Бямба - 04 сарын 20,
2024
Архангайнхны бурхан шашны төлөөлөл болсон XIV Зая гэгээнтэн Лувсанданзанпүлжинжигмэд үе үе нутагтаа зочилж, хурал ном айлдаж байгаад буцдаг болсон. Түүнийг ойр ойрхон нутаг орноо эргэж, тойрч байгаад нутгийн ард түмэн нь ам сайтай байна.
Хаврын тэргүүн сарын шинийн 23-ны билигт сайн өдөр Зая гэгээнтэн нутагтаа заларч, Төгс баясгалант буян дэлгэрүүлэх хийдэд сүсэгтэн олондоо адис хүртээж, хагас өдөр хурал ном айлдан Балдан Лхам, Дамдин Янсан бурхныг аравнайлж, Галдан зуу хийднээ залах ёслолыг үйлдлээ.
Балдан Лхам сахиус нь Төгс баясгалант буян дэлгэрүүлэх хийдийн үндсэн сахиус аж. Энэ өдөр сэргээн засч, цаашид байнга тахин шүтэх боломжтой болоо. Харин Дамдин Янсан сахиусыг Лхам сахиустай хамтад нь залж байгаагийн учир нь сэр агжаатай учраас залж байгаа хэмээн Гэгээнтэн тайлбарлаа. Цаашид дээрх хоёр сахиусандаа үргэлж залбирч, цай сүүнийхээ дээжийг өргөж, аливаа бүхнээ даатгаж явбал ажил үйлс, эд хөрөнгө арвижиж, аливаа гамшиг зовлонгоос хэлтэрч, сайн сайхан явахын нигууртай учир даасан ламтай, тахисан шүтээнтэй хэмээн сүсэглэж, ерөөл өргөж байхыг сүсэгтэн олон, шавь нартаа захиж хэлэв. Үүнээс гадна Заяын хүрээнд хааяахан хуралддаг байсан хурал номын айлтгал жигдэрч байгаад өндөр сэтгэгдэлтэй байгаагаа гэгээнтэн ярилаа.
Г.Жавзандулам
Эх сурвалж: "Архангайн амьдрал"
Сэтгэгдэл0
Ингээд БНМАУ-ын нэрийн өмнөөс уншиж сонсгохын учир, шүүх таслах газрын дарга Гомбожав, гишүүн Ядамсүрэн, Болд нар Жамбацэрэнг өмгөөлөгчгүйгээр байцаан зөвлөлдөж хянавал, ялтан Жамбацэрэн хоёр настайгаасаа эхлэн Зая бандидын VI дүрд өргөмжлөгдөн өдий, төдий ядуу ардыг мөлжин хөрөнгийг хуралдуулж, гадаад дотоодын шар хар харгисуу лугаа сүлбэлдэн ядуу ард явж цусыг ууж явсан шар харгис төдийгүй Барон Унгернтэй сүлбэлдэн, харгис Казагранд цэргийг удирдан 11, 14, 15 онд хувьсгалын эсрэг аман ухуулга, дуу зохиосон зэрэг олон зүйл ангийг тоочихын хамт ард түмнээ арчлан хамгаалахын тулд ялтан энэхүү Жамбацэрэнг шүүх цаазын бичгийн 31 дүгээр зүйлээр журамлан хүндэтгэж тусгай ангийн 43 дугаар зүйлийг баримтлан буудан алсугай.