Галт тэрэг нь цагаасаа 20 секундийн өмнө хөдөлсөнтэй холбогдуулан уучлалт гуйжээ

Нийтэлсэн: 2017-11-17 12:20:27

ТОКИО. /Би-Би-Си/. Галт тэрэг нь хөдлөх ёстой цагаасаа 20 секундийн өмнө хөдөлсөнтэй холбогдуулан Японы төмөр замын нэгэн компани үйлчлүүлэгчдээсээ уучлалт гуйжээ.
 
“Би-Би-Си” телевизийн мэдээлснээр,  Токио хот болон Цүкүба хотыг холбодог “Цүкүба Экспресс” шугамын галт тэрэг нь цагийн хуваарийн дагуу өглөөний /энэ долоо хоногийн мягмар гарагийн/ 9:44:40 цаг хөдлөх ёстой байсан боловч 9:44:20 цагт хөдөлсөнтэй холбогдуулан “Метрополитан Интерсити Рэйлвэй” компани үйлчлүүлэгчдээсээ албан ёсоор уучлалт гуйсан байна.
 
Тус компаниас гаргасан мэдэгдэлд дурдсанаар, ажилтан нь цагийн хуваарийг шалгаж хараагүйн улмаас ийм хэрэг болсон гэнэ.
 
20 секундийн өмнө хөдөллөө гэж нэг ч зорчигч гомдол мэдүүлээгүй байхад алдаа гаргаснаа шударгаар мэдэгдэж, уучлалт гуйсан тус компанийг нийгмийн сүлжээ хэрэглэгчид магтан сайшаацгааж байна.
 
Японд галт тэрэг цагийн хуваарьт зааснаасаа түрүүлж эсвэл хоцорч хөдлөх тохиолдол бараг гардаггүй аж.
 
 
Г.Доржханд
Эх сурвалж: "Монцамэ" агентлаг
СУРТАЛЧИЛГАА :

3 сэтгэгдэл харуулж байна        

  1. Ёс жудагтай хүмүүс нийгэм гэж энэ болой.

    Цолмон, 2017-11-17 15:35:29, 103.26.193.116Хариу бичих

  2. Таны нэр:

    Тайлбар:

  3. Mongolisk zerleguud olj unshaasai ajildaa nevtruuleesei

    Зочин, 2017-11-17 16:57:41, 213.114.158.251Хариу бичих

  4. Таны нэр:

    Тайлбар:

  5. Гоё юмоо.

    Зочин, 2017-11-18 02:31:45, 49.0.218.205Хариу бичих

  6. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: