“Барин ламын намтар бүтээл” сэдэвт эрдэм шинжилгээний хурлыг энэ сарын 20-ны өдөр зохион байгуулах талаар Монголын бурхан шашны дээд сургууль /МБШДС/-ийн багш, МБШТ, Гандантэгчэнлин хийдийн лам нар мэдээлэл хийв.
МБШТ, ШДС-ийн багш Б.Соронзонболд "Брагри Ёнзин Дамцагдорж ламтан Түвдэд ном эрдэм сурч ирээд 40 гаруй жил Монгол нутагтаа олон шавь нарыг боловсруулж сүм хийдүүд байгуулан Монголын бурханы шашны хөгжилд их тус нэмэр оруулсан.
Барин ламын 4 дүгээр дүрийг 2011 онд Дээрхийн гэгээн Далай лам, 9-р Богд нар Өмнөговь аймгийн Цогтцэций сумаас тодруулж, одоо Энэтхэгийн Сэра дацанд суралцаж байгаа.
Наймдугаар сарын 11-нд Барин ламын 4 дүгээр дүрд Бат-Оршил өргөнө. Энэ ёслолыг угтаж олон ажлыг зохион байгуулж байгаагийн нэг нь “Барин ламын намтар бүтээл” сэдэвт эрдэм шинжилгээний хурал юм. Хурал энэ сарын 20-ны өдөр 10 цагаас МБШДС-ийн хурлын зааланд эхэлнэ" гэлээ.
Барин лам буюу Брагри Ёнзин Дамцагдорж ламтан 1781 онд хуучнаар Түшээт хан аймгийн Говь түшээ гүний хошуу одоогийн Дундговь аймгийн Сайхан-Овоо сумын нутаг улаан хошуу гэдэг газар Цэвээндашийн гэрт мэндэлжээ.
Тэрбээр нийт 23 боть сүнбүм 763 ном зохиол туурвисан нь Буддын гүн ухаан, анагаах ухаан, түүх намтар, бурхадыг бясалган бүтээх арга, хурлын зан үйл, сүм хийдийн жаяг дэглэм, уул овооны сан тахилга, хурлын уншлагын зан үйл, тарнийн гүн ухаан, олон бурхадыг бясалган бүтээх арга, тарнийн номын хөтөлбөрүүд, Дамдин янсан бурханы номын аймаг зэрэг чиглэлээр ном бүтээлээ туурвижээ.
Түүний ном эрдмийг биширч Түвдийн 4-р Банчин Богдын багш Лувсанданзан тэргүүтэй Түвдийн ихэс дээдэс лам нар шавь орж байснаас Монголын 5, 6 дугаар Богдууд болон хүрээний ихэс дээдэс лам нар догшин ноён хутагт Данзанравжаа шавь орж номын багш нь болж байв.
Д.Өлзий
Эх сурвалж: "Монцамэ" агентлаг
Сэтгэгдэл0
Хойт дүр тодруулах харанхуй мунхаг ёсыг хааны зарлигаар, Далай ламын айлдвараар таслан зогсоож, бурханы шашныг хамгаалая.
Eryyl sogtyy ni medegdehgyi tenegyyd yu geed dongosood bnaa!!!Deerh muu amt odoo amidarch baigaagaan bolj bna gej sanabal tegeed l yab l daa!!Byrhanii sasind ta metiin medrel muutai hymyys orolzoh hereggyi ee!!ertnees naas Mongolchyyd erdemten merged yos tortei tanii odoogiin ene baigaa tortei chini adilgyigeer ynend itgej irsen ard tymen bailaa syy!!!Harin ta haralgan Elbegdorj doo itgeed yab daa?ene bol hend ch heregzeegyi hyyrmag terel ariljsan hereg?...Daanch muu chagt amidarch baigaa daa haramsah yum!!!Ludnuud ee;;;
Манай лам нар бурхан бологсдыг буянтай хүн бна ил тавь гэдэг гэнэ ,үүнээс болоод ил тавих ердийнх мэт болжээ,бид лам нарынхаа буянаар бүдүүлэг,ядуу Төвдийн араас орох нь,саяхан ийм газар байдгийг нүдээр үзээд цочирдлоо. Төв аймгийн Баянцогт.Лам нар минь бүү ийм юм хэлэлдээ,буян биш юм бна, толгойн яс нь энд тэндгуй өнхрөөд ,бугд байгалдаа шингэдэггуй юм бна шуу. Цаашид анхаарна уу!