Улаанбаатар /МОНЦАМЭ/. Эрүүл мэндийн даатгал төлдөг 18-аас дээш насныхныг урьдчилан сэргийлэх үзлэгт үнэ төлбөргүй хамруулах бөгөөд уг арга хэмжээг ЭМЯ-наас улс орон даяар анх удаа хэрэгжүүлж байгаа юм.
ДЭМБ-аас зөвлөмж өгсний дагуу дөрвөн насны ангиллаар урьдчилан сэргийлэх үзлэгийг хийж байгаа бөгөөд 35-45 насны даатгуулагчийн үзлэгийн багцад зүрхний цахилгаан бичлэг, хэвлийн эхо, цусан дахь сахарын хэмжээ тогтооно. Баянзүрх дүүргийн эрүүл мэндийн төвийн халдвар судлаач эмч Бямбасүрэн: “40-өөс дээш насны даатгуулагчид нийт 8 төрлийн хорт хавдрын илрүүлэг, үзлэгийг хийлгэнэ. Ингэснээр зонхилон тохиолдох халдварт бус өвчнүүдийг эрт оношилж эмчлэх боломж бүрдэх юм.
Иймд 18-аас дээш насныхны урьдчилан сэргийлэх багцад хамрагдахын тулд Эрүүл мэндийн даатгалаа тасралтгүй төлсөн байх шаардлагатай” гэв.
Д.Өлзийсайхан
Эх сурвалж: Монцамэ агентлаг
Сэтгэгдэл0
хүн Эрүүл мэндийн даатгал төлдөг байж яахаараа урьдчилан сэргийлэх үзлэгээ үнэ төлбөргүй хийлгэдэг юм........ЭМД- дтөлсөн мөнгө чинь ажил эрхэлж албан журмаар төлсөн хууль ёсны миний мөнгө биз дээ.....яахаараа өөрийнхөө мөнгөөрөө эрүүл мэндийн үзлэг хийлгэж байж үнэгүй байна гэж хэнийг хуураад байгаам..........хэрэв үнэхээр ЭМД-аас мөнгө гараагүй бол л үнэгүй гэнэ биз дээ..... хүний ЭМД -аас нь авчихаад хэнэг ч үгүй даатгалаар нь үнэ төлбөргүй үйлчиллээ гэж хуурдаггаа болиочээ...... миний ЭМД гэдэг чинь аливаа эрсдлээс сэргийлэн БАНКИНД хадгалуулсан миний мөнгөтэй яг адилхан мөнгө шүү дээ