ПАРИС. /BBC/. Францад коронавирусний халдварын тохиолдлын тоо нэмэгдэж буйтай холбогдуулан олон нийтийг шинжилгээнд хамруулах, Парис хотод амны хаалт заавал зүүхийг шаардах гэх мэт арга хэмжээнүүдийг хэрэгжүүлэхээр болжээ.
Мөн халдвар тархах эрсдэлтэй “улаан бүсийн” тоог хоёроос 21 болгон нэмэгдүүлжээ. “Бид шаардлагатай арга хэмжээнүүдийг эрт авч хэрэгжүүлэхгүй бол халдвар улам хурдацтай тархаж болзошгүй” гэж Францын Ерөнхий сайд Жан Кастекс анхааруулсан байна.
Сүүлийн үед Европын олон оронд халдварын тохиолдлын тоо нэмэгдэх болсон бөгөөд Германы эрх баригчид мөн дүрэм журмуудыг чангатгахаар төлөвлөж байгаа ажээ. Францад сүүлийн 24 цагийн хугацаанд халдварын 6111 тохиолдол шинээр илэрсэн нь тус улсад хөл хориог өнгөрсөн тавдугаар сарын эхээр цуцалснаас хойших өдөрт бүртгэгдсэн хамгийн өндөр үзүүлэлт болжээ. Францад өнөөдрийн байдлаар 300 мянга орчим хүн халдвар авч, 30500 гаруй хүн нас баржээ.
Э.Хулан
Эх сурвалж: Монцамэ агентлаг
Сэтгэгдэл0
Оросжсон Монголчууд хэзээ кириллээр Парис гэж бичдэг болчихоо вэ?
Чи хятаджсан Монгол уу айн.
Эрхээ эдэлж байгаа бол үүргээ хүлээх ёстой. Үүргээ хүлээдэггүй эрх чөлөө гэж байх уу
Биднийг бага байхад Париж гэж бичиж уншдаг байлаа. Одоо ч Парис гэж бичхэд нь нүд дасаад бичсэнээр уншдаг болж дээ
Mongol hund bol parij geh ni zeb dyydlaga yum. Paris bol olon ylasiin net tomyond hetegledeg.....