МАХН-ын дарга Н.Энхбаярын эх орончдын өдөрт зориулан хэлсэн үгтэй холбогдуулан зарим нэг буруу зөрүү ойлголтыг газар авч гай тарихаас нь өмнө залруулах нь зүйтэй гэж үзлээ. Учир нь муу үг модон улаатай учир удахгүй баахан хүмүүс “Манжийн хаан бол бидний хаан. Бид хятадын Синхайн хувьсгалын хүүхдүүд гээд орилолдоод эхэлвэл яана. Учир нь экс ерөнхийлөгч маань ”Орхон гол маань баатарлаг гавьяа байгуулж тэр битгий хэл тухайн үед хаад ноёд маань лан мөнгөөр цалин тавьж Орхон голдоо жил болгон ёслол үйлдэж мөнгө, цалин өргөдөг байсан.” гэж хээв нэг бахархалтайгаар хэлэв.
Эх орны төлөө үрэгдсэн монгол эрчүүдийн сүнсийг гомдтол гашуунаар хэлэв.Учир нь Манжийн цэрэгт шахагдан Орхон голд амиа алдсан монгол эрсийн баатарлаг хирнээ харамсалтай түүхийг бүх монголчууд мэднэ.Эрэлхэг баатруудын үхэлд баяссан манжууд Орхон голд хээл хахууль цутгаж түшээ гүн цол олгосон гэдгийг мэдэхгүй монгол хүн байна гэхэд юутай харамсалтай.Манжийн хаан,түүнд бөхөлзсөн ноёдууд бол манай хаад ноёд биш л дээ.За энэ ч яахав андуурсан биз гээд мартая гэтэл ерөнхийлөгч асан маань андуурах учиргүй дахин нэг алдаа гаргав.
Тэрээр Франц, Хятад, Монголын хувьсгалын талаар баахан ярьж Хятадын Синьхайн хувьсгалыг илүү онцлов. Эцэст нь “ Бид бол 5 хувьсгалын хүүхдүүд мөн” гэж дүгнэв. Үүнийг сонссон монголчууд “Бид Хятадын хувьсгалын хүүхдүүд биш” гэж уурсан хэлэх бүрэн эрхтэй. Тэр эрхээ ч эдлэх эрхтэй.Учир нь 1911 оны хятадын хувьсгалын гол зорилго бол Хятадын үндэсний үзлийг сэргээн хүчирхэгжүүлэх явдал байсан.Хятадууд үндэсний үзлээ сэргээж чадсан үед л мандан бадрах болно гэж үзэж байсан юм.Сунь Ят Сен Хятадын хувьсгалын зорилтыг тодорхойлсон” Ардын гурван зарчим”-даа Франц болон Оросын/1905 оны/ хувьсгалаас манай хувьсгалын ялгаа нь үндэсний хувьсгал байх болно гэж онцолсон байдаг.
Гэтэл бид хувьсгал бүхэн адилхан, хувьсгал болгон сайн гэсэн арчаагүй мөчид сэтгэлгээгээр өнгөрсөнөө дүгнэвэл ирээдүйгээ харж чадна гэж үү? Инерцээрээ хөдөлж ирээдүйг бүтээнэ гэж байхгүй л дээ.Ер нь түүхэн үйл явдлууд монголчуудад ямар эерэг нөлөө, үр дүн үзүүлэв гэдэгт л эн тэргүүнд ач холбогдол өгч түүхэнд хандах хандлагаа тодорхойлох учиртай.Түүнээс бус зөвхөн цар хэмжээг өрөөсгөлөөр чухалчлан үзэж сүрдэх аваас Хятадын хувьсгалын төөрч төрсөн хүүхдүүдийг Монголд олноор бий болгож байгаагаас ялгаа юун.
Хятадын хувьсгал бол эхнээсээ л Монголчуудын эсрэг байсан./Гэтэл монгол улсын ерөнхийлөгч байсан хүн бид Хятадын хувьсгалын хүүхэд мөн гэсэн утгатай зүйл хэлээд, алга ташуулаад зогсож байх юм/ Үүнийг түүх нотолно.Хятадын хувьсгалт байгууллагын мөрийн хөтөлбөрт орсон “харь угсаатныг устган арилгах” гэсэн заалт нь монголчуудын эсрэг шууд дайсагнасан утгыг ил тод, эрээ цээргүй илэрхийлж байсан.Учир нь хятад ханзаар цюй чү да ло , монголоор харь угсаатныг устган арилгах гэсэн үгийн да ло гэдэг үсгээр манжид эзлэгдэхээсээ өмнө хятадууд монголыг бичиж нэрлэж байсан.
Тийм учир тухайн үед монголчууд хятадын хувьсгалчдын энэ уриаг монголчуудын эсрэг гэж үзэж байсан юм.Тэгээд ч хятадын хувьсгалаар төрөн гарсан шинэ,хуучин хүчнүүд олон зүйлээр өөр хоорондоо тэрсэлдэж байсан хирнээ ганцхан зүйл дээр санал нэг,эв нэгдэлтэй байлаа.Тэр нь монголын тусгаар тогтнолыг үл хүлээн зөвшөөрөх.Хятадын хувьсгалчид 1911 оны 10-р сарын 11-нд Хятадын Учан хотод Хятад,Түвд,Монгол,Уйгар,Хотон гэсэн 5 угсаатнаас бүрдсэн Дундад Иргэн улс байгуулсаныг тунхаглаж байв.
Тийм ч учир энэ хувьсгалаас монголын эх орончид машид болгоомжилж, таашаан үзэхгүй байсан.Өвөг дээдэс маань чонын амнаас гараад барын аманд орохгүйн тулд хувьсгал хийх хэрэгтэйг ойлгосон.Өөрөөр хэлвэл манжаас арай гэж салаад хятадын мэдэлд орвол монгол үндэстэн устаж алга болно гэж мэдэж байсан учир 1911 оны хувьсгалыг хийсэн түүхтэй.Монголчуудын болгоомжлол зөв байсныг цааш өрнөсөн түүхэн үйл явдлууд хоёрдмол утгагүйгээр нотолдог.Мөнөөхөн монголчуудыг үлдэн арилгах зорилго тавьсан хувьсгалч хүүхдүүдийн нэг болох генерал Сью Шү Жанаар удирдуулсан хятадын хувьсгалт цэргүүд болох гамингуудын гай үүний хамгийн том жишээ.
Хятадын хувьсгалын эсрэг хийсэн монголчуудын хувьсгал бол Үндэсний Эрх Чөлөөний болон Ардын хувьсгал юм. 1911 оны хувьсгал нь мөн чанартаа Манжийн гэхээсээ Хятадын эзэрхийллийн эсрэг илүүтэй чиглэсэн байсан.Үүнийг гүнзгийрүүлэн судлах нь эх оронч, үндэсний үзлийн төлөвшилд нэн чухал юм. Эцэст нь монгол хүн бүр доорх зүйлийг чангаар бодож явах учиртайг сануулсу:
ХХ зуунд монголын тусгаар тогтнолын эсрэг явагдсан ил далд санаархал бүгд хятадын Синхайн хувьсгалаас төрөн гарсан юм Хятадын хувьсгалын эцэг Сунь Ят Сен, ерөнхийлөгч Юань Ши Кай,Монгол руу цэрэг оруулах шийдвэр гаргасан Дуань Ци Жуй,Богд хааныг маань ерөнхийлөгчийнхөө зурганд мөргүүлсэн Сью Шү Жан нар бол хятадын хувьсгалын жинхэнэ хүүхдүүд мөн.
Монгол орныг гал усны гашуун зовлонд унагасан гамингууд бол хятадын хувьсгалын төрсөн хүүхдүүд мөн.
Харин бид бол тусгаар тогтнол гэсэн үнэт зүйлээр хүйн холбоотой монголын гурван хувьсгалын хүүхдүүд юм.
Д.Өрнөхбаяр /Шинэ үе-шинэ хүчний холбоо/
Сэтгэгдэл0
Gutgeleg
Шоучин Кимчигийн тагнуул Энхбаяр зайлаач ээ Энхбаярын сулласан Элбэгдорж огцорооч ээ
Chi yumeddeg gej soliorood hadyyraad hyn gytgeed bna!!!!!!!!!!!galzyyr erh cheleetei hyzaj bolno gesen ene orond cham sig ni debehgyi ee!!yum meddeg hyn yarij bna!!!!!ernehbayar gesen ebchin tyssan neher bna syy!!!!!!hynii ee harj kaif abagchid Mongold ikhe boljee!!ene hend asigtai be>?ebdrelzbel Hyatadad l heregtei baih daa!!!hyjaagiin erliizyyded!!!!!!!!!!!
Hudlaa bailgui dee.Tegj heleegui bailgui dee.Gutgej bna
Монгол, Түвдийн хороо нь зөвхөн Монгол болон Түвдтэй харьцах асуудлыг хариуцаж байгаагүй, мөн Англи, Америк, Орос гэхчилэн гадаад улс орнуудтай харилцах асуудлыг хариуцаж байсан. Өөрөөр хэлбэл Монгол Түвдийн Хороо бол Гадаад Явдлын Яам. Гадаад Монгол бол бие даасан гадаадын улс мөн гэдгийг Монгол оронтой Гадаад Явдлын яамаар дамжуулан харьцаж байсан явдал харуулж байна. Манж, Монгол хоёр холбоотон улс байсан тул хятадууд харь улсаас эх орноо чөлөөлөх үндэсний хувьсгал хийх нь аргагүй шүү дээ. Хэрвээ Монгол улс хятадын нэг муж байсан бол ийм чөлөөлөх хөдөлгөөн өрнөхгүй байсан.
гүтгэлгээ болио ч дэ
Гүтгэлэг биш МАХН-д шинэ гишүүн элсүүлэхэд хэлсэн үгийг нь ТВ9 шууд дамжуулахадЭнхбаяр гуай ингэж хэлсэн.Олон хүн дургүйцэн хүлээж авсан.Энхбаярын мууг үзэх гэсэндээ биш. юм мэдэхгүй нөхдүүд үнэн гээд дагаад дуурайгаад давхичих учраас энийг сануулан бичсэн нь зөв.Бид яахаараа хятадын хувьсгалын хүүхдүүд байдаг юм.
Цэвэр гүтгэлэг Яаж зохиож гүтгэвэл амжилтанд хүрэх вэ гээд хороо найруулаадунтаж чадахгүй байгаа юм байна шүү Муугий нь үзэж яасан ханадаггүй муухай улсууд вэ
2-р сарын 27 нд МАХН -д шинэ гишүүд элсүүлэх арга хэмжээ 16.20миутаас эхэлсэн .Түүн дээр хэлсэн.Юнивишнээс ухраагаад үз.Болор цомын нэвтрүүлэгийн цаг дээр шууд дамжуулсан.Хүмүүс бичээд авсан байна лээ. Удахгүй you tube тавигдах байх аа Тавигдсан ч байж магадгүй.
Бичлэгийг нь тавина уу?
uur hiih zuil alga uu ,,!? medemhiiregchid ee gej
Ene teneg yu bicheed bnaa.yumiig oilghgui maluu.delhiin odoogiin humuusiig 5 huvisgaliin ur dund bii bolson huuhduud gej helj bn
Энхбаярыг гүтгээд ер нь яахав дээ. Тэр өөрөө л мангар гэдгээ харуулсан тул тэрнийг нь л шүүмжилсэн байна. Тэгээд ч энэ бол аргагүй хэлэхгүй бол болохгүй асар том алдаа. Өөрөө хэлсэн үгэндээ уучлал гуйвал таарна.
N.Enhbayarig shuumjlehiin orond gadaadin gar hol bolson Tarbagdorj erenhiilogchiig shuumjleech.Heden ter bumaar ni abah estoi tatbarig salhind hiisgej bain sh dee.
Н.Энхбаяр гэдэг хүн сэтгэц мэдрэлийн өвчтэй гэдгийг бас бодолцох хэрэгтэй. Өлсгөлөн, баривчилгаа, харь газар олон сар, жилээр уймраа байдалд байсан зэрэг нь нөлөөлсөн буйзаа. Уулаасаа ч нэг их ухаанаар гайхагдаад байх баагий биш шүүдээ. Орчуулсан зүйлийнх нь мохоо хэллэг, ярьж байгаа модон хэллэгээс нь тодорхой байдаг. Баахан юм уншаад эмх цэгц муутай тогтоосон зүйлээ ярьсан чинь иймэрхүү инээдэмтэй байдалд оруулчихгүй юу.
Элбэгдорж ерөнхийлөгч бол түүхийн талаар А үсгийн мэдлэггүй, ном уншдаггүй хүн бн. Манж, өвөрмонгол, хятадын давуу хүчтэй тулалдсан ойрадын цэргүүд түрэгдэн ухарч Орхон гол дээр ирж байлдасан, дахиж түрэгдээд Орхон голыг бөөнөөрөө гаталж эхэлтэл гол гэнэт үерлэн хэдэн мянгаараа үерт осолдон сүйрсэн. Үерийн дараа Орхоны доод урсгал ойрад цэргийн хүүрээр битүү дүүрсэн байсан гэдэг. Манжын Энх Амгалан хаан хичнээн мянган ойрад цэргийг тонилгож өгсөн орхон голд маш их баярлаж хамгийн хүндтэй өргөмжилөлдөө хэрэглэдэг Түшээ гэдэг цол гэж өргөмжилөн ихээр тахисан. Жил бүр тахьдаг болгосон. Монголчууд уул хайрханыг л тахьдаг. Ганцхан тахилгатай гол бий болсон нь энэ Орхон гол юм. Тэр осолдож үхсэн цэргүүд нь өөлд, дөрвөд, торгууд, захчин гээд ойрад цэргүүд. Элбэгдорж өөрөө захчин хүн байж. Аягүй бол тэр живж үхсэн цэргүүдийн дотор өөрийнх нь өвөг дээдсүүдээс үхсэн л бгаа. Гэтэл ингэж хэлээд манжын хаан шиг магтаад зогсож бн гэхээр мөн ч тэнэг хүн юм да гэхээс өөр арга алга.
Хэлний хүн гэхэд Энхбаяр экс дэндүү болгоомжгүй,эмх цэгцгүй,алдаатай ярьдаг.Хүний бодол санаа үгээр дамжиж илэрдэг.Төрийн тэргүүн байсан хүн ийм гэнэн,хариуцлагагүй,муйхар байж боломгүй.Тийм байх ч эрхгүй.Түүний хөг өнгөрсөн шүү дээ.Одоо юугаа хийнэ.Зайгаа тавьж өгөөд үлдсэн хэдэн насаа яс амар өнгөрүүлэх хэрэгтэй.Ингэж олон түмэнд гай чирээд,өөртөө лай хураасны ашиг гэж юу байнаа?
SIU SHU JANII UDAM BOLBAYARZOGT