Монголын улстөрийн хоёр том “Энх” ХVII жарны “Галзууруулагч” хонь жилийн анхны золголтоо хийж, хөөрөг зөрүүлж жигтэйхэн найртай суусан нь ажлын эхний өдрийн гол дуулиан байв.
Гэхдээ МАХН-ын дарга Н.Энхбаяртай гар зөрүүлэн золголт хийх аз тохиодоггүй юм бол, холхноос ч болтугай гэгээн дүрийг нь тольдож, хийморь лундаагаа сэргээчих хүсэлтэй олны хөлд намынх нь жижигхэн цагаан байшин дайвалдаж байсныг бусад албан газруудад хамаатуулан бодвол ажлын эхний өдрийг олигтой үр бүтээлтэй өнгөрүүлэгсэд тоотойхон байсан нь дамжиггүй.
МАХН-ын цагаан байшинд Н.Энхбаяр даргыг гүнээ хүндэтгэж, энэ цагийн амилсан бурхан шиг сүсэглэн дээдлэхээр цугласан олны дунд Эрүүл мэнд, спортын сайд Г.Шийлэгдамба, Батлан хамгаалахын сайд Ц.Цолмон, БСШУ-ны дэд сайд Б.Тулга, ОБЕГ-ын дарга асан Т.Дуламдорж, МХЕГ-ын дарга асан Д.Батмөнх, Монгол Улсын Ардын жүжигчин А.Энхтайван, Гавьяат тамирчин Н.Бүргэдаа гээд түүнийг бараадан дагасныхаа хүчинд ажил, амьдралтай залгасан нөхөд, үнэн сэтгэглээсээ бурханчлан шүтэгчид гээд нийгмийн бүх л анги давхрагын төлөөлөл цугларсан байв.
Өглөөний 11:00 цаг хараахан болоогүй байхад эхэлсэн золголт 13:00 цаг хүртэл үргэлжилж, одоо л дуусах нь дээ гэж байтал гаднаас МҮАН-ын дарга, Монгол Улсын сайд М.Энхсайхан өөрийн үнэнч дагуул дэд дарга Б.Цогтгэрэл, Эрчим хүчний яамны Төрийн нарийн бичгийн дарга асан Д.Дэлгэрцогт хоёрыг дагуулчихсан харайлгаад ороод ирдэг байгаа.
Үнэндээ 2012 оны УИХ-ын сонгуульд "Хөх Монголын баялгийг ардад нь буцааж өг, Хаан Чингисийн төрийг Монголд нь буцааж өг" уриатай оролцсон МАХН, МҮАН-ын "Шударга ёс" эвслийн удирдлагуудын нэг, өнөөдөр Тавантолгойн хөрөнгө оруулагчидтай хийж байгаа хэлэлцээрийг ахалж суугаа М.Энхсайхан сайдыг ингээд харайлгаад ороод ирэх юм гэж Н.Энхбаяр даргаас эхлээд олон хүн огтхон ч тооцоолоогүй болохоор сүүлийн үед тун их моодонд ороод байгаа “Элбэгдорж харц”-аар төөнөх шиг л болно лээ.
М.Энхсайхан сайдын хувьд хэзээний л байдгаараа сүрхий инээдгээрээ инээчихээд улстөрийн хамтрагч гэхээсээ илүүтэй хэн нэгнийгээ битүүхэн хянагч, хазгай гишгэвэл түлхчихэж ч мэдэх барилдлага муутай түншдээ хадаг гарган тохой зөрүүлж харагдсан. Яах аргагүй энэ цагийн Монголын зангаргатай хоёр улстөрч, хэн хэн нь, хэнийг ч, хэзээ ч эргээд ноцож чадах шазруун, хонзогногч гээд хүчирхэг хувь улстөрчдийн заяагдмал хэв шинжийг нэгэн биедээ цогцлоосон удирдагчид гэдэгтэй маргах хүн төдий л олон гарахгүй.
Хэдийгээр МАХН-ын дарга Н.Энхбаярын царай төдийлөн сайжраагүй, ядруухан харагдах ч барилдлага муутай түншийгээ сүрхий бядтай тэвэрч байгаа нь анзаарагдаж байна лээ. М.Энхсайхан сайд ч яах вэ дээ, хэзээнээсээ Н.Энхбаяр түншээ дэргэд нь байвал болж л өгвөл бурханчлан шүтэж, бараг л адис авчих гээд байдаг зантай. Тэгээд ч тэрбээр сэтгэл нь догдолсон үедээ нүдээ алга болгож байгаад, байдгаараа инээж чаддаг нэгэн билээ.
Хоёр намын дарга, зангаргатай түншүүдийн хаврын тэргүүн сарын золголтыг хажуунаас нь ажиглахад хуучны тийм л нэг танил дүр зураг ажиглагдаж байсан. Хоёр их түншид аминчлан ярилцах сэдэв, хэн хэндээ анхааруулга өгөх зүйл мундахгүй их байгаа. Тэр ч утгаараа хөөрөг зөрүүлэх тэрүүхэн агшинд ямархан нэгнийг нухацтайхан хэлцэж эхлэнгүүт бараа бологчид нь хажуугаар нь орж ирж анхаарлыг нь сарниулаад байхыг харахад өөрийн эрхгүй “Урагшгүй албатууд”-ын үлгэр санаанд орж ирээд байна лээ.
Хоёр “Энх”-ийн ам руу нь орчих шахан айраг, идээ барин гүйлдэх бараа бологчдыг харахад Боролдой, Долдой хоёр л санаанд орж ирээд байгаа юм. Гэхдээ хоёр “Энх”-ийг тойрон эргэлдэгч Долдой нараас илүүтэй тэдний санааг зовоосон, яаралтай уулзаж халуухан ярилцах сэдэв маш их байгаа нь “Зууны мэдээ” сонинд Н.Энхбаяр даргын өгсөн сар шинийн мэндчилгээнээс тодорхой харагдсан.
Н.Энхбаяр дарга тэрхүү ярилцлагадаа “Эдийн засгийн хүндрэл бэрхшээлийг далимдуулан ард түмний баялаг болсон ОюуТолгой, Тавантолгой зэрэг стратегийн баялгуудыг үрэгдүүлэн шамшигдуулахыг бид хэзээ ч зөвшөөрөх ёсгүй. Миний бие энэхүү ард түмний өмчийг хамгаалах үүргээ биелүүлэхийн тулд УИХ, Засгийн газар дахь өөрийн намын төлөөллөөрөө дамжуулан шат дараатай арга хэмжээ авч ажиллах болно” гэсэн нь Тавантолгойн хөрөнгө оруулагчидтай хийж байгаа хэлэлцээрийн Монголын талын ахлагч М.Энхсайхан сайдад шууд хандсан үг гэж ойлгож болно.
Тэгвэл ярилцлага бүртээ “Мега төсөл маш амархан хагардаг. Түүнийг улстөр, бизнесийн бүлэглэлүүдийн нөлөөнөөс хол байлгах ёстой” гэсээр байгаа М.Энхсайхан сайд бараг л эцсийн цэгийг нь тавихад ойрхон очоод байгаа Тавантолгойн гэрээг чадлаараа хамгаалах нь тодорхой. Түүнийг Ерөнхий сайд Ч.Сайханбилэг цээжээрээ хамгаалах нь тодорхой бол улсын нэгдүгээр хүн ч битүүхэн, тэгэхдээ шаргуухан дэмжиж таарна.
Асуудлыг энэ талаас нь аваад үзвэл өчигдөрхөн “Галзууруулагч” жилийн золголтоо хийсэн Монголын улстөрийн хоёр том “Энх”-үүд тун удахгүй Оюутолгой, Тавантолгойг тойруулан хавирга нэвтлэн жиндүүлсэн энэ хаврын синдромыг эхлүүлэх нь тодорхой болж байна. Н.Энхбаяр даргыг УИХ-ын бие даагчид, за магадгүй Г.Уянга, бүр саяхны Ерөнхий сайд асан Н.Алтанхуяг улайран дэмжиж, золигтохыг ч үгүйсгэх аргагүй. Чухамдаа тэр тун эвгүй цагт, тун эвгүй бэлэгтэй эх орондоо морилон ирсэн нь тодорхой болж байна.
Монголын улстөрийн хоёр том “Энх” хөөрөг зөрүүлээд жигтэйхээн.
Эх сурвалж:
Сэтгэгдэл0
Би жирийн л нэгэн нам бус гадаадад олон жил болсон залуу, нет-д ард нэрээр сэтгэгдэл бичдэг залуу. Ерөнхийлөгч асан Энхбаяр Ард түмний дунд нэр хүндтэй байгаа нь бөхийн өргөөнд орж ирэхэд л мэдрэгдсэн. харин элбэг энийг мэдээд өмдөндөө шууд чацга алдана бил ээ. Хулгайч луйварчид, хүүхнүүдийн хувь заяагаар тоглож монгол бөхийн сүр сүлдийг унагагч допинг сүхбат, маажиг япон хүүхэнтэй мөнгөний төлөө сууж монгол улсын иргэншлээс хасагдсан хакүхо мэттэй хамт биш харин ч ард түмнийхээ дунд сайхан бөх үзээд сууж байгаа нь сайхан харагдаж байсан. энэ цагаан сарын барилдааан сайхан боллоо, энэ жилд атигар тарвага, луйварчид шоронд орж ардын засаг тогтох болно... Ард түмний санал бүр төрд хүрдэг тийм сайхан нийгэм удахгүй тогтох болно....
ХӨӨРХИЙ ДӨӨ МУУ МОНГОЛЧУУД ХЭЗЭЭ НЭГ УХААН ҮОЖ ӨӨРӨӨ ӨӨРТӨӨ ЭЗЭН БОЛЖ МОНГОЛИЙН СҮҮЛИЙН 25 ЖИЛИЙН ТҮҮХИЙГ БУЗАРЛАГЧ НАРТ ҮГҮЙ ГЭЖ ХЭЛЖ СУРАХ ЮМ БОЛ ДОО
ААЛЗ ТОРОО НЭХЭЖ ЭХЭЛХЭНДЭЭ
МАХН-ын цагаан байшинд Н.Энхбаяр даргыг гүнээ хүндэтгэж, энэ цагийн амилсан бурхан шиг сүсэглэн дээдлэхээр цугласан олны дунд Эрүүл мэнд, спортын сайд Г.Шийлэгдамба, Батлан хамгаалахын сайд Ц.Цолмон, БСШУ-ны дэд сайд Б.Тулга, ОБЕГ-ын дарга асан Т.Дуламдорж, МХЕГ-ын дарга асан Д.Батмөнх, Монгол Улсын Ардын жүжигчин А.Энхтайван, Гавьяат тамирчин Н.Бүргэдаа гээд түүнийг бараадан дагасныхаа хүчинд ажил, амьдралтай залгасан нөхөд, үнэн сэтгэглээсээ бурханчлан шүтэгчид гээд нийгмийн бүх л анги давхрагын төлөөлөл цугларсан байв.
ЭНХБАЯРАА ОДОО ЗVГЭЭР Л НЭГ ЗVЛГЭН ДЭЭР ГЭРЭЭ БАРИАД АМЬДРААЧ.ӨӨРӨӨС ЧИНЬ ӨС ХОНЗОН Л ХАНХЛААД БАЙХ ЮМ.ТӨР ЧАМАЙГ ӨРШӨӨСӨН ОДОО ТЭГЭЭД ЯАХ ГЭЭД БАЙГАА ЮМ......
Шилний ард сууж, авлигатай тэмцэгч монгол түшмэлийн үлгэр Фалет Тэги: Улаанбаатар, үнэний тасалгаа, хүнд суртал, авлига, монгол Бүр алсаас эхлэе. Манай Билэгдэл шилэн буурчийн газрыг учиргүй шүтдэг нэгэн. Тэнд бие засах газар, унтлагын өрөө цөм тунгалаг шил. Бүр шүүгээ, жорлонгийн суултуур нь хүртэл тув тунгалаг шил. Билэгдэл бидний хөдлөл бүрий эхлэл болор мэт тунгалаг байхыг зорих ёстой хэмээн ярих дуртай. Ер нь тэгээд бие бие рүүгээ хялмалзаж байхын тулд санал хураалт шилэн хөшигний цаана, ерөнхийлөгч нарын хэм тэгш уулзалт цоожтой боловч шилэн танхимд болж байг гэнэ. Тэгээд нөгөө бүгдэд таардаг түлхүүр гуй та нарынх бол хуучирсан нүд хуурсан ажил, харин минийх бол эсрэгээрээ шилэн таазтай задгай орчноос айх өвчин гэж хашгачина. Би бол шууд л шил рүү явж очоод хар эрчээрээ түүнийг мөргөөд духаа зад цохидог гэнэ. Харин би монголчуудаас жишээ ав аа гэж улиглаад байгаа юм. Тэд чинь өөрийнхээ оюун сэтгэлгээнийхээ хүчинд янз бүрийн тасалгаа хаалтанд дадаж дасаагүй улс. Хашаа л харна тал. Ямар сайндаа нэг кино найруулагч зураг авахдаа нутгийн аврагууд нууцын газар уруу нь нэвтэрээд байхгүйн тулд, бүр ядаад, жад хатгаж байхав дээ. Харин тэр нь одоо өвөг дээдсийнх нь дуудлага байж л дээ. Улаанбаатарын эрх баригч нар авлигатай тэмцэх зорилгоор түшмэлд зориулсан “үнэний тасалгаа” гээчийг нэвтрүүлжээ. Одоо албан тушаалтны иргэнтэй хийх уулзалт шилэн хаалгатай өрөөнд болох ёстой ба тэнд дүрс бичэгч, тусгай компютерт хэрэгсэл ажилладаг аж. Харин би бага байна гэж бодоод байна. Авлигатай тэмцэхэд боломжтой бүх хэрэгсэл таарна. Тунгалаг хана, дүрс бичлэгээс гадна авлигаа хааш нь ч нуух боломжгүй болгохын тулд түшмэлд зориулж шилэн тусгай хувцас, дотоож оёж өгөхийг санал болгож байна. Эсвэл, гэрчлэх баримтыг нь хайрцаг савнаас нь ховх сорж байх тийрэлтэт салхижуулагчтай болгож болно. Харин хэт даварсан авлигч нартай байгууллагын орох, гарах хаалган дээр нь рентген аппарат суулгаж, ажилтных нь биед хөхүүлж суулгадаг гэрлийн шил тавих хэрэгтэй . Тэгээд л судасны цохилт нь түргэсээд, гар нь салгалж байвал тэр хүн тэвдэж байна гэсэн үг. Тэгүүнц гэрэл нь асаад л хонх дуугарч шуурхай хэсгийг дуудна. Хүүе ээ! Тэгээд л харсан чинь байна ш дээ? Билэгдлийн чихний нь үс сөрвийгөөд, сэргэж сэхснээсээ болоод шүлс нь дусалж байна аа?! Үгүй, тэгэхээр одоо “үнэний тасалгаа” –нд уулзалт хийхээр Монгол явдаг хэрэг ээ. Хөөе бушуулаарай. http://www.ng.ru/titus/2015-02-20/1_filantropia.html
АВИЛГАЛ ЦЭЦЭГЛЭХ БОЛТУГАЙ
Ерөнхийлөгч маань эх орондоо ирж шинэлсэнд баяр хүргэе. Аргагүй л ТОМ удирдагч шүү. Шударга ёс эвсэлд амжилт хүсье
Том АВИЛАГЧ
Altanhuyag kkkk saihan gar umaa
odoogiin tsag ved Enhbayar guail mongoliin awral boloh bahdaa. tereer mongol tord tugch barj yawsan bas tugaliig ni ch hariulj vzsen! towchhondoo bol bold tomriig ulaisgaj baigaad hviten usand genet dvrhed ter tomor byad suuj hattai boldog! medeej omno ni tereer ard tvmneese tasarsan,oligarhuudtai nohorloson,awilgaliig bol awuul awchihdag asar tom darga yawsan!gehdee ter ni Bayar gua bolon odoogiin tom darga nariin 'strategiin ord 'garzraara naadaj naimaaltsaj baigaagiin derged bol estoi gemgvi helmegdsen hvndee. owog mongol uhaanaar bol 'yadarsaniig tetgedeg harin zadarsaniig dardag'gazar oichson hvniig dewseedl baidag setgelgee mongoliinh bishee.harin aldaagaa oilgoj uhaarsan hegend uram ogch bolomj olgodog terl uhaan 'Hvnnv veies ulamjlan agua CHIGIS haanaar damjuulan bidend owlogdson! minii sanahaar sotsialIZMiin shvtlegiin daraagaar ardchilalIZMiin shvtleg garch irsen! uul ni bi ardchilaliig oilgohdoo tahil shvteen bish,niigem ahuin amdraldaa ashiladag 'arga heregsel'l gej boddog. domoghon yawaa delhiin busad ulsuudch tvvnee ashigldagl bolhoos manaih shig 'vzel surtal'(IZM)bolgood hariutslagaasa bultsaad huurch suudgvim bainalee
TOM AVILGACH BOL ELBEGDORJ
ENHBAYAR DARGADAA AMJILT HUSIE
Enkhbayar bie ee bodooroi
НАМЫГ ТАТАН БУУЛГАЖ ЦАГААН ЗАХТАНЫ МАФИ-Г БУЛШЛАХ ЁСТОЙ.НАМЫН ЛИСТЭЭР ГЭЖ ХУЛГАЙЧ НАРЫГ ОРУУЛДАГЫГ ХАЛАХ ХЭРЭГТЭЙ.2016 ОНЫ СОНГУУЛЬ НААДАМ БИШ НАЙР БОЛНО ДОО.ЗАСГИЙН ЭРХИЙГ ГАРТАА АВСАН АЖИЛЧИН МАЛЧИН СЭХЭЭТЭН ТАРИАЛАНЧ НОГООЧИД ЗАД НАЙРЛАНАДАА
Энхбаяр дарга эх орон ээж аав элгэн садан ард түмэндээ сар шинээр ирсэнд баяр хүргэж амжилт хүсье
Аймшиг аюулыг давсан гайхамшигтай хүн шүү Та чадсан Нугаршгүй ноён нуруутай мундаг улс төрч шүү та