Улаанбаатар /МОНЦАМЭ/. Рио Тинто группын Гүйцэтгэх захирал Жан Себастьян Жак Монгол Улсад ажиллаж байна. Тэрээр Рио Тинто группын албан ёсны төлөөлөгчийн газрын нээлтийн ажиллагаа болон “Оюутолгой” компанийн хамт олонд Аюулгүй ажиллагааны дээд шагналыг гардуулахаар хүрэлцэн иржээ.
Рио Тинто группийн Гүйцэтгэх захирал Жан Себастьян Жак, МОНЦАМЭ агентлаг болон IKON.mn, Itoim.mn вэб сайт, Өнөөдөр сонины сэтгүүлчидтэй уулзаж, үйл ажиллагааныхаа талаар мэдээлэл өгч, асуултад хариулсан юм.
Уулзалтад "Рио Тинто" группын гүйцэтгэх захирал Жан Себастьян Жакаас гадна тус группын Монгол дахь төлөөлөгчийн газрын шинэ захирал Д.Мөнхтүшиг, “Оюу толгой” ХХК-ийн Гүйцэтгэх захирал Армандо Торрес болон бусад албаныхан байлцав.
60 УУРХАЙГААС “ОЮУТОЛГОЙ” АЮУЛГҮЙ АЖИЛЛАГААГААР ШАЛГАРЧЭЭ
Рио Тинто группын Гүйцэтгэх захирал Жан Себастьян Жак “Би Монгол Улсад 18 сарын өмнө ирсэн. Энэ хугацаанд маш олон бүтээн байгуулалт “Оюутолгой” компани дээр өрнөснийг хараад сэтгэгдэл өндөр ирлээ. Гүний уурхайн үйл ажиллагаа нэлээн ахицтай явж байна. Энд 14 мянган хүн ажиллаж байна.
Рио Тинто группын хүрээнд 60 гаруй уурхай үйл ажиллагаа явуулдаг. Эдгээр уурхайгаас “Оюутолгой” компани аюулгүй ажиллагаагаараа шалгарч, Рио Тинто группийн гүйцэтгэх захирлын нэрэмжит дээд шагналыг хүртсэн явдал бол асар их хөдөлмөрийн үр дүн юм. Хэдийгээр Оюутолгой компани 5 жил үйл ажиллагаа явуулж буй ч маш богино хугацаанд нэр хүндтэй шагнал хүртлээ. Тус уурхайг ажиллаж эхлэхэд ийм нэр хүндтэй шагнал авна гэдгийг хэн ч төсөөлөөгүй биз ээ. Тэгвэл Рио Тинто группын бусад уурхай, ордууд “Оюутолгой” компанийн туршлага судлах хэмжээнд ажилласан нь хамгийн том амжилт гэж харж байна.
Мөн үеэр “Оюу толгой” ХХК-ийн Гүйцэтгэх захирал Армандо Торрес хэлэхдээ, “Оюутолгой компанийн үйл ажиллагааны хэсгийн 97 хувийг Монгол ажилтнууд бүрдүүлдэг. Энэхүү нэр хүндтэй шагналыг хүртсэн нь Рио Тинто группын уул уурхайн тэргүүн туршлагыг монголчууд амжилттай нутагшуулж, өөрийн болгосны тод жишээ юм.
РИО ТИНТО ГРУППТ МОНГОЛЧУУД ОЮУНЫ ХӨРӨНГӨӨ ОРУУЛААД ЭХЭЛЧИХЛЭЭ
“Оюутолгой” блокчлон олборлолт хийх технологийг ашиглаж байна. Үүнийг дэлхийн цөөхөн компани эзэмшдэг нарийн технологи юм. Иймээс “Оюутолгой” ХХК-д бэлтгэгдэж буй залуус 7-10 жилийн дараа Рио Тинтогийн хэмжээний гүний уурхайн хамгийн шилдэг инженерүүд болох гэрэл гэгээ байна.
Гүний уурхайд ажиллах үеэрээ Монгол инженерүүдийн төлөөлөлтэй уулзлаа.Дэлхийн түвшинд бэлтгэгдсэн боловсон хүчин “Оюутолгой”-д байна гэдэг бол Монголын нэг бахархал. Тэрчлэн Рио Тинто группын хувьд мэдлэг чадвартай дэлхийн бусад орны уул уурхайд ажиллах чадамжтай инженерүүд бий болох нь. Рио Тинто группт монголчууд оюуны хөрөнгө оруулалтаа хийгээд эхэлчихлээ. Манай группын дээд удирдлагын түвшинд Монгол залуус хувь нэмрээ оруулж байна. Сингапур дахь борлуулалт, маркетингийн төлөөлөгчийн газарт өнгөрсөн долоон хоногт удирдлагын баг ажилласан. Энд Монгол залуус ажиллаж байна. Мөн миний удирдлага дор Б.Болд, Д.Мөнхсүх нарын залуус гүйцэтгэх захирлын алба хашиж буйг дурдаж болно.
МОНГОЛ УЛСТАЙ ТҮНШЛЭХ ТҮНШЛЭЛ "ОЮУТОЛГОЙ"-ГООР ХЯЗГААРЛАГДАХГҮЙ
Бид Монгол Улстай урт хугацаанд ажиллах сонирхолтой байгаа.Бидний сонирхол хамтын ажиллагаа түншлэл “Оюутолгой”-гоор хязгаарлагдахгүй, хайгуулын боломж бололцоог эрэлхийлж байна. Мөн Мэдээлэл технологийн ажлыг эхлүүлэв. Монгол Улстай хамтын ажиллагаагаа бэхжүүлж өргөжүүлэхээр Улаанбаатар хотод шинэ оффис нээж буй бөгөөд энд 80 гаруй монгол ажилтан ажиллана. Д.Мөнхтүшиг Рио Тинтогийн Монгол дахь үйл ажиллагаа хариуцсан захирлаар томилогдсон бөгөөд тэрээр Рио Тинтогийн шинэ оффисыг удирдах юм. Шинэ оффис нь тус группын хайгуулын хөтөлбөр, технологийн төвд дэмжлэг үзүүлж, Монгол дахь бүх түншлэгч талуудтай харилцаагаа бэхжүүлэхэд анхаарч ажиллана. Рио Тинтогийн Монгол дахь үйл ажиллагаа хариуцсан захирал “Оюу толгой” ХХК-ийн Гүйцэтгэх захирал Армандо Торресийн багтай уялдаатай ажиллана гэдгийг тус группын Гүйцэтгэх захирал Жан Себастьян Жак тодотгов.
Рио Тинтогийн Монгол дахь үйл ажиллагаа хариуцсан захирал.Д.Мөнхтүшиг ярихдаа, “Шинэ оффист Рио Тинтогийн Монгол дахь геологи хайгуулын баг болох “Рио Тинто Экпслорейшн” /Ар-Ти-Икс/ болон Рио Тинтогийн Мэдээллийн систем, технологийн багийн Монгол дахь салбар болох "Монголиа Дэливэри Центр” /Эм-Ди-Си/ байрлана. “Монголиа Дэливэри Центр” нь Рио Тинтогийн олон улс дахь үйл ажиллагаанд дэмжлэг үйлчилгээ үзүүлнэ” гэв.
-Монгол Улсын эдийн засаг агшилттай байгаа энэ үед “Оюутолгой” компаниас үзүүлэх үр нөлөө юу байв гэсэн асуултыг олон нийт их тавьдаг. “Оюу толгой” компанийн дотоодод зарцуулсан нийт мөнгөн хөрөнгө 7 тэрбум ам.доллар давсан тухай мэдээлсэн. Гэвч энэ үр өгөөж Монголын хөрсөнд шингэсэнгүй гэдгийг Уул уурхайн дэд сайд саяхан мэдэгдсэн. Үүнд ямар хариулт өгөх вэ?
-“Рио Тинто” группын Гүйцэтгэх захирал Жан Себастьян Жак: Төлөвлөгөөгөөр 15 мянган хүн "Оюутолгой"-д ажиллана. Үүний 95 хувь нь монголчууд байх юм. “Оюутолгой” ХХК-ийн ханган нийлүүлэгчдийн тоог нэмбэл Монгол дахь хамгийн том хувийн хэвшил болно. 2017 оны дүнгээр 1.7 тэрбум ам. долларын худалдан авалтыг дотоодын компаниудаас хийсэн. Тиймээс 1.7 тэрбум ам. доллар Монголын эдийн засагт шууд орж ирсэн хөрөнгө оруулалт гэж хэлж болно.
Манай ханган нийлүүлэгч гэрээт компаниуд бүтээн байгуулалтад оролцохоос гадна үйлдвэрлэлийг хөгжүүлэхэд хувь нэмрээ оруулж байна. Түүхий эдийн дийлэнхийг бүрдүүлдэг шохойн чулууг Монголын ханган нийлүүлэгчээс авч байгаа. Мөн ганбөмбөлгийг Монгол компаниас худалдан авдаг. Арьсан бээлийг гаднаас авдаг байснаа больж Монголоос авч эхэллээ. Улмаар төмөр хоншоортой гутлыг монголчууд хийнэ гээд олон ажил өрнөж байна. Энэ бүхэн маань “Монголд үйлдвэрлэв” гэсэн стратегийн нэг хэсэг болж байгаа юм. Эдийн засагт оруулж буй хувь нэмэр гэхээр татвар хураамж, байгалийн нөөц, бүтээгдэхүүний экспортоор хэмжих нь өрөөсгөл юм. 2010 оноос хойш 1.5 тэрбум ам.долларын татвар төлсний зэрэгцээ уг төсөл дээр 14 мянган хүн ажиллаж буйгаас гадна худалдан авалтын мөнгөн дүнг нэрлэж болно. Үүний цаана байгаа эдийн засгийн эргэлт, ханган нийлүүлэгчдийн бий болгож буй ажлын байр гээд дам нөлөөнүүдийг ярих нь зөв байх. Өмнө нь "Оюутолгой" 7 тэрбум ам. долларын хөрөнгө оруулалт хийсэн. Гүний уурхайн бүтээн байгуулалтад 5 тэрбум ам. доллар зарцуулсан барилга бүтээн байгуулалт эхлээд 5 жил ажиллаж байна. Бүрэн хүчин чадлыг эзэмшихийн тулд 7 жил шаардана. Тэгэхээр нийгмийн үр нөлөөг хэлэх нь зүйтэй.
-Дэлхийн зах зээл дээр зэсийн үнэ өсч байна. Энэ таатай нөхцөл “Оюутолгой” ХХК-ийн хэтийн төлөвт хэрхэн нөлөөлнө гэж харж байна?
-Зэсийн зах зээлийн нөхцөл байдал төсөөлж байснаас илүү сайжирч байна. Тиймээс Гүний уурхайн бүтээн байгуулалт дуусах тэр үед зэсийн үнийн таатай нөхцлөөс ашиг хүртэнэ гэсэн хүлээлт байгаа. Зэсийн зах зээлийг өөдрөгөөр төсөөлөх хоёр хүчин зүйл бий. Нэгдүгээрт эрэлт юм. Уур амьсгалын өөрчлөлтөөс үүдэлтэй шинэ технологиуд бий болж байна. Хоёрдугаарт цахилгаан машинуудын хэрэглээ нэмэгдэж байна. Эрэлт байгаа тохиолдолд “Оюутолгой” шиг дэлхийн түвшний уурхайн хувьд том боломж. Тэгэхээр эрэлтийг хангах боломж Оюутолгойд байна гэсэн үг.
-Ирээдүйн уурхай хүнгүй болох дүр зураг гарч байна. Дэлхийн томоохон уурхайнууд хүний хөдөлмөрөөс илүүтэй кноп дарах автоматжуулалтын систем рүү аль хэдийн орчихлоо. 100 гаруй жил үйл ажиллагаа явуулах “Оюутолгой” ХХК-ийн хувьд дэлхийн энэ жишиг рүү орох нь дамжиггүй. Өнөөдрийн нөхцөлд Монгол Улс хүн амаа ажилтай, орлоготой байлгахыг зорьж байна. “Оюутолгой” хэтийн төлөвлөлтдөө автоматжуулалтын системийг хэдийд нэвтрүүлэхээр тусгав? -Сайхан асуулт байна. Автоматжуулалт чухал. Аюулгүй ажиллагааг хангах энэхүү систем нь хүний амь нас хамгаалах, учирч болох эрсдлийг хамгаалах гол хөшүүрэг. “Рио Тинто”-гийн бусад салбаруудын туршлагаас үзэхэд автоматжуулалт нэвтрүүлэхэд өөр шинэ ажлын байрууд бий болдог. Эдгээр ажлын байрууд илүү их нарийн ур чадвар, мэдлэг шаарддаг онцлогтой. Нөгөөтэйгүүр дэлхийн өрсөлдөөнт зах зээлд ажиллаж буйн хувьд зардлын хувьд бусад уурхайнуудтай өрсөлдөхүйц байх ёстой. Мэдээж автоматжуулалт “Оюутолгой”-д нэвтэрнэ Гэхдээ ойрын таван жилд том хэмжээний автоматжуулалтыг нэвтрүүлэхгүй байх гэж харж байна. Австралийн уул уурхайд ямар ч жолоочгүй ачааны машин явж байна. Бүрэн автоматжсан жолоочгүй галт тэрэг уурхайгаас боомт хүртэл явах жишээтэй. Гэхдээ ойрын үед ийм төлөвлөгөө алга байна. Эхний ээлжинд мэдээллийн системийн удирдлагыг нэвтрүүлэхээр ажиллаж байгаа. Уурхайн үйл ажиллагааны мэдээллийг цаг тухайд нь авах бол төлөвлөлт, хөрөнгө оруулалтад хамгийн чухал зүйл.
“Оюу толгой” ХХК-ийн Гүйцэтгэх захирал Армандо Торрес “Оюутолгой”-н уурхайн технологийн том төсөл бол менежментийн үйл ажиллагааны систем юм. Эл системийн тусламжтайгаар цаг үеийн мэдээллийг шуурхай хүргэснээр ажиллагсдын аюулгүй ажиллагаа болон бүтээмжийг хангана гэж тооцож байгаа. Хэдийгээр туршилтын үе шатанд байгаа ч гэсэн тооцоолсноос илүү үр дүн гарахаар хүлээгдэж байна. Өөрөөр хэлбэл мэдээллийн автоматжуулалтын систем ухаалаг аюулгүй орчныг бүрдүүлэх учир шинэ технологийг богино хугацаанд нэвтрүүлж нутагшуулахаар ажиллаж байгаа.
-Оюутолгойн 34 хувийг Монголын тал эзэмшдэг. Монголчууд хэзээ ногдол ашиг хүртэх боломжтой вэ. Энэ асуудал маргаантай хэвээр байна. Мөн зээлийн хүү өндөр байна гэсэн асуудлыг Уул уурхайн дэд сайд тавьж байсан?
-Ямар ч бизнесийн байгууллага хувь нийлүүлэгчид ногдол ашиг тараахын тулд ашигтай ажиллаж эхлэх ёстой. Өнөөдрийн байдлаар 7 тэрбум ам. долларын хөрөнгө оруулаад байна. Үүнээс гадна гүний уурхайд 5 тэрбум ам. долларын хөрөнгө оруулсныг би дээр дурдсан. Хувь нийлүүлэгчдийн сонирхол ижил. “Оюутолгой” аль болох богино хугацаанд ашигтай ажиллаж хувь нийлүүлэгчдэд ногдол ашиг тараах ёстой. Нөгөө талаас Монгол Улсын Засгийн газар энэхүү төслийн 34 хувийг эзэмшихдээ өөрийн хувь эзэмшилд ногдох хөрөнгө оруулалтыг хийгээгүй. Харин ирээдүйд олох ногдол ашгаасаа төлөх сонголт хийсэн. Гүний уурхайн бүтээн байгуулалтыг хийхийн тулд олон улсын санхүүгийн байгууллагуудтай хамтран төслийн санхүүжилт босгосон. Энэхүү төслийн санхүүжилт гаргасан байгууллагууд зээлээ эргүүлж авна шүү дээ. Өнөөдөр та бүхний өмнөөс би харж суугаад хэдэн онд ногдол ашиг хуваарилж өгнө гэж хэлэх боломжгүй. Энэ нь зах зээлийн хүчин зүйлсээс их хамаарна. Нөгөөтэйгүүр “Оюутолгой” хэзээ ашигтай ажиллах вэ гэдгээс ихээхэн шалтгаална. Монгол Улсад өнөөдөр эл төсөл шууд болон шууд бус утгаар өгөөжөө өгч байгааг дахин хэлье. Асуудалд том зургаар, алсын хараатай хандах хэрэгтэй гэж бодож байна. “Оюутолгой”-г дэлхийн хэмжээний уурхай болгосны дараа хувь нийлүүлэгчид өгөөж өгөх асуудлыг хөндөх нь зүйтэй болов уу.
-Дубай хотноо байгуулсан гэрээгээр “Тавантолгой”-н цахилгаан станц барих асуудлыг тусгасан. Эл цахилгаан станц барих үнийн саналыг Монголын талд хэзээ өгөх вэ?
-Эрчим хүчний асуудалтай холбоотой хэлцэл тодорхой үр дүнд хүрээгүй бөгөөд олон нийтэд мэдээлэх хэмжээний шийдэл гараагүй байна. Тиймээс урьдчилж мэдээлэл өгөх боломжгүй юм.
- Монголын ТЕГ-аас “Оюутолгой” компанид 155 сая ам.долларын татварын акт тавьсан. Үүнийг хөрөнгө оруулалтын гэрээтэй холбоотой үйл ойлголцол үргэлжилсээр байна гэж харж байна. Үйл ойлголцлыг шийдэл болгохын тулд “Рио Тинто”-гоос ямар алхам хийх вэ?
-Татварын актын тухайд бизнесийн үйл ажиллагаа явуулж буй компаниудад гардаг л асуудал гэж дүгнэж байна. Бид АНУ, Канад, Австрали гээд олон оронд үйл ажиллагаа явуулдаг. Эдгээр орнуудад ч гэсэн татварын маргаан үүсдэг. Монголын ТЕГ-ын актыг 10 хоногийн өмнө бид хүлээж авсан. Тиймээс “Оюутолгой” ХХК-ийн удирдлагууд Монголын Засгийн газар болон Татварын байгууллагатай ойлголтоо нэгтгэх уулзалт зохион байгуулахаар ажиллаж байна.
Уулзалтын төгсгөлд дүгнэж хэлэхэд, 18 сарын хугацаанд “Оюутолгой” ХХК-д олон дэвшил гарч, Монгол Улсын эдийн засагт хувь нэмрээ оруулсаар байна. “РиоТинто” группын хувьд Монгол Улс бол Стратегийн гол түнш. Энэхүү түншлэлийг батжуулахад манай төлөөлөгчийн газар ажиллана. Бидний гол зорилго бол “Оюутолгой”-г дэлхийн дээд зэрэглэлийн уурхай болгохын төлөө ажиллана.
Б.Заяа
Эх сурвалж: Монцамэ агентлаг
Сэтгэгдэл0
Oyu tolgoig haa. Gereeg tsutsal. Angli ruu tonight. Mongoloos zail.
Зарлал: Даралт ихсэх, тархи – зүрхний титэм судасны хатуурал нарийсал, цусан хангамжийн дутагдал, хэм алдалт, шигдээс – ишеми, цусны өтгөрөл, холестрин ихдэх зэрэг эмгэгүүдийг эрүүлжүүлж, хүндрэлээс сэргийлэх, нөхөн сэргээх /харвалтын дараах г.м/ үйлчилгээ бүхий Ханаагүй тосны хүчлийн ЛИ ЭР КАН /ОМЕГА КОМПЛЕКС/ бүтээгдэхүүнийг борлуулж байна. . ҮНЭ: 1 сар: /1 сав/ 240’000₮, 1 курс-: /3 сав/ 720’000₮, Утас: 96665038 ЛИ ЭР КАНы танилцуулга https://www.youtube.com/watch?v=XZjH7-ny-ac
Зарлал: Даралт ихсэх, тархи – зүрхний титэм судасны хатуурал нарийсал, цусан хангамжийн дутагдал, хэм алдалт, шигдээс – ишеми, цусны өтгөрөл, холестрин ихдэх зэрэг эмгэгүүдийг эрүүлжүүлж, хүндрэлээс сэргийлэх, нөхөн сэргээх /харвалтын дараах г.м/ үйлчилгээ бүхий Ханаагүй тосны хүчлийн ЛИ ЭР КАН /ОМЕГА КОМПЛЕКС/ бүтээгдэхүүнийг борлуулж байна. . ҮНЭ: 1 сар: /1 сав/ 240’000₮, 1 курс-: /3 сав/ 720’000₮, Утас: 96665038 ЛИ ЭР КАНы танилцуулга https://www.youtube.com/watch?v=XZjH7-ny-ac
Оюутолгойн орчимд 9км үргэлжилсэн цул Алт бна гэсэн яасан вэ авчихвии дээ
Манай Ерөнхийлөгч Англи Америкчуудыг алцгаа ялцгаа гээд Монголчуудыг уриалдагийг мэдэж байгаа биз дээ.Яаж мэдэх вэ "Оросын хүргэнээс" болгоомжлохоо мэдэж байгаа биз.Хэ хэ.
Бусад орнуудад бол өөрсдийг нь сорон мөлжиж байгаа капиталистуудыг хөөгөөд явуулдаг. Хаин Монголд бол гадны хөрөнгө оруулалт гээд л мөлжүүлсээр байгаад ард иргэд өөрсдөө турж үхэх юм даа.
Юугаа мэдэж донгож байна.Япон солонгос Хятад 3 хамгийн их хоронго оруулалт авснаараа бусад орнуудаас хогжилтой гэгдэж байна.Туруучийн Монголчууд гадаадад хоронго оруулашчид болох боломжтой.Хамгийн гол нь аюулгуй газар
Юугаа мэдэж донгож байна.Япон солонгос Хятад 3 хамгийн их хоронго оруулалт авснаараа бусад орнуудаас хогжилтой гэгдэж байна.Туруучийн Монголчууд гадаадад хоронго оруулашчид болох боломжтой.Хамгийн гол нь аюулгуй газар
Oyutolgoi oyutolgoi mongolchuudiin mini 21 zuundhogjuuleech .Erdenet 20 zuund hogjuulsen shig
Saihan bn. Baruunii shildeg company Mongold maani hurungu oruulj Mongolchuudiig humuujuulj baigaad bayrtai bn. Ushuu olon baruunii tusul Mongold orj ireh heregtei. Oros Hyataduud hurungu oruulahgui shtee. Oruulsan ch heden ger bul darga nar bayjina. Oyu tolgoi uragshaa. Olon Mongol zaluus suraltsaj medeh heregtei daraa n uursdiin compania Mongoldoo baiguulah heregtei.
Хол очиж гуц
Бухын доодохыг харж үнэг турж үхнэ гэдэг хуучны үг бий. Дээд зэрэглэлийн болох юм гээд сэтгэлээрээ баясаад хоосон ходоодтой өнөөдрийн Монгол үнсэн сааралтсаар,,, Хүзүүгүй нөгөө хэн нэг охиноо айлд өгсөн гэдэг үлгэртэй адил юм аа.
Дээд зэргийн доод зэргийн байх нь хунд бидэнд хамаатай юу хоосон нэрнээс бид хуртэхуу егеежийн тухай биш гое байх тухай донгосч байх доромжлол эсвэл буруу орчуулсан байх энэ шарын хэлсэнийг
Naaduul mongolchuud shagnald durtai gdg ni medeed toglolt yavuulj bgaa yum bnda
Terbishdagva, Zagdsuren gesen uls turchid medegdel khiigeed ekhlenguut Rio Tinto duugarch ekhelj baina. Busad uls turchid ikh khurliin gishuud ch gesen ekh ornoo gesen setgeltei youm bol Oyutlgoin bolokhgui baigaa asuudluudiig ni sain dugarakh kheregtei shuu dee! Oyutolgoi tatvariin zurchiltei asuudlaa tulukh l kheregtei!
da da
Маш их асуулт байх ёстойдоо Даан ч манай сэтгүүлчид асуулт асууж мэдэхгүй юм.
Барууны алуурчид манайхныг юу ч гэж хэлсэн итгэх хэмжээний оюуны чадвартай хэдэн тэнэг маланцар байдаг гэж итгэчихээд сайхан шаацгаах юм аа.Манай улс тэгээдЭрдэнэтээс 7 дахин их баялагтай ордоосоо ямар ч ашиг авахгүйгээр нэг их сайхан дээд зэрэглэлийн үйлдвэртэй улс гэж чалчицгаагаад хоосон хоцрох малнууд юм байна л даа.Үүнээс илүү доромжлол гэж байх уу.Үүний орноос хамгийн их ашигтай ажилладаг уурхай болсон нь дээ биш үү.
Тэгвэл эрдэнэтийн гэрээтэй ижил болгож өөрчлөе эхний 30 жил ямарч татвар авахгүй гэж...монгол ялна 0 0
hudlaa shaah yumaa
Хямд ажилах хүч ,хаа ч байхгүй баялагыг зүгээр ашиглахын тулд худалдан авалт хийх нь зайлшгүй энэ худалдан авалтаас безнисийн салбарынхан бага л орлого олж байгаа .баялага зүгээр ашиглаж ,ажилах хүчийг үнэгүй шахам сорж байгаагын төлбөрийг нэхэх эрхтэй биз?!
Манай сэтгүүчид иймэрхүү уулзалт болох гэж байна юу асуух вэ ?тэгж хэлвэл ингэж хэлнэ гээд маш нухацтай байх ёстой .Ядаж ард түмэндээ дуулгаад асуух асуултыг бэлдэмээр юм өөрсдөө бяд дутаад байвал
Шагнал энээ тэрээ гэж хошгируулах хэрэггүй л байхгүй юу.Түүний оронд ирээдүйг харсан гэрэл гэгээтэй Монголд ашигтай зүйл тухайлбал тэнд ажиллаж амьдарч байгаа монголчуудыг байртай болгож.шинэ маягийн хот байгуулах хэрэнтэй шүү дээ.Баялгийг нь богино хугацаанд цөлмөх гол зорилго агуулж байгаа болохоор гэр хороололоор аршацааж хятадаас тог цахилгаанаа авч балиартаж байгаагаа аль болохоор хаацайлж дэлхийн дээд зэрэглэлийн уурхай болгоно ч гэх шиг
Дээд зэрэглэлийн гэдэг нь юу гэж байгаа юм бол зайлуул. Биднийг егеедеед доромжлоод 5 одтой уурхай гэх нь холгуй юм яриад аан харваас Африкт очиж буудуулмар
Ашиг шимийг нь сорж дуусхад 2 монгол залуу риод даргын ажил хийсэн гэх юм бндаа. Бээлий оёдог хүн нэмж 1 хүн ажилд авнуу байнауу чамд ямар бнаа зальтай гар вэ. Оюу толгойн хэдэн ажилчин орон сууцанд орж амьдарч бна вэ гэдгээр бодитоо юмаар хэмжмээр бнаа
Нэг л юмыг ерөөсөө ойлгохгүй бгаа юм. Монгол улс 34 хөн хувийг эзэмшдэг. Яагаад ийм бага хувь авчихаад 34 хувийн эзэмшилд ноогдох хөрөнгө оруулалт хийх ёстой юм бэ. Оюу толгой Монгол улсын баялаг юм бгаа биздээ. Бид баялгийнхаа 65 хувийг өгчихөөд байхад хөрөнгө оруулалтыг 100 хувь нөгөө тал төлөх ёстой биздээ. Ирээдүйд ашгаасаа төл гэнээ. Энэ янзаараа Монгол улс ашиг хүртэхгүй. Наад гэрээгээ цуцал. Хөөж явуул. Олон улсын тендэр зарла. 49:51 гэхэд адагтаа. Япон, Солонгос, Хятад гүйгээд ороод ирнэ.
Жан уурхай чинийх биздээ. Манай газар нутгыг ухаж бгаа мөд дууслаа чи манайд юу ч хийсэнгүй ядаж татвараа төлөөч монголчууд бид яахуу