2025 он гэхэд кирилл үсэгт суурилсан цагаан толгойг бүрэн халж, латин цагаан толгойд шилжихэд бэлтгэхийг засгийн газарт үүрэг болгох тухай зарлигт Казахстаны Ерөнхийлөгч Нурсултан Назарбаев өнгөрсөн оны 10 дугаар сард гарын үсэг зурсан билээ. Шинэ үсэгт шилжих үйл явц нэлээд хүндрэл бэрхшээлтэй тулгарч байгаа талаар ВВС агентлагийн сэтгүүлч Абдужалил Абдурасуловын бичсэн нийтлэлийг орчуулан хүргэе.
Кирилл үсгээс латин үсэгт шилжих талаар Казахстаны эрх баригчдын гаргасан шийдвэрийг “Орос улсаас холдон зайгаа барьж буй үйлдэл” гэж олон хүн дүгнэж байна. Цагаан толгойг өөрчлөх нь тус улс дахь хойд хөршийн нөлөөг соёлын талаар ч, улс төрийн талаар ч багасгана гэж ажиглагчид үзэж байгаа юм.
Москвагийн гаргасан албан ёсны мэдэгдлүүд нь дипломат ёс жаягийн хүрээнд байгаа бөгөөд бичиг үсгээ өөрчлөх нь Казахстаны дотоод хэрэг гэж мэдэгдэж байна. Гэсэн хэдий ч шинжээчдийн үзэж байгаагаар, иймэрхүү шинэчлэл нь заавал улс төрийн зорилготой байдаг аж. Казахстаны улс төр судлаач Досым Сатпаевын дүгнэн хэлснээр, бичиг үсгийг шинэчлэх гол шалтгаануудын нэг бол Оросын мэдээллийн нөлөөг бууруулах явдал гэнэ.
Цагаан толгой ба улс төр
“Казахстаны хүн амын нэлээд хэсэг нь Оросын хэвлэл мэдээллийн байгууллагуудын нөлөөнд орсон байгаа нь нууц биш. Энэ нь манай мэдээллийн аюулгүй байдалд цохилт болж байгаа бөгөөд зарим талаар иргэдийн тавдахь цувааг Казахстанд бий болгож байна. Эдгээр иргэд Кремлийн суртал ухуулагчдын нүдээр дэлхий болон Казахстанд болж буй үйл явдлыг хардаг” хэмээн Д.Сатпаев ярьж байна.
Украинд болсон үйл явдлын дараа Казахстаны удирдлага дээрх нөлөөнөөс илүүтэй болгоомжлох болсон юм. Сатпаевын үзэж байгаагаар, цагаан толгойг өөрчлөх нь Украины хямрал эхэлсэн 2014 оноос хойш Казахстаны эрх баригчдын явуулж буй мэдээллийн салбар дахь бодлогын нэгэн хэсэг болж байгаа юм.
Гэсэн хэдий ч бичиг үсгийг солих нь улс төрийн шалтгаантай гэсэн үг яриаг эрх баригчид няцаасаар байгаа юм. Казахстаны Ерөнхийлөгч Нурсултан Назарбаев бүр 2013 онд хэлэхдээ “тус улсын геополитикийн тэргүүлэх чиглэлүүд өөрчлөгдсөн гэх үг яриа нь ямар ч үндэслэлгүй” гэж байв.
Назарбаевын батлан хэлснээр, бичиг үсгийн шинэчлэл нь оросоор ярьдаг хүмүүсийн эрх ашгийг хохироохгүй аж.
“Латин үсэгт шилжих нь орос хэл болон кирилл үсгээс татгалзана гэсэн үг биш ээ. Латин үсэг нь юуны өмнө казах хэлэнд хамаатай” гэж Ерөнхийлөгч 8 дугаар сард телевизэд ярилцлага өгөхдөө мэдэгдэж байв.
Бичиг үсгийн шинэчлэл хийснээр казах хэл илүү түгээмэл болж, түүнийг сурахад илүү хялбар болох аж.
“Кирилл үсгийг хэрэглэж байх үед хэлний дүрмүүд солигдож хутгалдсанаас үүдэн казах хэлний хөгжил зогсонги байдалд орсон” гэж Хэл шинжлэлийн хүрээлэнгийн захирал Ерден Кажибек ярьж байна. Тэрбээр шинэ бичиг үсэгт шилжих асуудал эрхэлсэн ажлын хэсгийг ахалж байсан юм.
“Кирилл цагаан толгойд нэг үсгээр олон янзын авиа дуудлагыг тэмдэглэдэг. Энэ нь манай хэлний дуудлагын хэм хэмжээг алдагдуулсаар ирсэн” гэж тэрбээр ярилаа.
Казах хэлийг түгээмэл болгоход чиглэсэн шинэчлэл
“Бид орос хэлээр ихэвчлэн ярьдаг болохоор казах хэлийг хуучин аргаар кирилл үсгээр сурах нь надад амар байдаг. Латин үсэгт шилжихийн утга учрыг би ойлгохгүй байна” гэж Эрик ярьж байна.
Харин Айгулийн хувьд латинд шилжих нь казах хэлийг хурдан сурах эрмэлзлийг түүнд төрүүлжээ.
“Миний хувьд олны ярьдгаар homo sovieticus л даа. Өөрөөр хэлбэл, Зөвлөлтийн цэцэрлэг, Зөвлөлтийн дунд сургуулиар дамжсан хүн. Одоо харин кирилл үсгээс латинд шилжих гэж буй энэ үед казах хэлийг илүү гүнзгий сурах хэрэгтэй юм байна гэсэн бодол надад төрсөн” гэж Айгуль ярилаа.
Гэсэн хэдий ч шинэ үсэгт шилжих үйл явц байнга л хүндрэл бэрхшээлүүдтэй тулгардаг байна.
1929 оноос өмнө Казахстанд араб үсгээр бичиж байгаад хожим нь латин цагаан толгойд шилжжээ. 1940 онд кирилл үсэгт шилжсэн байна. Одоо тус улс буцаад латин үсэгт шилжих гэж байгаа бөгөөд эл үйл явц 2025 он гэхэд дууссан байх ёстой.
Латин үсгийг кириллээр дөнгөж сольж эхэлж байсан 1940-өөд оны эхээр ЗСБНКазах Улсын хэвлэлийн газруудын ажилтнууд айдас түгшүүрт автаж байлаа. Учир нь, Ӯ гэдэг үсэгний дээрх зураасыг хэвлэлийн машинууд гаргах боломжгүй байж. Ингэснээр Ӯлы Сталин буюу “агуу их Сталин” гэдэг үг Улы Сталин /хорт Сталин/ болж хувирах аж. Үүний улмаас хэвлэлийн газрынхныг Зөвлөлтийн эсрэг сурталчилгаа хийсэн гэж үзээд ГУЛАГ-ийн шоронд илгээх аюултай байлаа.
Ард олны дундах санал зөрөлдөөн
Өнөө үед шинэ цагаан толгой нь хэвлэлийнхний хувьд дээрхтэй адил эрсдэлтэй зүйл биш болсон боловч тухайн үйл явц өч төчнөөн хүндрэл бэрхшээл дагуулах нь гарцаагүй.
Цагаан толгойг зохиож эхлэх шатанд л бэрхшээлүүд гарч иржээ. Олон нийтэд санал болгосон тэр хувилбар маш хүчтэй шүүмжлэлд өртсөн байна. Ӯ үсэгтэй холбоотой тохиолдлын адилаар казах хэлний тусгай үсгүүд нь санал зөрөлдөөний эх үүсвэр болжээ.
Цагаан толгойг зохиогчид казах хэлний дуудлагын тусгай тэмдэглэгээнүүдийг хэрэглэхгүй байхаар шийдсэн байна.
“Компьютерийн хөгжлийн эрин үед бид компьютер бүрт байдаг үсгүүдийг ашиглахаар шийдсэн” гэж Кажибек тайлбарлалаа.
Гэсэн хэдий ч тоон технологийн эрин үед дасан зохицохын тулд тооцоолол хийж байсан тэд хэд хэдэн чухал хүчин зүйлийг харгалзан үзсэнгүй орхигдуулжээ. Тэд хоёр хувилбарыг судалж байсан бөгөөд эдгээр тохиолдлуудад диграф, апостроф /орхиц/ гэсэн хоёр тусгай тэмдэглэгээг хэрэглэх хэрэггүй байсан юм.
Эхний хувилбар нь авиаг тэмдэглэхийн тулд хоёр үсгийг ашиглах явдал байлаа. Тухайлбал, "ә" гэдэг авиаг "ае" гэсэн үсгийн нийлэмжээр тэмдэглэнэ. Гэтэл иргэдийн зүгээс “энэ нь үгийг урт болгож, уншихад түвэгтэй болгож, ингэснээр утгыг нь гажуудуулж байна” хэмээн дургүйцэх болжээ. Дургүйцэх шалтгаан нь сәбiз/лууван/ гэдэг үгтэй холбоотой байв. Диграф хэрэглэсэн тохиолдолд тухайн үг saebiz гэж бичигдэх ба эвгүй муухай утгатай үгтэй андуурагдан ойлгогдохоор гэнэ.
Иймээс диграфийг апостроф гэдэг тэмдэглэгээгээр солихоор шийдсэн ба эл хувилбарыг 2017 оны 10 дугаар сард Ерөнхийлөгчийн зарлигаар баталсан байна.
Гэсэн хэдий ч уг шийдвэрийг өмнөхөөс илүү ширүүн шүүмжлэх болсон байна. Хэрвээ цагаан толгойг ингэж зохиох юм бол олон үгэнд 2-3, түүнээс дээш тооны апостроф орохоор байгаа юм. Энэ нь тохиромжгүй бөгөөд гоо зүйн хувьд ч эвгүй харагдана. Жишээ нь, иә буюу “тийм” гэдэг үгийг бичихийн тулд i'a' гэх маягаар хоёр удаа апостроф хэрэглэх болох нь.
Үүнтэй холбоотойгоор нийгмийн сүлжээний хэрэглэгчид өөрсдийн нэрийг шинэ цагаан толгойд тохируулан бичих болсон нь апостроф хэрэглэвэл “ямар их гаж буруу, хүндрэлтэй зүйл” болох вэ гэдгийг сэрэмжлүүлсэн хэрэг байлаа.
Үүнд гоо зүйн хүчин зүйлүүд байхаас гадна шинэ цагаан толгой нь орчин үеийн технологийг ашиглахад нэлээд хүндрэл учруулж магадгүй бололтой. Тухайлбал, ухаалаг гар утас хэрэглэгчдийн хувьд үсэгнээс тоонд, тооноос үсгэнд байнга шилжин бичиж байх шаардлага тулгарах нь.
Шинэ үсэг зохиогчдын ярьж байгаагаар, 10 дугаар сард Ерөнхийлөгчийн баталсан хувилбарт өөрчлөлт оруулж магадгүй байгаа аж. “Энэ бүхэн нь шинэ үсэгт шилжих үйл явц дууссан гэсэн үг бишээ, энэ бол шинэ цагаан толгойд дасан зохицох, түүнийг илүү боловсронгуй болгох үйл явцын зөвхөн эхлэл юм” хэмээн Кажибек ярьж байна.
Б.Адъяахүү
Эх сурвалж: Монцамэ агентлаг http://www.bbc.com/russian/features-42254670
Сэтгэгдэл0
Бичиг үсгийн ард ямагт улс төр, шашин, үзэл суртал явдаг. Манайх шинэ үсэг аваад Лениний сурталд ороо биз дээ. Үүнд нь монгол бичиг саад болоод байсан тул түүний нь хаяулсан гэж нэг судлагч бичсэн байх юм билээ...
ленин чинь монгол цустай, наад кирил бичиг чинь орос үсэг биш, славян үндэстний бичиг үсэг. кирилээр байж байх хэрэгтэй.
Ленин тэгэж ярих юм бол бас еврей,герман хоьцтой байвал яах вэ?
202.131.243.162 ККК.Ленин Азийг доорд үздэг Оросуудын хувьд агуу байхдаа Орос байгаад мангас болоод Монгол болсон л доо зайлуул. Мэдээж боловсон Герман байж болохгүй,Ардчилалд шилжсэн юм чинь Еврей байж бүүр болохгүй базарваань!
Казах кирил Монгол кирил хоёрыг харьцуулахад Монгол кирил илүү зөв бүтэцтэй бол Казах кирил үсэгнүүд баахан нарийн зураас нэмсэн замбараагүй бдаг Казахстан латин үсэгт шилжиж бичиг үсгээ засах нь зөв
Прощай немытая россия.Оосоос яагаад бараг л бүх хөршүүд нь зайгаа бариад,жийрхээд байдаг юм бол?
za za lai lai
manaih ch gesen solih l shaardlagatai
казахстанд оросоор ярьдаг хунииг 1 дугээр зэрэглэлиинорчин уеиин хун харин казахаар ярьдаг хунииг боловсролгуи ходоонии ауылбаи мамбет хун гэж тооцдог тэгээд бугдээрээ оросоор ярихыг хичээдэг ихэнхэн ядарсан эвдэрсэн ороросоор ярьдаг Орос ундэстэн Орос хэлгуи орчин тогтнох ямарч боломжгуи оорсдоо хулээн зовшоороод энэ тэднии боолын сэтгэхуитэи холбоотои гэдэг оорсдоо хэзээч улс баиж узээгуи
казахстанд оросоор ярьдаг хунииг 1 дугээр зэрэглэлиинорчин уеиин хун харин казахаар ярьдаг хунииг боловсролгуи ходоонии ауылбаи мамбет хун гэж тооцдог тэгээд бугдээрээ оросоор ярихыг хичээдэг ихэнхэн ядарсан эвдэрсэн ороросоор ярьдаг Орос ундэстэн Орос хэлгуи орчин тогтнох ямарч боломжгуи оорсдоо хулээн зовшоороод энэ тэднии боолын сэтгэхуитэи холбоотои гэдэг оорсдоо хэзээч улс баиж узээгуи
Ezent gurni ih haan Zuch~n bunhan kazakstand bui bilee.Nazrbaev ter bunhang 1 say $~r zasaj sergesen gj medeldeg ch unende 1 ch $ zartsulagui bilee.Ulsig n ezlen suj baisan ih haanaas aij yvdag bui
Хамгийн боловсронгуй үсэг бол бидний кирилл үсэг. Латин үсэг илүү бичлэг ихтэй хог
Кирилл үсэгт шилжисний улмаас монгол хэлний ярианы дуудлага маш их өөрчлөгдсөн.Өмнө нь аялгуу сайхан хэл байсан бол одоо Монгол хэл мэдэхгүй гадны хүн бидний ярихыг сонсоод эд нар чинь хэрэлдээд байна уу гэж бодохоор хатуу огцом болсон.Солонгосуудад лав тэгэж сонсогддог юм байн лээ.
99.203.15.46 худлаа залахаа боль. Бид харин ч кирилд шилжээд маш том дэвшил хийсэн. тэгээд ч наад кирил бичиг чинь орос үсэг биш, славян үндэстний бичиг үсэг. кирилээр байж байх хэрэгтэй. агуу эрдэмтэн Дамдинсүрэнгийн орчин цагийн аялгуунд нийсэн төгс бичиг!!! Оркууд битгий оролд!!!
Чичрээд л дайраад байх бололтой юм аа.Орос тролл өөрөө өөртөө лайк дараад л аан? Орос ах нар чинь хэр зэрэг юм хялайлгаж байна даа? Үнэмшихгүй бол Монгол хэл ор тас мэдэхгүй гадаад хүмүүсээс бидний яриа тэд нарт яаж сонсогддогийг асуугаарай л даа. Яагаад 300 гаран жилийн өмнө сайн дураараа Оросын бүрэлдэхүүнд орсон Казах улс кирилл үсэгнээс татгалзаад байна аа?
202.131.243.162 ККК.Орос Слав Монголчуудад ялгаагүй.Нэг угсаатай тэд бидэнд төрлүүд биш.Орос бичиг Монголд бичиг үсэгтэй болох Дундад зууны балчигаас мултрах үүргээ гүйцэтгэсэн.Хэн ч үгүйсгээгүй.Гэхдээ бас Монгол хэлийг ганцхан Төв Халх аялгуу доор хамж устган үнэхээр Орос хатуу хахирган исгэрүү дуудлагатай болгосныг олон эрдэмтэд тэмдэглэдэг.Цаг цагаараа байдаггүй.Одоо Латинаас гаралтай Кирилл бичгийг хуучин Оросын колониудаас нь Казахстан Киргизийг оролцуулахгүй бол ганцхан Монгол хэрэглэж байгаа.Гол нь Оросууд Азийн ард түмнүүдийг тэрэн дундаа Монголчуудыг доорд үздэг бараг ганц үндэстэн.Европын Бид бүдүүлэг та нарт бичиг үсэг авчирсан гэж бараг бүгд баталж доогтой мушилздаг хүмүүс.Ийм үндэсний бичгийг Монгол цаашид хэрэглэсээр "тэнэг Чукчагаа" албан ёсоор хүлээн зөвшөөрсөөр байх боломжгүй.Латин үсэгт шилжих хэрэгтэй. Хажуугаар нь Монгол бичгээ аажмаар нэр хаяг албан хэрэгцээнээс эхлээд сэргээх нь бас чухал.Азийн Хятад Япон Солонгос Вьетнам бүгд хоёр бичиг үсэгтэй байгаа нь жирийн нэг тохиолдол биш.Бид Оросуудын хажууд өөрсдийн бичиг үсэгтэй Дэлхийн цөөхөн ард түмний нэг.
202.131.243.162 ККК.Орос Слав Монголчуудад ялгаагүй.Нэг угсаатай тэд бидэнд төрлүүд биш.Орос бичиг Монголд бичиг үсэгтэй болох Дундад зууны балчигаас мултрах үүргээ гүйцэтгэсэн.Хэн ч үгүйсгээгүй.Гэхдээ бас Монгол хэлийг ганцхан Төв Халх аялгуу доор хамж устган үнэхээр Орос хатуу хахирган исгэрүү дуудлагатай болгосныг олон эрдэмтэд тэмдэглэдэг.Цаг цагаараа байдаггүй.Одоо Латинаас гаралтай Кирилл бичгийг хуучин Оросын колониудаас нь Казахстан Киргизийг оролцуулахгүй бол ганцхан Монгол хэрэглэж байгаа.Гол нь Оросууд Азийн ард түмнүүдийг тэрэн дундаа Монголчуудыг доорд үздэг бараг ганц үндэстэн.Европын Бид бүдүүлэг та нарт бичиг үсэг авчирсан гэж бараг бүгд баталж доогтой мушилздаг хүмүүс.Ийм үндэсний бичгийг Монгол цаашид хэрэглэсээр "тэнэг Чукчагаа" албан ёсоор хүлээн зөвшөөрсөөр байх боломжгүй.Латин үсэгт шилжих хэрэгтэй. Хажуугаар нь Монгол бичгээ аажмаар нэр хаяг албан хэрэгцээнээс эхлээд сэргээх нь бас чухал.Азийн Хятад Япон Солонгос Вьетнам бүгд хоёр бичиг үсэгтэй байгаа нь жирийн нэг тохиолдол биш.Бид Оросуудын хажууд өөрсдийн бичиг үсэгтэй Дэлхийн цөөхөн ард түмний нэг.
Азийн Хятад Ханз,Пининг(Латин),Солонгост Канзи Хангил, Японд Хирагана Катагана Вьетнамд Канж Латин хамт хэрэглэдэг. Харин Оросууд биднийг бүгдийг үзэн яддаг.Тэр тусмаа өөрийнхөө Ази гаралтай Чукча Чурка иргэдээ бол бүүр ил даралж доромжилж устгаж сөнөөж ирсэн.Дэлхий Негрүүд Арабуудын бөгсийг долоодог тэдэн шиг биш.Азийн ард түмнүүдэд найрсаг.
Бид ч менч сайхан бичиг усэг ээ гайд гаргасаны зовлонг узэж байгаа. Негее яруу тунгалаг Чихину чимэг болсон Аялгуу сайхан монгол хэл минь ундэснийхээ бичиг усэгийг уриалан дуудах цаг ирнэ ээ ирнэ.
Казахууд яах вэ энэ оронд орсууд маш их нөлөө бүхий болцон яваандаа хоер хуваагдах биз Харин бид үндэснийхээ бичгийг өөрийн болгож ядаж өвөр монголчууд шиг бичиг соелоо дээдлэх хэрэгтэй хоер дахь нь латин үсэгтэй болох хэрэгтэй бараг дэлхий нийтээр латин үсэгтэй болчлоо хос бичигтэн байвал яасын төрийн хэргийг заавал босоо монгол бичгээрээ хөтлөх естой хойч үе маань өндөр хөгжилтэй баян орон болгоно тийм учраас агуу гүрэн гэдэг үлгэр жишээгг энэ бөнбөрцөгт харуулах естой бусу
eneegiin modon heltei Mongolchyyd bichej ynsij baigaa ni hyyhed dengej held orj baigaa yum sig yarih ni honi mailaj,yher meereh sig sanagddag?ene baidalaasaa hezee salah boloo gej olon hyn sangaljaj baibch tyylaj irsen zam yzsen harsan yiliin yreer hemjigdeheer bolson tyl ene baidalaasaa garah ni yu l bol?...hemeen nileed tylahtai byyralyyd yaridag bolson syy!!yg ni HYDAM Mongol bichegtee ergeed orbol ch ayalgyy saihan Mongol hel maani sergeed irehsen dee!!!Mongoliin zaya ikhe gedegsen dee:!
ZAAYAA IH gedeg chini hund zaadag medemhii ih gesen. Mongolchuud ih zaadagaa bolij shuud hiideg bolmoor yumoo.
Монголоороо байна гэдэг хэдэн бухнаас болоод монгол хэл цаг үеийн алхааг дагаж хөгжихгүй байгаагаар үл барам. Монгол зонголоороо байя майя гэж бариад хэд мэдэн бух мухнаас болж бариад цаг маг үе мүеийн алхаа малхааг дагаж барьж хөгжиж мөгжихгүй гэж солиороод нэг юм ахуйн хүрээнд амьтай дэнжигнэж байна. Үг бүрийг хоёр үг болгож завхруулан ичгүүргүй ярьдаг хүн мүний тоо 50 саяд хүрч мүрээд.
Хүн мүн гэж ярьдаг болж байгаа нь бас л мөнөөх "Европын дээд төрөлтөн " Оросоос гаралтай.
Нэг нэгэндээ дуртай тааламжтай ханддаг орон гэж хаана ч байхгүй. Орос бидэнд муу хандаж байна гээд кириллийг хална гэвэл дэндүү том тэнэглэл болно. Бид харин ч кирилд шилжээд маш том дэвшил хийсэн. тэгээд ч наад кирил бичиг чинь орос үсэг биш, славян үндэстний бичиг үсэг. кирилээр байж байх хэрэгтэй. агуу эрдэмтэн Дамдинсүрэнгийн орчин цагийн аялгуунд нийсэн төгс бичиг!!! Оркууд битгий оролд!!!
Хэнийч хараат биш харинээ еерийн уламжлал бичиг соелоо авахыг хусдэггуй мунхаг хумуус бол бид л байна . Кирилл усэг бидэнд их ч тус болсон бас сэтгэхуйгээс холдох зэргээр гай ч болж байгаа ирээдуйд хегжиж бусдаас ялгарах гол зуйлын нэг нь Монгол бичигээ авах явдал маш чухал эртхэн авах тусмаал сайн ерээд онд их ярьж байгаад аймхай еренхийлэчид маань чадаагуй
Хэнийч хараат биш харинээ еерийн уламжлал бичиг соелоо авахыг хусдэггуй мунхаг хумуус бол бид л байна . Кирилл усэг бидэнд их ч тус болсон бас сэтгэхуйгээс холдох зэргээр гай ч болж байгаа ирээдуйд хегжиж бусдаас ялгарах гол зуйлын нэг нь Монгол бичигээ авах явдал маш чухал эртхэн авах тусмаал сайн ерээд онд их ярьж байгаад аймхай еренхийлэчид маань чадаагуй
Хэдэн жилийн өмнө баярцогт, сайханбалаг гэсэн хоёр золбин юм Монгол улс албан ёсны хэлээрээ англи хэлийг авах ёстой гэж дэмийрч байсан.Дөнгөж саяхан манлай гэж нэг шизотой жаал бас ийм юм донгосч явна.Ан-нхан уг гарвалаараа гамин язгууртай золбингууд байдаг болохороо уг язгуур,эх хэл гэсэн ойлголт байдаггүй юм шиг байгаа юм.Үнэндээ бол хэлэнд учир нь байгаа юм биш.Юм хийж чаддаг байх нь гол юм.Манай улс кирилл үсэгт шилжсэнээр шинжлэх ухааны нэр томьёог хялбар ойлгож ашиглах түвшинд хүрч ахисан гэж боддог.Хасагууд манайх шиг үндэсний бичиг үсэггүй болохоороо хуучин араб үсгээ авах гэхээр эвгүй байсан юм уу латиныг сонгосон бололтой.Нүүдэлчдийн сониуч зангийн илрэл биз дээ.Солонгос, хятад, японууд ханзтайгаа болоод л байна.