөг хамт байрлуулах ёстой юм байгаам. Ленин, сталин хоёр бол монголын тусгаар тогтнолд шийдвэрлэх үүрэг гүйцэтгэсэн учир тусгаар тогтнолын ордны өмнө энэ хоёр хүний хөшөө байрлах нь зөв. Харин Ренчин доктор яг зөв байрандаа заларч байгаад баяртай байдаг.