Сүүлийн үед Монголын телевизүүд үзэж болохгүй кино, харж болохгүй зураг, сонсгож болохгүй ухуулга сурталчилгаа нэвтрүүлдэг болжээ. “За яах вэ. Сурталчилгаанаас л ашиг олдог байх” гэж бодсоор байтал хэрээс хэтэрсэн сурталчилгаа цацах болов.
Элдэв зураг бүр дүүрч гэж бодоход хүний эрүүл мэндтэй холбоотой эмийн сурталчилгаа цацахдаа агуулгыг нь, олон нийтэд хүргэж байгаа мессэжийг нь хянах хэрэгтэй байна.
Саяхан телевизээр нэг эмийг сурталчлахдаа “Манай гэр бүл энэ эмийг байнга хэрэглэдэг. Ингэж хэрэглэх нь эрүүл мэндэд маш сайн” гэх юм. Гэр бүлээрээ нэг эмийг удаан хугацаанд хэрэглэдэг гэхээр удамшлын эсвэл онц халдвартай өвчтэй болж таарна.
Тиймээс л нэг эмийг удаан хугацаанд уудаг байх. Эсвэл тэр эмэнд өвчтөнийг татах ямар нэгэн зүйл байж болох юм. Ийм мессэжтэй сурталчилгаагхүмүүс юу гэж ойлгох бол. Лав “Энэ эмийг удаан ууя” гэж бодохгүй нь лавтай.
Ингэж л хэлэх гэсэн санаагаа буруу ойлгуулж, бүр эсрэг утгатай мессэж түгээж байгаа энэ мэт сурталчилгааг хянах газар байдаггүй юм бол ядаж олон түмэнд хүргэж байгаа байгууллага нь хянаж засах хэрэгтэй баймаар. Нэг нь манай эмийг хүмүүс авч л байвал болно, нөгөө нь сурталчилгаа цацаад авах ёстой төлбөрөө авбал болно гэсэн хүний сэтгэлээр хандаж болохгүй юм.
Олон нийтийн мэдээллийн хэрэгслээр цацаж байгаа сурталчилгааг насанд хүрсэн, хүрээгүй, анагаах ухааны боловсролтой, боловсролгүй олон хүн үзэж байгаа. Тиймээс л тэднийг энэ мэт буруу мэдээллээс болоод эрүүл мэндээрээ хохирчихвий гэсэн үүднээс ийн хэлж байгаа хэрэг.
Б.Сийлэн
Эх сурвалж:
Сэтгэгдэл0
harin tiimee bolimoor yumaa em nuur amnii mes ajilbar esvel urj uhej bgaa yum shig hen negniihee idej bgaa yumnaas nudee bultegnuulen hel amaa dolooj goridoh ene odoo yaj yug surtaldaad bnaa bur ichij uhmeer ..arai l bishee boliod ogoorei guij bna
Үнэн зүйлийг бичжээ. Телевизүүд ч үнэхээр баллаж өгч байна. Мөнгө л олж байвал ву ч гэж хамаагүй солиотой галзуу гэмээр сурталчилгаа явуулаад л байх юм. Бас зарим сонин хэвлэл дээр гарч байгаа сурталчилгааг Магнай дарга анхааралдаа авах хэрэгтэй санагдана. Өнгөрсөн 7 хоногт теоевизийн мэдээтэй "ТВ 7 хоног" гэдэг сонин дээр Обама ерөнхийлэгчийг Хятадад үйлдвэрлэсэн "Шидэт 360" гэдэг кофе уусны хүчинд гоолиг туранхай биеэ хадгалж чаддаг гэсэн сэтгэгдлийг хэрэглэгчдэд төрүүлэхээр реклам гарсан харагдсан. Ингэж арай болохгүй ш дээ. Үүнийг анхаарч зогсоох шаардлагатай. АНУ-ын элчин сайдын яамныхан үзчихвэл лав сайхан санагдахгүй л байх даа.