Мягмар - 04 сарын 23,
2024
Урианхай ястны соёл, урлаг, спортын “Алтан хүрээ-8” наадмыг Улаанбаатар хотын Урианхай иргэд, “Сора эрч” холбоотой хамтран Цонжин болдог цогцолборт ирэх сарын 3-5-ны өдрүүдэд зохион байгуулна.
Уг наадамд Монгол Улсын Урианхай ястаны олноор сууршин амьдардаг орон нутаг, аймаг, сумдаас 500-600 ардын авьяастан, урианхай сур харвааны төрлөөр 200 орчим харваач оролцохоор болжээ. Мөн тус наадмын үеэр язгуурын урианхай үндэсний хувцасны үзүүлбэр, зуун модот хөзөр зэрэг өвөрмөц тоглоом наадгайг тоглох ба Монголын бөөгийн холбооны 250 бөө галын тахилгын зан үйл үйлдэх юм байна.
Гурван жил тутам зохион байгуулагдаж ирсэн тус наадмын зорилго нь урианхай ястаны ёс заншил, өв уламжлал, соёл урлагийг хадгалан үлдэж өвлүүлэх явдал ажээ. Наадмын үйл ажиллагаанд 5000 гаруй урианхай ястан, гадны жуулчид, эрдэмтэн судлаачид, дотоодын үзэгч сонирхогчид, төр засгийн төлөөлөлүүд оролцоно хэмээн зохион байгуулагчид мэдэгдлээ.
Б.Мөнхзаяа
Эх сурвалж: "Монцамэ" агентлаг
Сэтгэгдэл0
Зөв шүү, дэмжиж байна.
Урианхай, барга, буриад, халх гээд тус тусдаа юм хийх нь Монгол тархын цондон шүү. Хэн хаанаас санхүүжүүлээд байдаг байнаа.Зүгээр үнэгүй л лав хийхгүй байхдаа
Тарахын цондон биш ээ, харин ч эсрэгээрээ гадна байгаа монголчуудтайгаа холбогдон, ядаж оюун санааны хувьд нэгдмэл байх сайхан далим.
ЛАЛАРУУД ДАНДАА САЛАН ТУСГААРЛАСАН ҮЗЭЛ ГАРГАХ ЮМ. ДАН ХАЛХЧУУД БАЯРАА ТЭМДЭГЛЭЖ БАЙНА УУ
Bid olon ystniihaa soyl urlag zan zanshiliig uvlun abah ystoi ene bol butrah bish evlelden negdehiin bat gagnaas ym shuu
таалагдлаа