sonin.mn
Сэтгэгдэл (0)
Улаанбаатар /МОНЦАМЭ/. Унгарын Будапешт хотноо болсон циркийн урлагийн олон улсын тэмцээнд Монголын үндэсний циркийн жүжигчид амжилттай оролцож, алтан цомын эзэд болсон байна.
Энэхүү тэмцээнд Т.Номуунбаатар ахлагчтай циркийн манай жүжигчид эх орноо төлөөлөн оролцож 20 орны 168 жүжигчинтэй ур чадвараа сорин өрсөлдөж хамгийн өндөр оноог авч чаджээ. Монголын циркчдийн хувьд олон улсын тэмцээнээс сүүлийн гурван жилийн дотор зургаан алт, нэг мөнгөн цом, хоёр Гран при цом хүртээд байгаа юм.
Монгол Улсад акробат үсрэлтийн төрлөөр буюу банзнаас үсрэгч акробат үзүүлбэрээр Б.Золбаяр ахлагчтай баг 2012 онд олон улсын тэмцээнээс анхны алтан цомыг эх орондоо авчирсан бол тэдний амжилтын буухиаг ийнхүү амжилттай үргэлжлүүлжээ.
 
 
Д.Өлзий
Эх сурвалж: "Монцамэ" агентлаг