НЬЮ-ЙОРК. /Nasdaq/. Төв Азийн Монголд хөрөнгө оруулалт хийх боломж байгаа тухай өгүүлсэн 2013 оны “Global Finance”сэтгүүлийн нэгэн нийтлэл миний сонирхлыг татсан хэвээр байгаа юм. 2013 онд ДНБ нь 12 гаруй хувиар өсч байсан энэ улс хөрөнгө оруулагчдын радарын доогуур нисч байгаа юм шиг санагдаж байлаа.
Хэсэг анхаарал татсаны дараа “FTSE Global Markets” цахим хуудаст өнгөрсөн долоо хоногт өөр нэгэн нийтлэл гарах хүртэл энэ улс хэвлэл мэдээллийн хэрэгслүүдийн гол сэдэв байхаа больсон юм.
Гадаадын хөрөнгө оруулагчид Монголыг сонговол үнэхээр чамлахааргүй амжилт гаргах боломжтой гэсэн агуулга бүхий 2013 оны нийтлэл хэтрүүлэг биш гэж надад санагдсан. Арилжааны платформд шилжин T+0-ээс T+3 төлбөрийн системд нэвтрэхийн тулд (Арилжаа хийгдсэн өдөр + 3 ажлын өдөр) Монголын Хөрөнгийн бирж Лондонгийн Хөрөнгийн биржтэй /ЛХБ/ түншлэлийн гэрээ байгуулсан юм. Төрийн өмчийн компаниудынхаа засаглал болон олон улсын хөрөнгийн биржүүдэд нэвтрэх чадварыг сайжруулахыг Монгол Улсын Засгийн газарт ЛХБ зөвлөсөн.
Монгол нь ашигт малтмалаар баялаг улс юм. Гол гурван ашигт малтмал нь алт, зэс болон нүүрс. Тус улс зэсийн үйлдвэрлэлээрээ дэлхийд эхний тавд багтаж байна. Саяхан тус улсын Засгийн газар БНХАУ болон Зүүн Өмнөд Азийн бусад улсын баячуудыг татахын тулд казино барих тухай хуулийн төслийг баталсан юм. Америкийн “Sands of Las Vegas” болон “MGM Resorts” компани эдгээр төсөлд оролцох сонирхолтой байгаагаа хэдийн илэрхийлжээ. Хөрөнгө оруулалт хийх боломж хайж байгаа хүмүүсийн хувьд invest-mongolia.apip.com. хангалттай мэдээлэл авч болохуйц цахим хуудас юм. Монгол бол хөгжиж буй ямар ч зах зээлийг ажиглаж буй хөрөнгө оруулагчийн харцнаас тийм ч амархан мултрах улс биш ээ гэж дэлхийн хөрөнгө оруулалтын зах зээлийн талаар судалдаг шинжээчдээс бүрдсэн “DMS Funds” сангийн захирал Петер Коли бичжээ.
Г.Доржханд
Сэтгэгдэл0
ӨХИГ)-ӨНДӨР ХӨГЖИЛТЭЙ ИХ ГҮРНҮҮДИЙН ТУСЛАМЖ ГЭЖ ЮУ ВЭ. Яаж хэрэгждэг вэ. Юуны түрүүнд ӨХИГ өгөөмөр тусламжийн гараа нефть, хий, эрэдэс баялагийн нөөц ихтэй бага буурай орнуудад сунгадаг. Үүнийгээ нарийн дэс дараатай явуулна. Эхний ээлжинд хамтран ажиллагсадаа сонгоно. Эдгээр хүмүүс нь нэг их ухаантай байх шаардлагагүй түүгээрч үл барам хэрэггүй, харин маш сайн гүйцэтгэгчид байх ёстой. Дараагийн ээлжинд сургалт-боловсруулалт явуулна. Сонгож авсан хүмүүсээ урьж ӨХИГ-ийн хөгжлийн гайхамшгийг өнгө будагтай харуулна. Цайлна, дайлна. Энэ бүхэн үнэгүй буюу бараг үнэ төлбөргүй. Мэдээж геополитик, улс төр гололсон сургалт-тархи угаалтыг үл мэдэгдэм боловч зай завсаргүй явуулна. Та нар ӨХИГ бид наргүйгээр хаашаач явахгүй гэдэг кодыг тархинд нь суулгаж өгнө. Ийм үйлчилгээг нэг бус удаа үзүүлсний эцэст эдгээр ноёд өөрсдий нь эцэг эхээсч илүү буянтай,улс орон нь диваажин мэт санагдаж, зарим илүү идэвхтэй хэсэг нь өөрийн улс орон, ард түмнээ голож элдвээр муучилж эхэлнэ. Жишээлбэл Монголчууд муухай өмхий үнэртэй гэдэгч юмуу. Энэ үед дараагийн шатанд шилжинэ. Манай Бороогийн алтны ордтой ойролцоо нэг ордыг хаа нэг газар ямар их үр ашигтай ашигласан тухай төсөлч юмуу, 20-р зууны монголчууд яаж төөрч будилж явсан тухай нийтлэл үзүүлж өөрийн нэрээр хэвлэлд өгөхийг зөвлөнө. Мэдээж хэвлэх газар бэлэн байх тул хоосон магтаалтай хамт гонарор нэрийн дор санаанд багтамгүй мөнгө орж ирнэ. Мань эрч овойж, мэдэмхийрч гарна. Ингэсээр нэг мэдэхэд өөрөөч мэдэлгүйгээр эзнийхээ гарт ЭЗ,УТ,ҮБ бүхийл талaар бүрэн атгагдаж, гарах гарцгүй болж ӨХИГ-ний тавиул болж хувирчсан байдаг байна. Тэр битгийн хэл эх орон ард түмнийхээ эсрэг тагнуул туршуулын ажилдч оролцожсон байж мэднэ. Ингээд л төгсгөлийн буюу дээд шатандаа орж ӨХИГ-ний эрх ашгийн төлөө эх орон газар шороо, ард түмнээ шулах ажилд орцгоодог байна. Манайд ийм хүмүүс байгаа юу. Байгаа бол хэн хэн байж болох вэ? Харин ийм хүмүүсийн амьдрал ихэвчлэн тун гунигтайгаар төгсдөг гэдгийг бас дурьдах хэрэгтэй. Дээр бичсэн зүйлүүдийг бүгдийг тодорхой түүх баримт нотолгоотой бичиж болно. Болно ч гэждээ бичсэн нийтлэл ном бүтээл хангалттай байгаа.