Баасан - 04 сарын 19,
2024
Мансууруулах, сэтгэцэд нөлөөт эм бэлдмэл, бодистой холбоотой гэмт хэрэг, зөрчлийн тоо урьд оноос 78 хувиар өсчээ.
Монгол Улсын хэмжээнд гэмт хэрэг, зөрчлийн сүүлийн үеийн статистик тоон судалгаанаас үзэхэд Эрүүгийн хууль, Зөрчлийн тухай хуульд заасан Мансууруулах, сэтгэцэд нөлөөт эм бэлдмэл, бодистой холбоотой гэмт хэрэг, зөрчлийн тоо урьд оноос 78 хувиар өсчээ. Холбогдсон этгээдүүдийн 50-иас дээш хувийг 16-35 насны хүмүүс эзэлж, энэ гэмт хэрэг, зөрчилд өсвөр насны хүүхэд, оюутан, сурагчид өртөж байгаа нь нийгэмд тулгамдсан асуудлын нэг болоод байна.
Хар тамхи болон мансууруулах бодис, сэтгэцэд нөлөөт эм бэлдмэлийн хор хөнөөл, түүнтэй холбоотой гэмт хэрэг, зөрчлийн тухай ойлголт, өөрийгөө болон бусдыг хэрхэн хамгаалах талаар нийгэмд ойлгуулж, таниулахад прокурорын байгууллага хувь нэмрээ оруулан ажиллаж байгаа билээ.
Тухайлбал: Нийслэлийн прокурорын газраас “Хар тамхи, мансууруулах болон сэтгэцэд нөлөөт эм бэлдмэл, бодистой холбоотой зөрчил, гэмт хэргийн тухай ойлголт, түүнээс урьдчилан сэргийлэх нь” сэдвээр он гарснаас хойш нийт 10 гаруй их, дээд болон ерөнхий боловсролын сургуулиудад сургалт, яриа таниулгыг явуулаад байна.
Сургалтанд Д.Жигжидийн нэрэмжит Кино урлагийн дээд сургууль, Шинжлэх Ухаан техникийн их сургуулийн Барилга архитектурын сургууль, Нийгэм сэтгэл судлалын дээд сургууль, Соёл Эрдэм дээд сургууль, Зохиомж дээд сургууль, Аварга дээд сургууль, Монгол-Солонгосын политехник коллеж, Шинэ Эрин, “Аварга” ахлах сургууль, Монгол Улсын Их Сургуулийн Байгаль-Эх лицей ахлах сургууль, Монгол, Оросын хамтарсан 3 дугаар сургууль, Нийслэлийн 1 дүгээр сургууль, Монгени цогцолбор сургуулийн нийт 920 орчим оюутан, сурагчид хамрагджээ.
Хар тамхитай тэмцэхэд хуулийн байгууллагаас гадна хүн бүрийн сэтгэл, зүтгэл, оролцоо чухал болохыг Нийслэлийн Прокурорын газраас онцолж байна.
НИЙСЛЭЛИЙН ПРОКУРОРЫН ГАЗАР
Сэтгэгдэл0
Хар тамхи эдийн засгийн том луйвруудтай Тагнуул тэмцэх ёстой.
тагнуул өөрөө энэ наймааг хийж байгаа гээд байх юм байна шүү дээ.
"Хар тамхи болон мансууруулах бодис, сэтгэцэд нөлөөт эм бэлдмэл" гэж дэмий олон үгээр жалчаад ямар хэрэг? "Мансуурга" гэдэг ганц үгээр нэрлэ. Мансуургыг хориглох, мансуурга илрүүлэв, мансуургатай тэмцэх, мансуургын эсрэг хууль гээд л тогтоочих. Монгол хүн бүрд бүрнээ ойлгомжтой шүү. Эрхэм ПРОКУРОРЫН ГАЗАР анхаарна уу.
Боргол билуу элбэгдорж хуцаад байсан
Загас толгойноосоо эхлэн ялзарна.Эхлээд төрөө хар тамхины мафийнхнаас цэвэрлэчих хэрэгтэй байна.
Хураалгасан 70 кг хар тамхи хэний өмч хөрөнгө байсныг ард түмэнд шударгаар мэдээлэх естой.Мэдээж энэ бол МАН-тай холбоотой.Эсвэл энэ төрийн нууцад орох уу?
ТЕГ,ЦЕГ бол бүгдийг хараад хянаад байх ямар ч боломж бололцоо байхгүй. Бүх иргэдээ тагнаж чагнадаг АНУ гэхэд бүх гэмт хэргийг урьдчилан сэргийлж амжихгүй байгааг бид мэднэ.Тийм учраас бүх иргэдийн оролцоотойгоор ЕХ-ны Швед зэрэг улсад байдаг "Би өөрөө цагдаа" гэдэг мэдээллийн тогтолцоог бий болгох шаардлагатай.Төр ганц нүдтэй, түмэн олон нүдтэй.
Хүн бүрийн оролцоо гэхээрээ яах юм? Хүн бүр хар тамхи татах юмуу тэгээд? Тэмцдэг төрийн байгууллага нь тэмцэхгүй бол үмх махныхаа үнийг яая гэж байгаа ядарсан ард иргэд тэмцээд хаа хүрэх юм? Нэг их сүрхий тэмцдэг хүн болж олон юм донгосвол хар тамхины мафийнханд алуулдаг юм байгаа биз дээ. Төр гэж нэг юм байгаа ухаантай юм бол энүүн дээр л тэр төмөр нүүрээ харуулах нь зүйтэй...
Хүн бүрийн оролцоо гэхээрээ яах юм? Хүн бүр хар тамхи татах юмуу тэгээд? Тэмцдэг төрийн байгууллага нь тэмцэхгүй бол үмх махныхаа үнийг яая гэж байгаа ядарсан ард иргэд тэмцээд хаа хүрэх юм? Нэг их сүрхий тэмцдэг хүн болж олон юм донгосвол хар тамхины мафийнханд алуулдаг юм байгаа биз дээ. Төр гэж нэг юм байгаа ухаантай юм бол энүүн дээр л тэр төмөр нүүрээ харуулах нь зүйтэй...
Vneen
Хулчийгаад хувиа хичээгээд яваад байж болно гэж бодож байвал хохь нь л болно.Нэг цаг мөчид ойр дотны хэн нэгэн хар тамхичин болсон юм уу тийм гэмт хэргийн оролцогч болчихсон байна.Тийм учраас бүх нийтээр урьдчилан сэргийл гэж байгаа юм.Үнэндээ бол ийм байр суурь илэрхийлж буй этгээд хувиа хичээсэн хулчгар гэхээсээ өөрөө хар тамхины гэмт хэргийн холбогдогч л болов уу. Халаасын хулгайчууд өөрсдийгөө илрүүлэхээс айгаад, хэлсэн хүний нүдийг бритваар зүсдэг гэнэлээ гэсэн цуурхал тараасан шиг юм болох нь.Нэг ч хүний нүдийг зүсээгүй шүү дээ.Та нарыг мэдээлэхээс айгаад аймаар мафи өшөөгөө авдаг юм гэж ард иргэдийг айлгах хэрэггүй.Та нараас хэн ч айхгүй.Бид хамтын хүчээр нийгмээ цэвэрлэхгүй бол Филипин шиг болно.Хожмоо олон хүний амийг хөнөөх шаардлага ч гарч мэднэ.Урьдчилан сэргийлэх шаардлагатай.