sonin.mn
Сэтгэгдэл (0)
УИХ-ын гишүүн, Хүнс Хөдөө Аж Ахуй, Хөнгөн Үйлдвэрийн Сайд Ч.Улаанаас болж УИХ-ын гишүүн Н.Номтойбаярын бүрэн эрхийг түтгэлзүүлэх эсэх асуудлыг хэлэлцэх Халдашгүй Байдлын Дэд Хорооны хуралдаан хойшилж буй талаар Хууль Зүй, Дотоод Хэргийн сайд Ц.Нямдорж өгүүлсэн билээ. Энэ нь худал болохыг УИХ-ын гишүүн, Хүнс Хөдөө Аж Ахуй, Хөнгөн Үйлдвэрийн Сайд Ч.Улааны хэвлэлийн төлөөлөгч мэдэгджээ.
 
Тодруулбал тэрээр: "Манай сэтгүүлчид Н.Номтойбаяр гишүүний бүрэн эрхийг түдгэлзүүлэх эсэх асуудлаар хуралдах Халдашгүй байдлын дэд хорооны хуралдаан ХХААХҮ-ийн сайд Ч.Улааны гадаад томилолттой холбоотойгоор хойшилсон талаар нэлээн асууж сураглаж байгаа тул сайдаас тодруулж мэдээлэл авснаа та бүхэнд дамжуулж байнаа. 
 
ХХААХҮ-ийн сайд Ч.Улаан: ХБНГУ-д жил бүрийн 1-р сард зохион байгуулагддаг Хөдөө аж ахуйн сайд нарын дэд хэмжээний уулзалт, “Ногоон долоо хоног” үзэсгэлэн яармагт оролцохоор энэ сарын 16-23  хүртэл ажлын айлчлалаар явсан. 
 
 
 
Халдашгүй байдлын дэд хороогоор УИХ-ын гишүүн Н.Номтойбаярын бүрэн эрхийг түдгэлзүүлэх Ерөнхий прокурорын саналыг хэлэлцэхийг мэдэж байсан учраас явахаас өмнө хуралдахыг дэд хорооны дарга гишүүдээс хүссэн ч хуралдаагүй. ХБНГУ-д зохион байгуулагдаж байгаа  Хөдөө аж ахуйн сайд нарын дэд хэмжээний уулзалтад олон улсын Хөдөө аж ахуйн сайд нарын бага хурлыг удирдах байсан тул томилолтоо хойшлуулах боломжгүй байсан.
 
 
 
Тиймээс Халдашгүй байдлын дэд хороо хуралдахдаа ирцэнд авахыг хүсч өөрийн саналаа нууцын зэрэглэлтэйгээр 2020 оны 1-р сарын 16-нд албан бичгээр хүргүүлсэн. Тиймээс миний ажлын айлчлал Халдашгүй байдлын дэд хорооны  хуралдаан хойшлох шалтгаан болох учиргүйг албан ёсоор хэлье." гэжээ.