ВАШИНГТОН. /Reuters/. АНУ-ын Хөдөө аж ахуйн яам зэрлэг амьтан коронавирусээр халдварласан анхны тохиолдол бүртгэгдсэн болохыг баталсан байна. Халдвар Юта муж улсад усны булгаас илэрчээ.
Халдварын тохиолдол бүртгэгдсэн фермүүдийн эргэн тойрон дахь зэрлэг ан амьтдад эпидемиологийн тандалт хийх явцад усны булгад өвчлөл илэрсэн байна. "Бидний мэдэж байгаагаар энэ бол зэрлэг ан амьтанд “SARS-CoV-2” вирус халдварласан анхны тохиолдол юм" гэж АНУ-ын Хөдөө аж ахуйн яамны мэдээлэлд дурджээ. Мэргэжилтнүүд бусад зэрлэг амьтдаас сорьц авахад хариу нь “сөрөг” гарсан байна.
АНУ-ын Хөдөө аж ахуйн яам саяхан бүртгэгдсэн халдварын тохиолдлыг Дэлхийн мал амьтны эрүүл мэндийн байгууллагад мэдэгджээ. Гэхдээ одоогоор усны булгын фермийн эргэн тойронд зэрлэг амьтдын дунд коронавирус өргөн тархсан гэсэн нотолгоо байхгүй байгаа аж.
Усны булга үржүүлгийн фермүүдэд халдвар тархсан тохиолдол өмнө нь Данид бүртгэгдсэн билээ. Тус улсын эрх баригчид мутацид орсон вирус энэ амьтнаас хүнд халдах эрсдэлтэй байгаатай холбогдуулан фермүүд дэх 15 сая гаруй толгой усны булгыг устгах шийдвэр гаргасан юм.
Усны булганууд коронавирусээр халдварласан тохиолдлуудын талаар мөн Грек, Испани, Финланд, Швед, Польш, Литва улсын эрх баригчид мэдээлжээ.
Д.Жаргал
Эх сурвалж: "Монцамэ" агентлаг
Сэтгэгдэл0
12-Р САР / Зул сарын баярын санал Шуурхай сурталчилгаа !!! 6 цагийн дараа: ХӨРӨНГӨ ОРУУЛАЛТ 1000 доллар 2000 доллар олдог ХӨРӨНГӨ ОРУУЛАЛТ 2000 доллар 4000 доллар олдог 3.000 ХӨРӨНГӨ ОРУУЛАЛТ 6000 $ олдог ХӨРӨНГӨ ОРУУЛАЛТ 5,000 $ нь 10,000 доллар олдог 10000 $ ХӨРӨНГӨ ОРУУЛАЛТ 30,000 $ олдог 20,000 долларын хөрөнгө оруулалт 100,000 доллар олдог Бүрэн ашиг баталгаатай !!! Телеграм сувгаар надтай холбоо бариарай: @ seidnaly одоо хөрөнгө оруулалтаа тохируулахаар !!!!
Yatgah tusam nyagtal!