Төрийн тэргүүн 17 шүүгчийн бүрэн эрхийг түдгэлзүүлэх зарлиг гаргасан нь хууль, шүүхийн үйл явцыг тасалдуулахад хүргэлээ. Тэр дунд Улсын дээд шүүхийн иргэний хэргийн танхимын найман шүүгчийн тав нь өртөж нэг ёсондоо тэг зогсолт хийв бололтой. Өнгөрсөн пүрэв гаригийн байдлаар Дээд шүүхийн Иргэний хэргийн танхимаас зарласан шүүх хурлуудыг цуцалсан. Харин анхан болон давж заалдах шатны шүүхүүдийн бүрэн эрхийг нь түдгэлзүүлсэн шүүгчдэд хуваарилагдсан байсан хэргүүдийг бусад шүүгчид тарааж байв. Ямартаа ч дараагийн шүүгчид томилогдох хүртэл шүүхийн салбарын ажил урагшлахгүй нь.
Дээр нь Ж.Батзандан нарын УИХ-ын таван гишүүн нэр бүхий найман шүүгчийн бүрэн эрхийг түдгэлзүүлэх саналаа ҮАБЗ-д өгсөн тухайгаа мэдэгдээд байна. Тодруулбал, УИХ-д хамгийн их гомдол ирсэн гэх Сүхбаатар дүүргийн Эрүүгийн хэргийн анхан шатны шүүгч Х.Идэр, Нийслэлийн Эрүүгийн хэргийн давж заалдах шатны шүүгч М.Алдар, С.Соёмбо-Эрдэнэ, Улсын дээд шүүхийн шүүгч Д.Эрдэнэбалсүрэн, Б.Цогт, Ц.Зориг, Ч.Хосбаяр, М.Батсуурь гэсэн найман шүүгчийн бүрэн эрхийг түдгэлзүүлэхийг хүсч байгаа гэнэ.
ШҮҮГЧДИЙГ ТҮДГЭЛЗҮҮЛСЭН ҮНДЭСЛЭЛ ТОДОРХОЙГҮЙ
Ерөнхийлөгч 17 шүүгчийг “ажлаас халсан” зарлигийнхаа үндэслэлийг Шүүгчийн эрх зүйн байдлын тухай хууль болон Шүүхийн ерөнхий зөвлөлийн саналаар гэсэн байна. Харин Шүүхийн ерөнхий зөвлөлийн гүйцэтгэх нарийн бичгийн дарга О.Амгаланбаатар “Үндэсний аюулгүй байдлын зөвлөлөөс шүүгчийн бүрэн эрхийг түдгэлзүүлэх талаар гаргасан зөвлөмж болон холбогдох материалыг нууцын зэрэглэлтэйгээр Шүүхийн ерөнхий зөвлөлд ирүүлсэн. Үүнтэй холбоотойгоор Шүүхийн ерөнхий зөвлөлийн хуралдааныг хаалттай горимоор явуулсан. Иймд зөвлөлийн хуралдаан дээр яригдсан асуудал болон шүүгчдийн бүрэн эрхийг түдгэлзүүлэх үндэслэлийн талаар мэдээлэх хуулийн боломж байхгүй” гэсэн тайлбарыг хэлээд буй. Үүнээс харвал юунаас болж 17 шүүгчийн бүрэн эрхийг түдгэлзүүлснийг олон нийт байтугай шүүгчид ч мэдээгүй явна. Ерөнхийлөгчийн зарлигийг ойлгоогүй шүүгчид ч эхнээсээ ам нээж эхэлж байна.
Шударга ёсны хэмжүүр болох учиртай шүүгчдийн бүрэн эрхийг түдгэлзүүлж салбараар нь “унагах” дархан эрх дан ганц Үндэсний аюулгүй байдлын зөвлөлд л бий. Угаас өнөөдрийн “том” хэргийн өмнөтгөл болгож хууль эрх зүйн орчныг нь засварласан.
Өнгөрсөн гуравдугаар сард УИХ-аас Шүүгчийн эрх зүйн байдлын тухай хуулийг өөрчилсөн байдаг. Тэр үед л шүүгчдийг айлгах төлөвлөгөөнийхөө бэлтгэл ажлыг хийж шүүх, прокурор, авлигатай тэмцэх байгууллагын удирдлагыг Ерөнхийлөгч, УИХ-ын дарга, Ерөнхий сайдын шийдвэрээр чөлөөлдөг болгохын тулд ээлжит бус чуулган хүртэл хуралдуулсан удаатай.
Ингэж Үндэсний аюулгүй байдлын зөвлөлийн гарт хууль, шүүхийн байгууллагаар “тоглох” дархан эрхийг өгснөөр гэмтэй үгүй нь үл мэдэгдэх 17 шүүгчийн бүрэн эрх түдгэлзэж, дахин араас нь поп гишүүдийн улс төрийн онооны тоглолт эхлэв бололтой. Бүрэн эрх нь түдгэлзсэн 17 шүүгч гэм хийсэн бол шалгах, хянах зэргээр хууль шүүхийн үйл явц явагдах учиртай. Гэтэл шууд л “амыг нь барьж” байгаа нь АТГ аюулгүйн зөвлөлийн бодлогыг гүйцэтгэж “спорт загасчлал” хийж байна гэж олон нийтэд ойлгогдож байна. Үүнээс харвал Ерөнхийлөгчийн 17 шүүгчийн бүрэн эрхийг түдгэлзүүлсэн гэнэтийн зарлигийг аль ч өнцгөөс харсан асуултын тэмдэгтэй үлдэж байх шиг.
Ж.Оюунтунгалаг: Хуулийн байгууллагад шалгуулмаар байна
Ерөнхийлөгчийн зарлигаар яагаад бүрэн эрх нь түдгэлзсэнийг ойлгоогүй шүүгчид эхнээсээ зоригтой дуугарч эхэллээ. Бүрэн эрхийг нь түдгэлзүүлээд байгаа 17 шүүгчийн нэг Ж.Оюунтунгалаг өчигдөр хэвлэлийнхэнд хандсан юм. Тэрээр одоогоор чөлөөлөгдөөгүй байгаа. Цэвэр өөрийн хүслээр хэвлэлийн бага хурал хийж буйгаа тодотгож байв. Ж.Оюунтунгалаг “Хориод хоногийн өмнө би Ерөнхийлөгчийн шийдвэрээр Нийслэлийн иргэний хэргийн давж заалдах шатны ерөнхий шүүгчээр томилогдсон. Лхагва гаригт Ерөнхийлөгч нэр бүхий 17 шүүгчийн бүрэн эрхийг түдгэлзүүлсний дунд миний нэр орсон учраас зарлиг гардуулж өгөөгүй ч пүрэв гаригт ажлаа хүлээлгэж өгөх юм байна гэж ойлгосон. Гэхдээ би Ерөнхийлөгч, УИХ-ын дарга, Ерөнхий сайдад хандаж хэзээ ч авлига хээл хахууль авч байгаагүй гэдгээ мэдэгдэхийн тулд хууль хяналтын байгууллагаар шалгуулахад бэлэн гэсэн бичгээ бэлтгэж байтал АТГ-аас ярьж “Уулзах хэрэгтэй байна” гэсэн. Миний хувьд хүндэтгэлтэй хандаж очсон. Прокурорын зөвшөөрлөөр ажлын цаг дуустал гэрт нэгжлэг явуулсан.
Хууль хяналтын байгууллагаар шалгуулах хүсэлтээ АТГ-ын нэгжлэг хийсэн комиссарт өгсөн. АТГ-т тайлбар өгөх хэрэгтэй гэхээр нь мэдүүлэг өгсөн. Салхитын мөнгөний ордтой холбоотой хэргийн асуудлаар мэдүүлэг авах үед л энэ асуудалтай холбож байгааг мэдсэн. 2017 онд Нийслэлийн иргэний хэргийн Давж заалдах шатны шүүхээр энэ хэрэг шийдвэрлэгдэхэд даргалагч шүүгчээр оролцсон.
Шүүгчийн эрх зүйн байдлын тухай хуульд шүүгчийг шийдвэрлэсэн хэрэгтэй нь холбогдуулж шалгаж байцаахыг хориглосон. Гэхдээ би Монголын төрд итгэж байна. Салхитын мөнгөний ордтой холбоотой хэргийг хэрхэн шийдсэн бэ гэдгээр шалгаж байцаагаагүй байх. Өөрөөр хэлбэл, хээл хахууль авсан хэргээр түдгэлзүүлсэн юм байна гэж ойлгосон.
Миний хувьд 1995 онд МУИС-ийн Хууль зүйн сургууль, ОХУ ын ерөнхийлөгчийн тэтгэлгээр суралцсан. Төгсч ирээд сонгон шалгаруулалтад тэнцэж Хууль зүй, дотоод хэргийн яаманд ажилд орж байсан. Сургуульд, ажилд орохдоо би арын хаалга, танил тал ашиглаж байгаагүй. Ийм зүйлд холбогдсондоо гайхаж байна.
2012 онд Нийслэлийн шүүхэд орон тоо гарсан учраас шалгалт өгөөд тэнцсэн. Тэр үеэс би Нийслэлийн шүүхийн иргэний танхимын шүүгчээр ажиллахдаа ямар нэг хүмүүстэй холбогдож байгаагүй. Хууль шүүхийн байгууллагад хээл хахууль, ашиг сонирхлын зөрчил бий болсон гэж үзэж байгаа бол шийдвэрлэх нь зөв. Гэхдээ ингэж шийдвэрлэж болохгүй.
Улс орнууд дийлдэхээ байсан авлига хээл хахуулийн сүлжээг зайлуулахын тулд иргэн нь мэдүүлээд түүнийг хариуцлагаас чөлөөлдөг хуультай. Ерөнхийлөгч, УИХ-ын дарга, Ерөнхий сайд гуравт хууль санаачлах эрх бий” гэлээ.
С.Уянга
Эх сурвалж: “Зууны мэдээ” сонин
Сэтгэгдэл0
ХОМ эд хөрөнгөө улсад хураалга!
аливаад ээлж байдаг юм.та бас индэр дээрээс бусдыг байнга дармтлан ярьдаг байсан бол та бас бусдад ийм хэцүү байдгийг нэг ч удаа ойлгож ав.авилгалчдын үүрнээс надад авилгал хамаагүй гээд яагаад сандраад байна вэ.гэмгүй бол дуугүй суувал болоо юмбишүү
ХОСБАЯР, СОЁМБО-ЭРДЭНЭ НАР БОЛ УГААС ЭБИГИЙН КУКЛА МӨНӨӨСӨӨ МӨН ШҮҮ ДЭЭ, ОРЖ ХЭНИЙ ТАЛД АЛХ ЦОХИЖ БАЙСАН БЭ ГЭЭД ХЭРГҮҮДИЙГ НЬ ХАР! ХОСБАЯР БОЛ БҮР ХУУЛЬЧИЙН ДИПЛОМГҮЙ БАЙХДАА ХЭРЭГ ШИЙДЭЭД ШАГНАЛД НЬ ТУШААЛ ДЭВШЭЭД, ОДОО ГЭР БҮЛЭЭ АНГЛИД ГАРГАЦАН ХААН ШИГ АМЬДАРДАГ! ЯАЖ 0-оос ТЭРБУМТАН БОЛОХЫНГ ЭНЭ 2 ХАРУУЛСАН ДАА
ШYYГЧ НАР Ч ГЭСЭН ОЛОН ЮМ ЯРИЛГYЙ ЗYГЭЭР Л ШАЛГУУЛ!! ХYН БYХЭН ХЭВЛЭЛИЙН ХУРАЛ ХИЙХ НЬ ЯМАР Ч УТГАГУЙ. ХЭРВЭЭ ХУУЛЬ ЗЕРЧЕЕГУЙ БОЛ ШАЛГУУЛААД Л АЖЛАА ХИЙНЭ БИЗ. ШYYГЧ ГЭЖ ХААНА Ч ШАЛГУУЛАХГУЙ ЮУ Ч ХИЙЖ БОЛНО ГЭДЭГТЭЭ ТА НАР Ч ЭРДЭЖ БЯРДАЖ БАЙДАГ ЧИНЬ Ч YНЭН!!
Uhsen hatsanii chin teg zogsolt gej! Ta muusain shvvgch nar Avilga avahaas uur ajil hiideg bailuu !
Шалгуулж эхлээгүй л хэвлэлийн хурал хийхийн өөрсдөө ажилтайгаа байхдаа хэвлэл мэдээлэлд хандахыг тас хорьдог биз дээ
Medeej olnii dund sain muu hun bii. Ene hun yag uneheer bi tiim um hiigeegui shalguulaya geed baigaa bol sain shalgaad unen muniig ni oloh ni zuv.ATG iin zagasnii torond bujignasan olon zagasnuud orloo bugdiig ni gedes dotriig ni hagalna gej yu baihav harin uneheer busad ni duugarahgui baina gedeg chini yamar neg helbereer avsan bolood l duugai baigaa,Harin shuuh zogsloo ene ter gej surjigneh hereggui,Iim buzruudaar shuulgesenees joohon ch gesen harzanasan ni deer.Ter Soninbayr bol Buzriin shunaltai busdiigaa uruu tataad alban tushaalaaraa dalilgasan baih,Tohiroltsoonii delguur shig joohon ch umnii dergeduur zugeer ungurch chaddaggui mungund dontson berd.
Tegeed shalguulaach ee!
Нямдорж ёстой 37 он шиг юм хийж байна даа энэ бол цаанаас авсан даалгавар .
Сайд аа ёстой зөв шүү
хятадууд санасан бүхнээл хийнэ. тагнуулаар самардуулсан Монгол улс
Bolio ta nar .zorigiin hereg l hangalttai jishee .buzaruud
Хардаж л байгаа бол эрхийг нь түдгэлзүүлж байгаад шалгах нь зөв. Хардуулж байгаа бол дуугүй шиг байж байгаад үнэн мөнөө тогтоолгох нь зөв биш үү? Хуулиар шүүгчийг эрхийг нь түдгэлзүүлэхгүйгээр шалгаж болохгүй л гэж ойлгодог ш дээ. Үгүй юм уу?
"БУСДЫГ ШҮҮХДЭЭ ӨӨРИЙНХӨӨ ШҮҮХЭЭР ОРОХОО БИТГИЙ МАРТ" Өөрөө бусдыг шүүж яллахдаа хэрэв шудрага байсан бол яагаад сандраад байгаа юм?
элбэгдоржийн зөвлөх гээд бсан гөлөгийг бари хэрэгтэй. хэн билээ.
Дампуу үед л сургууль төгсөж дээ