Нийслэлийн Засаг даргын үүрэг гүйцэтгэгч Ж.Батбаясгалан тэргүүтэй албаныхан өнгөрсөн мягмар гаригт Эх, хүүхдийн эрүүл мэндийн үндэсний төвд ажиллаж, тус төвийн эзэмшил газар руу хувийн хэвшлийнхэн халдсан хууль бус үйлдлийг таслан зогсоох үүргийг холбогдох албаныханд өгсөн. Тодруулбал, Монголын Үндэсний их сургууль хичээлийн өргөтгөлийн барилга барихдаа ЭХЭМҮТ-ийн газар руу түрж, хашааг нь буулгаж зөвшөөрөлгүй орц, гарц хийгээд байсан юм. Нийслэлийн Засаг даргын үүрэг гүйцэтгэгчийн өгсөн үүрэг даалгавар, шийдвэрийн биелэлтийг НЗДТГ-ын Хууль эрх зүйн хэлтсийн дарга А.Даваажаргалаар ахлуулсан ажлын хэсэг өнөөдөр шалгаж, газар дээр нь ажиллалаа.
Тус сургууль нь хичээлийн өргөтгөлийн байраа барихдаа эмнэлгийн эзэмшил газар руу түрж, 4.5-4.8 метр.кв талбайг илүү гарган барьсан учраас сургуулийн баруун талын эзэмшил газраас эмнэлэгт алдагдсан газрыг нөхөн олгох үүргийг НЗДТГ-ын Хууль, эрх зүйн хэлтсийн дарга А.Даваажаргал нийслэлийн Газар зохион байгуулалтын албанд үүрэг болголоо. Ингэснээр ЭХЭМҮТ-ийн газрын маргаан шийдвэрлэгдэж буй юм.
Зөвшөөрөлгүй барилгын ажлыг албадан зогсоолоо
Баянгол дүүргийн 11 дүгээр хороонд байрлах Монголын Үндэсний их сургууль эзэмшил газраа хэтрүүлэн ашиглаж, зөвшөөрөлгүйгээр газар доорх гараажийг барьж буй ажлыг НЗДТГ-ын Хууль, эрх зүйн хэлтсийн дарга А.Даваажаргал тэргүүтэй албаныхан албадан зогсоолоо. Тус сургууль нь өөрсдийн эзэмшил газар болох 746 метр.кв талбайд газар доорх гарааж барих архитектурын төлөвлөгөөг нийслэлийн Хот байгуулалт хөгжлийн газраас батлуулж байжээ. Гэвч барилга барих зөвшөөрөлгүйгээр 2204 метр.кв талбайд хоёр давхар болгож өргөтгөж буй аж. Иймд НЗДТГ-ын Хууль эрх зүйн хэлтсийн дарга А.Даваажаргал сургуулийн удирдлагад хуулийн дагуу үйл ажиллагаа явуулахыг сануулаад, барилгын ажлыг албадан зогсоолоо.
Мөн тус хорооны нутаг дэвсгэр, ЭХЭМҮТ-ийн зүүн урд хэсэгт зөвшөөрөлгүй баригдаж буй барилгын ажлыг албадан зогсоосон юм. Тус барилгыг “Өлзийт Интертрейд” компани барьж буй бөгөөд 2017 онд орон сууц барих архитектурын төлөвлөгөө батлуулж байжээ. Барилга барих зөвшөөрөлгүй барилгын үйл ажиллагаа явуулж буй тус компанид хуулийн хариуцлага хүлээлгэхийг НЗДТГ-ын Хууль, эрх зүйн хэлтсийн дарга А.Даваажаргал холбогдох албаныханд сануулаад барилгыг лацдаж үйл ажиллагааг нь зогсоолоо.
Нийслэлийн ЗДТГ-ын Хэвлэл мэдээлэлтэй харилцах хэлтэс
Сэтгэгдэл0
Одоо МУИС давж заалдах шүүхэд гомдол гаргаж Үндэсний Их Сургууль нэрээ авах хэрэгтэй. Мэдээгүй царайлж дуугүй байж ирсэн Миеэгийн МУИС-н захирал солигдсон. Ард түмнийг төөрөгдүүлж ашиг олох угаасаа гэмт хэрэг. Гэмт хэргийг хаацайлж нэрийг нь хувьд өгсөн шүүгч ч бас хариуцлагаа хүлээх хэрэгтэй.
Хууль хэрхэн үйлчилдгийг харуулж буй хэрэг. Зөв. Бүх зүйл хууль журмын явбал зөрчил багасах нь мэдээж. Харин хариуцлагыг хэрхсэн талаар мэдээлэл чухал шүү.
МҮИС нэрийг хувьд өгөх нь зөв гэдэг шийдвэр гаргадаг Эби Миеэгийн шүүгчид бүгд хэвээрээ байгаа. Одоохондоо зөвхөн АТГ, Прокурорын удирдлага л солигдсон. Аа тийм Миеэгийн ерөнхий шүүгч Зориг, Эбигийн Шүүхийн ерөнхий зөвлөлийн дарга Лүндэндорж хоёр солигдсон юм байна.
нөгөө алдарт авилгач шүүгчид нь авилгаа аваад үргэлжлүүлнэ
Боловсролыг гутаагч энэ байгууллагыг хаамаар юм. Дандаа хууль бус зуйл хийж, байнгын хэл ам, хэруул уруул!!!
Батбаясгалан, Даваажаргал нарт баяр хүргэе. Үндэсний их сургууль гэгч луйварыг Монгол улсаас зайлуулахын төлөө тэмцэцгээе.