“Улаанбаатар эмпати” сургуулийн захирал, Турк улсын иргэн Вейсел Акчайг өнгөрсөн долдугаар сарын 27–ны өглөө гэрийнх нь гаднаас хулгайлж, тэр өдөр Туркаас тусгай үүргийн “ТТ4010” онгоц “Чингис хаан” олон улсын нисэх буудалд газардаж байв. Үүнээс хойш хууль хүчний байгууллагууд түүнд хилийн хориг тогтоож хэргийг шалгаж байгаа гэх боловч тоймтой хариу өгөхгүй байсан юм. Сүүлд Вейсел Акчай НҮБ-ын Дүрвэгсдийн асуудал эрхэлсэн дээд комиссарын газарт хамгаалалт хүссэн захидал хүргүүлсэн талаар мэдээлэл гарч байсан. Тэгвэл Вейсел Акчай Монгол Улсын хилээр гарчээ. Энэ талаар Гадаадын иргэн, харьяатын газрын дарга Д.Мөрөнгөөс тодрууллаа.
–Турк улсын иргэн Вейсел Акчай хилээр гарсан талаар мэдээлэл өгөхгүй юу?
– Вейсел Акчайг хуулийн байгууллага шалгаж мөрдөн байцаах газраас прокурорт хүсэлт тавьж хилээр гарахыг нь хориглосон байсан. Манайх прокурорын шийдвэрийн дагуу хилээр гарах асуудлыг нь зохицуулж системдээ оруулсан. Харин прокуророос “Вейсел Акчайг хилээр гаргахгүй байх шалтгаан байхгүй” гэсэн бичиг ирсний дагуу цуцалсан. Үүнээс хоёр хоногийн дараа хилээр гарсан. Өнгөрсөн сарын 30-нд Буянт-Ухаагийн хилээр гарсан. Хонгконгийн онгоцонд суусан байдаг.
–Өөрийн хүсэлтээр гэсэн үг үү. Турк явсан уу?
-Өөрийн хүсэлтээр хилээр гарсан. Турк руу яваагүй байх. Хилийн хориг цуцлагдсан учраас Монголоос гарахад нь саатуулах эрх бидэнд байхгүй.
–Гэр бүл нь хамт явсан уу?
-Гэр бүл нь Америкт байгаа гэж дуулдсан. Монголоос эрт гарсан.
–Монголд хэдэн жил амьдарсан юм бол?
-Вейсел Акчай 2004 оны тавдугаар сард Монголд орж ирэхдээ хөдөлмөр эрхлэгчээр орж ирсэн. Сүүлдээ хөрөнгө оруулагчийн статусаар амьдарч байсан.
–Түүнээс өөр турк иргэн нутаг буцсан уу?
-“Эмпати” сургуулийн салбарууд Улаанбаатар, Дархан, Эрдэнэт, Баян-Өлгийд байна. Турк сургуулиудад 64 иргэн ажиллаж байгаагаас 26 нь багшилж байна. Бусад нь гэр бүлийнх нь хүмүүс. “Эмпати”-д зөвхөн турк биш филиппин иргэд багшилдаг.
“Эмпати” сургуулийн хөрөнгө оруулагч нэг л хүн байсан нь Вейсел Акчай. Бусад нь хөдөлмөр эрхлэгчээр бүртгэлтэй. Өнгөрсөн долоо хоногт Туркийн 6-7 иргэн Монголоос гарч явсан. “Эмпати” сургуулийн өмчийн хэлбэр өөрчлөгдөж Германы өмчид шилжсэн учраас эдгээр иргэд гарч явсан байх. Харин сургуулийг германчуудад зарсан эсэхийг мэдэхгүй.
–Турк улсаас иргэнээ шилжүүлж өгөх хүсэлтийг байнга явуулж байсан гэсэн үү?
-Гадаад харилцааны яамны мэдэх асуудал. Ер нь бол Туркт манай улсын 4500 иргэн, манай улсад 300 гаруй турк иргэн амьдарч байгаа учраас нэг хүнээс болж янз бүрийн асуудалд орох нь хоёр улсын харилцаанд сөрөг нөлөөтэй.
Тухайн улстай эрхзүйн туслалцаа үзүүлэх гэрээтэй бол Хуульзүй дотоод хэргийн яамаар дамжуулж хүсэлт тавьдаг. Турк улстай манай улс эрхзүйн туслалцаа үзүүлэх гэрээ байхгүй.
–Вейсел Акчай манай харьяат болох хүсэлт өгөх юмуу ямар нэг хамгаалалт хүссэн үү ?
-Тийм хүсэлт өгөөгүй. Улс төрийн орогнол хүсэх юм бол түүнийг шийддэг ганц субьект нь Ерөнхийлөгч. Хоёрдугаарт, Монгол Улс дүрвэгчийг хүлээж авах НҮБ-ын конвенцид нэгдээгүй.
C.Уянга
Эх сурвалж: "Зууны мэдээ" сонин
Сэтгэгдэл0
Энэ хүн нөгөө Зоригийн хэргийг илрүүлнэ өөрийгөө сурталчлаад байсан хүн мөн үү? Даргаа хийсээр л байна уу? Нөгөө илрүүлнэ барина гэж хуцаад байсан нь юу болсон бэ?
Зоригийн аллагын захиалагчийг хэзээ зарлах вэ?
Д. Мөрөн маш товч атлаа тов тодорхой хариулт өгсөн байна. ЗГ-ын түшмэдүүд маань энэ хүн шиг ажлаа мэдэж байвал бас болж байна. P.S. Зоригийн хэргийг өөрөө илрүүлнэ гэж хэлсэн тухай нь судалсан, тийм үг хэлээгүй гэж бодож байна. Миний олж уншсан материалд "энэ засгийн үед энэ хэрэг илрэхгүй" гэсэн утгатай үгүүд байсан. Тэр нь өдий болтол үнэн хэвээр байгаа нь харин хэний буруу вэ? Булган нь "энэ хүмүүс биш" гэсээр байтал нь, наранд бага ч атугай гарах зорилгоор, "...-г би алсан" гэж хүн амины хэргүүдийг бөөнөөр нь хүлээгээд байдаг хүнд ял тохчихоод ажил хийсэн нэр зүүж, өндөр цалин, бас шагнал аваад байдаг шүүхийнхнийг бид татварын мөнгөөрөө цалинжуулаад явж байна.
Зоригийн хэргийн газар түмэн хүн оруулж мөр балласан гэмт хэрэгтэн Монголд болохоор дарга! Хэргийг нь гэмгүй хүмүүст тохсон Хурц элчин сайд.
Шудрага бусын хонгилоо гэж.
Ajildaa ezen bolson hun dee
Төв аймгийн уугуул юм чинь аргагүй шүү дээ.
Энэ хун ч солонгосын хоронго оруулттай компанийг луйвардхад гар хол нь болж явсан хун дээ