Баян, ядуугийн зай улам алсарсаар байна. Тансаглагчид утаанаас дайжин ой модтой, уулын ар өвөрт юунд ч санаа зовохгүй жаргаж суух болсон. Гэтэл мөнгө төгрөгөөр гачигдан ядуурч буй айл өрх, иргэд хоногийн хоол, түлэх түлээгүйдээн аргаа барж, өвлийн хүйтэн өдөр хоногийг өлөн зэлмүүн өнгөрөөх боллоо. Дээгүүр суудалтай эрхмүүд хотын захын гэр хорооллоор орж, эдийн засгийн хямралд өртөн ядуурч буй айл өрх, иргэдээ харж хандан, өөд татах цаг ирчихээд байна.
Халаас нь хоосорсон иргэд хоосон ходоодондоо юухан хээхэн хаяж, амьд явахын тулд аргаа барж, ягтаа тулж байна. Гэр хорооллын дэлгүүр мухлагаар ороход ширхгээр төмс, граммаар будаа, нохойд өгөх зориулалт бүхий өвдөл цөвдөл авахын тулд иргэний үнэмлэх зэрэг чухал бичиг баримтаа барьцаалан зээлээр идэх юм авах нь олширчээ.
Иргэний үнэмлэх, бичиг баримтаа дэлгүүрт барьцаанд тавьчихаад эргэж түүнээ авахгүй таг чиг болдгоос харахад ирэх өдөр хоногийг тэд хэрхэн яаж өнгөрөөхөд эргэлзээ төрнө. Хоол ундаар гачигдаж буй ядууст хоёр дахь гачлан хахир өвлийн хүйтэн. Монголчууд “Дулаан явах мянган лан” хэмээн хэлэлцдэг. Малын хэвтэр дулаан бол өвлийг өнтэй давахад үр өгөөжөө өгдөг.
Түлэх түлшгүй зарим айл өрх нохойн нэг толгой түлж өвлийн урт шөнийг хөлдчихгүй шиг амьд өнгөрөөж байна гэвэл хэрийн хүн үнэмшихгүй. Олдсон бүхнээ түлж амь зогоодог тэдэнд хорт утааны тухай ярихын ч хэрэггүй. Гэр хорооллын ядарч зүдэрч буй иргэдийн дунд ийм эмгэнэлтэй гэхүйц амьдралтай хүмүүс бий болж буйг төр засгийн алдаатай бодлогын золиос гэхээс өөрөөр тайлах аргагүй.
Өгөөж баян, өргөн уудам газар нутагтай, өсч үржсээр 50 гаруй сая малтай болсон Монголын гурван сая хүрэхгүй иргэнийг нохойн толгой түлж, өвдөл цөвдөл олж идэж чадахгүй болтол ядуурууллаа шүү гэдгийг дээш тэнгэрт бус дээд төвшнийхөнд хандан хэлэхээс өөр арга, үг алга. Тэнгэр хол, газар хатуу ч хайртай эх орондоо тэд хүний ёсоор ажиллаж, амьдрах, амьд явах эрхтэй билээ.
Эрхээ эдлэх бололцоо нөхцөлийг төр, засаг бүрдүүлж өгөхгүй байгаагаас ядуурап газар авсаар буйн бодит жишээ энэ.
Н.Бөхдамбий
Эх сурвалж:
Сэтгэгдэл0
Наад нохойн толгой түлж, хувь заяагаа сэвтүүлсэн нөхдөө хөдөө гарч мал маллаж, мах идэж, сүү гэж хэл. Чи өөрөө зөв бичиж сур. Сургууль номоо дүүргээд мэдээ бичиж бай. Чиний өмнөөс юм юм улайж байна. Ичээч.
Энд төр засаг анхаарлаа хандуулах цаг нь болсон.Нийгмийн доод давхаргыг бий болгох сонирхол байгаа болоод ингэж урсгалаар нь тавьж бна. Ажлын байрыг бий болгох. Нөгөө" Ажилтай, орлоготой монгол хүн" хөтөлбөр яасан бэ? Гаднаас олон хүн авчирч ажиллуулахын оронд монгол хүнээ ажиллуулж болдоггүй юм уу. Хүний нохой идэхээр өөрийн... гэдэг байхаа. Аль эсвэл гаднынхантай хуйвалдан мөнгө тонших нь ашигтай болоод монголчуудыг олноор нь ажилгүй болгох сонирхол бна уу.Аль эсвэл өөрийн мэргэжлийн хүмүүсээ доорд үзээд бна уу.Олгархиудын засаглал гэдгээ харуулаад бна бус уу Та нар.
Монгол хүн 2020 хөтөлбөрийн хэрэгжилт юу болж бн?
bayan yaduugiin yalgaag ardchilal gedeg yum za tar uhehguin tuld an namiig hezee ch buu songo bur hezee ch shuu hoorhii ard tumen unendee hezuu baina amidral ni sain saihan ajil toroltei bolno gej songoson nogoo ardchilal gedeg chin ene uu
Зүгээр, зүгээр. Удахгүй хувьсгал гараад байр нь солигдоно. Олон хүн хоосроод алдах юмгүй болоод ирэхээрээ хувьсгал хийж азаа үзэх болно гэдэг нь ойлгомжтой.
Maliin belcheeriig ni bulaagaad avchihsan yum chini hotod irehees oor yahav. Chingisiin talbaid suult hiih heregtei. Harin