РАБАТ. /TASS/. Ливид коронавирусний цар тахалтай холбоотой нөхцөл байдал хяналтаас гарч, халдварын тоо тасралтгүй нэмэгдэж байна гэж тус улсад дэмжлэг үзүүлэх НҮБ-ын газрын даргын үүрэг гүйцэтгэгч Стефани Уильямс мэдэгджээ.
“Ливи улс эдийн засгийн хүнд хэцүү хямралтай тулгараад байна. Тус улсад болж буй мөргөлдөөн төвийн бүс нутгуудад, тэр дундаа Сирт мужид аюул учруулж байгаа ба энд 130 мянган энгийн иргэн аюулд ороод байна” гэж тэрбээр мэдэгдсэнийг “Maghreb Arabe Press” агентлаг уламжилсан байна. “Үүний дээр халдварын тоо тасралтгүй нэмэгдэж, коронавирусний цар тахалтай холбоотой нөхцөл байдал хяналтаас гарч байна. Ялангуяа Ливийн өмнөд нутагт халдварын тоо огцом нэмэгдэж байна” гэж НҮБ-ын элч төлөөлөгч мэдээлэв.
Ливийн Үндэсний зөвшилцлийн засгийн газрын тэргүүн Фаиз Сарража коронавирусний улмаас өөрийн хяналтад буй газар нутагт дөрвөн өдрийн хөл хорионы цагийг лхагва гарагт тогтоосон байна. Дөрвөн өдрийн хугацаа дууссаны дараа оройн 21 цагаас өглөөний 06 цаг хүртэл хэсэгчлэн хөл хорих аж. Түүнчлэн шашны болон олон нийтийн цугларалт, олныг хамарсан арга хэмжээг явуулах, нийтийн тээврийн хэрэгслээр зорчихыг хориглож, захуудыг хаажээ.
Албан ёсны мэдээллээр, Ливид коронавирусний халдварын 12 мянга орчим тохиолдол бүртгэгдэж, халдвараас үүдэлтэй өвчин нь хүндэрсний улмаас 200 гаруй хүн нас барсан бол 1150 хүн эдгэрсэн байна.
Д.Жаргал
Эх сурвалж: Монцамэ агентлаг
Сэтгэгдэл0
Нутгийнхаа өмнө зүгт байдаг газар доорх цэвэр усны нөөцөө нийслэл Триполи болон бусад хотууд руу татдаг, гэр бүл болсон залуустаа ихээхэн мөнгө өгдөг, боловсрол, эрүүл мэнд нь үнэ төлбөргүй, орон сууцан орохдоо үнэ төлдөггүй, бензин, шатдаг хий нь уснаас хямд байсан улс АНУ-тай найзлаад замаа алдав аа.
ганц ч гол мөрөнгүй улсдаа
Америкийг даган баяссаны гай.
Африк тивийн диваажин гэгдэх болтлоо хөгжиж байсан энэ улсыг Манай Элбэгээ,Үүл баатар; Со халтар нар шиг Ардчилалын хэдэн партизан гарч ирээд Амэрикын мөнгөөр жагсаж эхлээд улам даварсаар нураагаад авсан гэсээн. Дарангуйлагчаас нь салгаж үг хэлэх эрх чөлөөг нь эдлүүлж жаргааж байгаа юм гэсэн!
Хөөш Англи Орос Хятад Арабаар ярьдаг новшнуудаа элдэв мөргөлдөөн зэвсэгт түрэмгийллээ зогсоож дэлхий нийтээрээ тайван амьдрах өчнөөн боломж байгааг олж харахгүй бна уу малнуудаа covid тусч үхэж байхдаа таарсан малнууд.