sonin.mn
Сэтгэгдэл (0)
Улаанбаатар /МОНЦАМЭ/. Улсын хэмжээнд 2017 оны 06 дугаар сарын 27-ны өдрийн байдлаар нийслэлд 16 удаа, Архангай, Баян-Өлгий, Булган, Дорнод, Завхан, Сүхбаатар, Сэлэнгэ, Төв, Ховд, Хөвсгөл, Хэнтий аймгийн 49 суманд 100 удаа, нийт 116 удаагийн ой, хээрийн гал түймэр гарч /урьдчилсан байдлаар/ 38821.3 га ой, 27687 га хээр, нийт 66508,3 га талбай түймэрт өртжээ. 
 
Өнөөдрийн байдлаар Булган аймаг Тэшиг, Хутаг-Өндөр, Сэлэнгэ, Бугат суманд тус бүр нэг, Сэлэнгэ аймгийн Хүдэр, Ерөө, Мандал суманд тус бүр нэг түймэр, Дорнод аймгийн Чойбалсан, Баяндун суманд тус бүр нэг түймэр, Хэнтий аймгийн Батширээт, Өмнөдэлгэр суманд тус бүр нэг түймэр,Төв аймгийн Мөнгөнморьт суманд нэг түймэр, нийт 12 түймэр асаж байгаа бол  Сэлэнгэ аймгийн Ерөө суманд 1 түймэр, Төв аймгийн Батсүмбэр суманд нэг түймэр, нийт хоёр түймрийг цурманд оруулжээ. Түймрийн голомт дээр Онцгой байдлын албанаас 180 албан хаагч, 17 автомашинтайгаар, орон нутгаас 235 иргэн, 20 автомашин, 26 морьтойгоор нийт 415 хүн, 37 автомашин, 26 морьтойгоор ажиллаж байна. Улсын хэмжээнд гарсан 116 удаагийн гал түймрийг унтраахад нийтдээ /давхардсан тоогоор/ Онцгой байдлын байгууллагаас 1942 албан хаагч, 216 автомашин, Хилийн цэргийн анги, байгууллагаас 203 албан хаагч, 13 автомашин, Зэвсэгт хүчний анги, байгууллагаас 388 албан хаагч, 22 автомашин, Цагдаагийн байгууллагаас 36 албан хаагч, 2 автомашин, орон нутгаас 3074 иргэн, 332 автомашин, 51 мотоцикль тус тус дайчлагдан нийт 5643 хүн, 585 автомашин, 51 мотоцикль, техник хэрэгсэл, 181 морьтойгоор ажилласан байна гэж Онцгой байдлын ерөнхий газраас мэдээллээ.
 
 
Ж.Батсайхан
Эх сурвалж: Монцамэ агентлаг