Улаанбаатар /МОНЦАМЭ/. 67 дахь удаагийн “Miss Universe”тэмцээний финалын шалгаруулалт энэ сарын 16-ны өдөр Тайланд улсын Бангкок хотноо боллоо.Тус тэмцээнд анх удаа Монгол улсаа төлөөлөн мисс, загвар өмсөгч Д.Долгион оролцож байна. “Miss Universe” тэмцээний шилдэг үндэсний хувцастай миссийг өнөөдөр тодруулах шалгаруулалтад 94 улсын гоо бүсгүй оролцов. Тус тэмцээний шилдэг үндэсний хувцастай 4 улсын нэгээр манай улсын үндэсний хувцас багтсан сайхан мэдээ байна. Д.Долгионы үндэсний хувцсыг “Торго” салонд урлаж, Дундад зууны үеийн Монгол хатдын хувцас өмсгөлөөс санаа авч нийт 100 мянга орчим чимэглэлийг гар аргаар оёж, уран дарханы нарийн хийцийг шингээжээ. Түүнчлэн нэрт яруу найрагч Д.Нацагдоржийн “Миний нутаг” шүлгийн хэсгээс оруулж, уул, ус, үүл, ургамал, олон мянган жилийн өмнөх монгол хадны зургийн ан амьтныг чимэглэл болгон ашигласан нь олны анхаарлыг татсан байна. Өнгөний хувьд орчлон ертөнцийг гэрэлтүүлэгч нарны алтан шаргал өнгийг билэгджээ.
Ж.Батсайхан
Эх сурвалж: Монцамэ агентлаг
Сэтгэгдэл0
Үнэн саак хувцас болжээ. Загвар зохион бүтээнэ гэдгийг анх удаа утгаар нь ойлголоо.
Unen yalsan surtei goyo boljee.
Урлаг соёл, шоу бизнесийн одуудын тоогоороо хөгждөг бол Монгол өнөөдөр бар байтугай арслан орон болчихсон байх байсан. Даанч үгүй юм даа
danch mongol bichgeeree buruu bichih yum da.iim ner hundtei temtseend oroh gj baij kaligrafiin masteruud erdemten naraas ashuugui yaasan be.
Nogoo tyyhee moljih yumdaa hoorhii