Монгол Улсын Ерөнхийлөгч Ц.Элбэгдорж нэгэнтээ “Би төрийн тэргүүнийхээ хувиар жилийн энэ үед хоёр арга хэмжээнд заавал оролцдог” хэмээсэн. Түүний заавал оролцдог нэг арга хэмжээний нэг нь өчигдөр “Улаанбаатар” зочид буудалд боллоо.
Энэ бол монгол Плутцер гэж хэлж болохуйц Монголын сэтгүүл зүйн шилдэг бүтээлд “Балдорж шагнал” гардуулах ёслол байлаа.
Үнэхээр төрийн тэргүүнээс эхлээд дөрөв дэх засаглалынхан жил, жилийн намар “Балдорж” сангаас зохион байгуулдаг сэтгүүл зүйн шилдэг бүтээлээр хэний, ямар туурвил шалгарсан бол хэмээн хүлээдэг болсон.
“Балдорж” сангийн зургаа дахь удаагийн шалгаруулалтад нийт 30 бүтээл ирснээс У.Ганбаяр, М.Буянбадрах нар “Хүрээлэн”, “Амьд ертөнцийн цуврал” бүтээлээрээ тэргүүлж, “Өнөөдөр” сонины сэтгүүлч Х.Болормаа удааллаа.
Харин шилдэг аравт Б.Оюунчимэг (МҮОНТ), Г.Отгонбаяр (Үндэсний шуудан), С.Гандөл (Үндэсний шуудан), Т.Энхбат (Өнөөдөр), Р.Хонгорзул (МҮОНТ), Ж.Тэгшжаргал (Гэрэг), Х.Бүрэнтогтох (Үнэн), Б.Цэцэгдэлгэр (Өдрийн сонин), Д.Заяабат (Өнөөдөр), У.Бямбаням (Гэрэг) нарын бүтээл шалгарсан байна.
Дээр хэлсэнчлэн Монгол Улсын Ерөнхийлөгч “Балдорж” шагнал гардуулах ёслолд оролцсон болохоор удаах арга хэмжээ буюу НҮБ-ын ерөнхий ассамблейн 69 дүгээр чуулганд оролцохоор тун удахгүй хүлгийн жолоо залах биз ээ.
Эх сурвалж:
Сэтгэгдэл0