sonin.mn
Сэтгэгдэл (0)

Хичээлийн шинэ жил эхлэх гэж байгаатай холбоотойгоор аж ахуйн нэгж, бааруудыг цагийн хуваарийн дагуу үйл ажиллагаагаа явуулах, насанд хүрсэн иргэдэд үйлчлэх журмыг баримталж ажиллахыг шаардах үүднээс Цагдаагийн байгууллагаас зохих шалгалтыг явуулж эхэлжээ.

Шалгалтын явцад цэнгээний газруудаар үйлчлүүлж буй иргэдийн иргэний үнэмлэхийг нь шалгаж байгаа бөгөөд үйлчлүүлэгч иргэд заавал иргэний үнэмлэхтэйгээ байх шаардлагыг тавьж байгаа гэнэ.

Хэрэв цэнгээний газруудаар үйлчлүүлж байгаа насанд хүрэгчид иргэний үнэмлэх болон өөрийгөө хэн гэдгийг гэрчлэх бичиг баримтгүй бол цагдаагийн байгууллага тухайн хүнийг 72 цаг хүртэл хугацаанд түр саатуулан, шалгаж тодруулах ажлыг хуулийн хүрээнд зохион байгуулах үүрэгтэй аж.

Я.Баяр

Эх сурвалж: "Монцамэ" агентлаг