Улсын Их Хурлын гишүүн, Улсын Их Хурал дахь Монгол-Лаосын бүлгийн дарга Ё.Баатарбилэг өнөөдөр (2018.06.18) манай улсад ажлын айлчлал хийж байгаа БНАЛАУ-ын Үндэсний Асссамблейн гишүүн, Хөдөө аж ахуйн орлогч сайд, Үндэсний Асссамблей дахь Лаос-Монголын парламентын бүлгийн орлогч дарга Бунг Куанг тэргүүтэй төлөөлөгчдийг хүлээн авч уулзав.
Уулзалтын үеэр Улсын Их Хурал дахь Монгол-Лаосын бүлгийн дарга Ё.Баатарбилэг парламент дахь найрамдлын бүлгүүдийн хамтын ажиллагааг өргөжүүлснээр хоёр орны нийгэм, соёл, эдийн засгийн хамтын ажиллагааг хөгжүүлэх сонирхолтой байгаагаа хэлсэн.
Түүнчлэн, эрүүл мэнд, аялал жуулчлалын салбарт хамтарч ажиллахад таатай байгаагаа илэрхийлээд олон жил ярьж буй Монгол Улсад Лаосын дэмжлэгээр цагаан будаа тариалах, импортлох асуудлыг ажил болгож явах талаар онцлон тэмдэглэлээ.
Цаашид парламент хоорондын харилцааг хөгжүүлэх төслүүдийг хэрэгжүүлэхэд бэлэн байгаагаа мөн илэрхийлэв.
Энэ үеэр БНАЛАУ-ын Үндэсний Асссамблейн гишүүн, Хөдөө аж ахуйн орлогч сайд, Үндэсний Асссамблей дахь Лаос-Монголын парламентын бүлгийн орлогч дарга Бунг Куанг Монголоос Лаос руу хонины хөлдөөсөн мах экспортлох асуудал айчлалын үеэр ажил хэрэг болж байгааг тэмдэглээд химийн бордоогоор бордоогүй цэвэр цагаан будааг удахгүй Монголд нийлүүлэх бололцоо бүрдэнэ гэж бодож байна хэмээлээ.
Уулзалтаар парламентын бүлгүүд хамтарч ажилласнаар хоёр улсын парламентын харилцааг улам өргөжүүлэхэд хичээж ажиллахад санал нэгдэв.
Уулзалтад Улсын Их Хурлын гишүүн, Улсын Их Хурал дахь Монгол-Лаосын бүлгийн гишүүн Б.Ундармаа, Г.Мөнхцэцэг, А.Сүхбат, Н.Оюундарь нар байлцаж, санал бодлоо илэрхийлсэн.
Мөн уулзалтад БНАЛАУ-аас Монгол Улсад суугаа Элчин сайд Сиалунгон Сэнг-Үнтон байлцлаа.
БНАЛАУ-ын Үндэсний Асссамблейн гишүүн, Хөдөө аж ахуйн орлогч сайд Бунг Куанг тэргүүтэй төлөөлөгчид манай улсад Хүнс, хөдөө аж ахуй, хөнгөн үйлдвэрийн яамны урилгаар ажлын айлчлал хийж буй юм байна гэж УИХ-ын Хэвлэл, мэдээлэл, олон нийттэй харилцах хэлтсээс мэдээлэв.
Сэтгэгдэл0
Уг нь их зөв зүйл байна гол нь ажил хэрэг болгоорой.
Лаосын цагаан будаа зүгээр шүү...элдвийн химийн бодисгүй...маш цэвэрхэн хог багатай будаа байдаг юм билээ...солонгос руу хамгийн дээд зэргийн будаагаа нийлүүлдэг юм билээ...тэрнээс нь аваарай
УИХ-ын гишүүн нэртэй алиа салбадай нар наадам үзэж байгаа бөх шиг зангиагүй, эсвэл гар утсаараа мессеж бичихээ албан ёсны уулзалтаас илүүд үздэг хөгийн гарууд ыайх юм.
Америк, Орос гэж дээгүүр дэвээд дээрэмдүүлж байхын оронд Лаос мэтийн зиндаа таарсан улстайгаа эн тэнцүү харилцан ашигтай ажиллах нь хамаагүй дээр. Мах, будаа хоёр байхад аль аль нь амьдраад байх улсууд.
Цагаан будаа идэхгүй бол үхчих гээд байна уу? Хунхуузуудаа
Хонио будаагаар сольжээ
Аль соцализмын үед л ярьж хэлэлцдэг байсан ажил болгоогүй юм уу? ЭСЯ тэнд байдаг гэсэн?
Энэ А.Сүхбат хаана байна гэж өөрийгөө бодоо вэ? Ард түмнээ, төрөө хүндэтгээд ийм арга хэмжээнд албан ёсны хувцастай байх хэрэгтэй ш дээ. Ядаж нөгөө навсгар хүрэн дээлээ өмсөх ёстой. Үнэн манагар нөхдүүд төрийг төр биш болгож байна даа. Ёс зүйн хороо, ёслолын хэлтэс нь ажиллаачээ наад малнуудтайгаа