1992 оны Үндсэн хууль бол манай Эх орны тусгаар тогтнол, ардчилал, төрт ёсны баталгаа мөн. Энэ хуулийг батлахад тухайн үеийн сонгуулийн насны 1 сая 200 мянган хүнээс 900 мянга гаруй нь оролцож хэлэлцсэн нь Монголын түүхэнд урьд өмнө хэзээ ч гарч байгаагүй үндэсний зөвшилцөл юм.
Өнгөрсөн хугацаанд нам, улс төрчдийн дур зоргоор авирлалт, бусармаг явдлыг хязгаарлахад голлох үүрэг гүйцэтгэж ирсэн Үндсэн хуулийг өөрчлөхөөр өнөөдөр хэдхэн улстөрчид, бүлэглэлүүд хуйвалдан нэгдэж, төслийг УИХ-д өргөн барихаар зэхэж буй нь ард түмний итгэлийг нэгэнт алдсан эдгээр хүмүүс өөрсдийнхөө эрх мэдлийг өргөжүүлэх, цаашид хэвээр хадгалах зорилгоор хуйвалдаж байна уу гэсэн хардлагыг төрүүлж байна.
2000 онд Үндсэн хуулийн цэцээр хориг тавьсан төслийг хүчээр баталж, Үндсэн хуульд оруулсан дордуулсан долоон өөрчлөлтийн балагийн үр дагаварыг бид өнөөдөр ч хүртсээр байна. Сэм хуйвалдаж, ард түмнийг үл ойшоосон энэхүү явдлын хор уршгийг бүх монголчуудаараа үүрч явна.
Асуудал хуулинд биш, түүнийг дагаж мөрдөхгүйд оршин байна. Эрх мэдэл булаацалдаж, хувийн эрх ашгаа улсын эрх ашгаас дээгүүр тавьдаг улс төрчид байгаа цагт хууль мөрдөгдөхгүй, нийт монголчуудын эрх ашиг хамгаалагдахгүй.
Иймийн тул Үндсэн хуульд өөрчлөлт оруулах асуудлаар үндэсний хэмжээний хэлэлцүүлэг явуулж, зөвшилцөлд хүрсний үндсэн дээр хийхийг Хөдөлмөрийн Үндэсний Намын зүгээс хууль тогтоогчдод хандан шаардаж байна.
ХҮН
2015 оны 6 дугаар сарын 26 Улаанбаатар хот
Сэтгэгдэл0
Дэмжиж байна, залуусаа. Маргааш уулзацгаая
Нэг хүн ард түмний өмчийг хулгайлвал хулгайч гэнэ.Хэсэг хүн нийлж ард түмний өмчийг хулгайлвал зохион байгуулалттай гэмт хэргийн бүлэглэл гэнэ.МАН гэмт хэргийн бүлэглэл биш үү.АН гэмт хэргийн бүлэглэл биш үү.Одоо энэ хоёр аймшигт мафи хамтран хулгай хийж байгаа бөгөөд дээрэмчид өөрсдийн эрх ашгийг үүрд баталгаажуулах гэж "Үндсэн хууль" руу бузар савраа сунгаж байна.Хамгаас харамсалтай ,эмгэнэлтэй нь ард түмэн огт сэхээрч, гэгээрч, ухаан суухгүй байна.Тэгэхээр энэ дээрэмчид даврахаас ч өөр яах билээ.
Ard tumnii coriin ganc buteel titem huuliig ard tumnii orolcoogui uurchluh gej baigaag eserguucej baigaa ni ZUV Buh asuudal undsen huulind bish togtolcoond bish turchdud hundee baigaa gej helj baigaa ni ZUV Ard tumen buhimdaj baigaa ni argagui ZUV titem huulia hamgaalj baigaa zaluusiin ZUV Zaluus aa chimh chimheer zogsoltgui uragshaa l ahiad baigaarai ochih ceg oirtood l baih vii!
Нам дамнасан олигархиудын зулзаганууд нам байгуулж, тоглож байгаа юм биз дээ? Бас болоогүй ээ, Монгол төрийн алтан соёмбыг Мүүний ёсолгоо хийж буй хүнээр сольчихсон, айн? Юуг өөрчлөх гээд байгаа чинь наад далбааны өнгө, логоноос чинь нэв харагдаад байгаа юм биш үү?