Баасан - 04 сарын 19,
2024Энэ жил Улаанбаатар хотын 92 гудамж цэцэрлэгт ногоон байгууламжийн тарилт, арчлалт хамгаалалтын ажлыг хийнэ. Энэхүү ажилд 5.8 тэрбум төгрөг зарцуулахаар төлөвлөөд байна. Хаврын улиас хэлбэржүүлэлтийн ажил 3 дугаар сарын 10-наас эхлүүлсэн бөгөөд 4 дүгээр сарын 1-нээс цэнэг усалгааг хийж, нийт зүлэгт талбайг самнаж цэвэрлэн, 10-наас мод бут, сөөг, ургамлан хашлагыг шинээр болон нөхөн тарих ажил хийгдэнэ. Хотын гудамж талбайд энэ жил нийт 500-гаад мянган мод сөөг тарихаар төлөвлөж байна. Харин 4 дүгээр сарын 20-ноос гудамж талбайн модыг шохойдож, 5 дугаар сарын 1-нээс ногоон байгууламжийн хөрсийг ариутгах ажлыг хийсний дараа 6 дугаар сарын 1-нээс зүлэг тарьж, 5-наас цэцэг тарих юм. Ойролцоогоор 300-гаад мянган м2 зүлэг, 400-гаад мянган ширхэг цэцэг тарихаар төлөвлөж байна. 6 дугаар сарын 15-наас 8 дугаар сарын 15 хүртэл 2 сарын турш зэрлэг ургамлыг устгах ажлыг хийнэ гэж Улаанбаатар хотын Захирагчийн ажлын албанаас мэдээллээ.
Сэтгэгдэл0
Зүйтэй. Ийм байдлаар тодорхой төлөвлөгөөтэй ажиллавал үр днд ч хүрнэ, ард иргэд ч таатай хүлээж авна. МАН-ынхан засгийн эрхэнд бйх үед УБ-ын удирдлагууд тэнэг дарга нартаа л таалагдах гэж ооч цоочин юм хийдэг байсан. Тэдний энэ занг нь анддаггүй дээдсүүд нь хотод орсон ихэнх мөнгийг нь тэдгээр хүүхэлдэйнүүдээсээ зүгээр л дээрэмдээд авчихдаг байсан. Хамгийн гол нь хийсэн зүйлээ арчилж тордох ажил их дутдаг. Зам талбайг байнга арчилж, засдаг, Мод, зүлгээ засч торддог, цэцэг навчаа цэвэр цэмцгэр байхад зориулсан тусгай албатай байвал маш их тустай. Хэрэггүй албан байгууллага, хаагчдыг халж ийм ажил хийвэл буянтай ажил болно.