Хүмүүс ярьж байна, цаана чинь... Өвөл тэгээд зун. Зун тэгээд өвөл. Дэлхийн дулаарлаас болж дөрвөн улирал ээлжлэхээ больж шууд хоёр улиралтай болчихож байгаа юм байна л даа гэж... Заримд нь цаг уурын энэхүү өөрчлөлт хачин таалагдаж байх шиг байна лээ.
Яг үүн шиг хүүхэд насыг алгасаад шууд том хүн болдог болохгүй бол амбан явахгүй нь. Тавхан настай балчрыг заазуураар хэрччихдэг. Зургаахан настай ах нь, аав дүүг аймаар том заазуураар хэрччихсэн гэж ярихыг сонсмооргүй байна.
Төрсөн ахынхаа хүүг зэрлэг амьтан шиг малын пүнзэнд дөрвөн жил түгжчихдэг. Өнөөх нь өлсөхийн эрхэнд айлын гэр рүү мярайж атга боорцог хулгайлсныг хөршийн эзэгтэй ам бардам ярьж алдартай хулгайч барьчихсан аятай пээдийхийг хармааргүй байна.
Аймаар юмаа, арай ч дээ, бид чинь монголчууд шүү дээ гэх бодолдоо түүртэж амжаагүй шахам байхад согтуу эцэг, ээжийгээ өмөөрсөн хүүгийнхээ гар хурууг туршлага судалсан мэт хутгаар зүсэж бахаа хангасан гэх юм.
Сурагчийн цүнхээ дааж ядан хичээлдээ одсон найман настай охиныг гаж донтон хүчиндэж ёс бус хүслээ хангачихаад хөнөөж, мөчилж жиргэн гар цүнхэнд хийн хар захын хашаанд орхисон гэнэ. Өчигдөр өглөө, таван сартай охиныхоо толгой руу модоор цохижээ.
Харамсалтай нь тэр мод нь хадаастай байж. Хадаас нь толгойд рь зоогдсон бөгөөд охины бие тун тааруу байна гэх мэдээллийг олж сонслоо. Төрсөн үрээ гудамжинд хаядаг, төрснийх нь дараа халуун нурманд булж амьдаар нь тамлан хөнөөсөн ээж...
Нэг л биш ээ. Нийгэмд бүр тодруулбал, өнөөгийн цаг үед балчирхан үрс маань хүн болохын тулд балар эртний үеийн хүн төрхтөн, ширэнгэд байгалийн хатуу хуулийг даван туулж, яагаав өнөө батаар мэтийн амьтдаас бултаж зугтаж байж өсч үржсэн тухай түүхийн хичээл дээр үздгээс ч хатуу бэрхийг туулж байж хүн болох янзтай.
Ойд хаягдсан жаалыг чоно олж тэжээгээд Мауглиг бий болгосон тухай сэтгэл догдлон үздэг байсан хүн төрөлхтөн, тэр тусмаа монголчууд ийн авирлах болсон гэдэгт итгэж чадамгүй.
Хэрвээ хэн нэгнээс, хаа холоос сонссон бол манай Монгол биш ээ гэж маргамаар тийм л аймшигтай явдлууд миний хөршийнд магадгүй маргааш миний найзад тохиолдох юм шиг санагдаад байх боллоо. Бид ардчилсан Монголын иргэд.
Азид бүү хэл дэлхийд гайхуулсан амгалан нөхцөлд ардчиллыг нутагшуулсан морьтон монголчууд. Жаахан байхаас л ийм нэг бардамнал ч гэх үү омогшил ч гэх үү нэг сэтгэгдэл байнга байх болсон юм, миний ой тойнд.
Тэгээд ухаан орж, он цаг урсахын хэрээр мэдээж мэргэжлийн ажлаа хийж эхэлсэн мөчөөс ингэхэд энэ ардчилал гээд байгаа зүйл маань яг юу юм бэ гэх бодол эргэлдэх болсон, мөрөн дээрх бондгорт минь.
Харин сүүлд цаазын ялгүй улсуудын тоонд багтлаа Монгол гэдгийг сонсоод ашгүй дээ гэж олзуурхаж байсан юмдаг. Энд нэг зүйлийг дурсах ёстой байх. Оюутан байхдаа цэргийн сонинд дадлага хийсэн юм. Тэгээд нэгэнтээ цэрэгт байхдаа даргаа хөнөөн цаазын ял авсан "цэрэг, ялтан"-тай уулзсан юм, Авдрантад очиж...
Үеийн маань хүү байж билээ, өөдгүй алуурчин гэж үзэн ядах мэдрэмж огт төрөөгүй, түүнтэй уулзаад салахдаа...Дарга нь цэргээ гурав хоног хоосон, мэдээж нойргүй хонуулсны хариуд арваа төгсөөд эр цэргийн албанд морьдсон хөвгүүн нүд хариулж борц хулгайлж идэж байгаад баригдсандаа "бантаад" шууд ч л бууныхаа гохыг дарж орхисон нь аминд нь хүрсэн байсан юмдаг.
Хохирогчийн аав нь тус ангийн штабын дарга. Хамгийн гунигтай нь насаараа цэргийн алба хашсан өвгөн дарга хоёр хүүтэй байсны ахмад нь мөн л цэргийн хүн байсан бөгөөд эл явдлаас яг нэг жилийн өмнө мөн л цэрэгтээ алуулчихсан гэж байсныг тод санаж байна.
Аав шиг минь хүн аргаа баран үг ч хэлж чадахгүй мэгшин уйлж байхыг хараад өрөвдсөн ч цаазын ял авсан "цэрэг, ялтан"-тай уулзаад гарахдаа түүнийг хачин их, бүр ихээр өрөвдсөн. Ээжид минь хүргээд өгчихөөрэй гэж хэлээд захиа өгөхөд нь өөрийн мэдэлгүй дагаад уйлчихсан.
Тэр ч бас уйлсан. Тэсье гээд ч тэвчиж чадалгүй мэлмэрсээр байгаад гарсны дараа хэсэгтээ л сэтгэл эзэнгүйрч хүн алчихсан шүү дээ гэж бодогдовч, цэргийн дүрэмд цэргээ хоолгүй, нойргүй гурав хонуулах дүрэм журам байдаг бил үү гэх бодол эргэлдээд салаагүй юмдаг.
Залуу давж заалдаад 25 жилийн ял авсан. Түүнээс хойш их л удсан санагдах юм. Монгол цаазын ялгүй улс боллоо гэх мэдээллийг сонсоод тэр "цэрэг, ялтан" санаанд орж, ямар ч байсан амьд байх хэрэгтэй, үлдэх эрхтэй хүмүүс байдаг юм гэдэгт бүр ч ихээр итгэж билээ. Харин одоо эргэлзэж байна.
Яг өнөөдөр ардчилсан Монгол Улсад, дээхэн үед барууны улсуудад хэрэгждэг байсан шиг Линчийн шүүх байдаг ч болоосой гэж чин сэтгэлээсээ хүсч байна.
Төрсөн үрийг нь хойд эцэг нь гэх архинд шүлэнгэтсэн гажиг донтон алахаас наагуур тамлаж байхад хэнэггүй хараад сууж байсан эх, ээжээ би таньдаа хайртай, хэзээ наддаа ирэх юм бэ хэмээн нүдэндээ нулимстай өвчиндөө шаналан хэвтэж байгаа хүүдээ удахгүй очино гэж худал хэлчихээд таг болсон ээжийг шүүмээр байна.
Ангир уургаа хөхүүлж өсгөсөн алаг үрээ хувь тавилан нь мэдэг гээд орхисон ээж нэртэй хүний оронцгийн сургийг гаргаж, хариуцлага хүлээлгэмээр байна. Монгол хүн малаа гаргахдаа ч, цээрлэн гаргана, төхөөрнө гэж ярьдгийг умартсан хүн сүгнүүдтэй хатуу яримаар байна.
Хөгшид идшээ төхөөрөхдөө эвдэж хугалбал эвгүйцэн зандардаг уламжлалын үргэлжлэл болох монгол түмэн бид мөн үү гэх эргэлзээ төрөөд байх боллоо. Жаахан хальчихад Египетийн Шаркия мужийн Нил мөрний эрэг дээрх Аль-Гуиндия тосгоны оршин суугчид нэг хулгайчийг хөөж барьж аваад хэдэн 10-уулаа нийлж модонд хүлж байгаад тал талаас нь зодож аминд нь хүрсэн тухай мэдээлэл санаанд орлоо.
Тус оронд өрнөсөн хувьсгалаас хойш ийм байдлаар шүүх явдал газар авч байгаа тухай хэвлэл мэдээллийн хэрэгслүүдээр бичигдэх болсныг дэлхий нийт андахгүй. Мөн өнгөрсөн гуравдугаар сард Саманод хотод зорчигчийн моторт дугуй хулгайлсан хоёр хулгайчийг барьж авсан хүмүүс мөн л зодож, авто вокзалд хөлөөс нь дүүжилж амийг нь хөнөөгөөд, цогцсыг нь ойролцоох цагдаагийн хэсгийн дэргэд хаясан хэрэг гарсан.
Хамгийн хачирхалтай нь уг хэрэгт олон мянган хүн оролцсон гэж дуулдсан. Хожим нь ард иргэд ийнхүү, "сайн дурын эргүүл" гарган, "шүүх хороо" байгуулах явдал түгээмэл болж хууль бусаар ажиллаж, цагдаагийн байгууллагын ажлыг өмнөөс нь хийж байгааг эсэргүүцэн Египетийн цагдаа нар хэдэн өдрийн ажил хаяж билээ.
Гэхдээ манайд байгаа гажигуудыг шүүчихэд хамгаалж далдагнах хүн олдохгүй байх гэдэгт итгээд байгаа юм. Дахиад л мэдээ үзэв. Нас тогтсон "эр" бага насны охидод зөв амьдрах ухааны талаар лекц уншдаг байж гэнэ.
Хорвоо ертөнцийн хамгийн хөөрхөн охин гэдэгт итгүүлдэг тэр хүн Баянзүрх дүүргийн 27 дугаар хороонд амьдардаг байсан юм билээ. Ихэвчлэн бага насны охидод "буян үйлдэж", өөртөө итгэлтэй, өгөөмөр мэдээж чадвартай, цаашилбал ирээдүй нь гэрэлтсэн иргэн болгон төлөвшүүлэхэд нь тусалдаг гэх тэрбээр бяцхан шавь нараа "өвөртөлж" унтахаа урьтал болгодог нь илэрлээ. Өөрөөр хэлбэл өнөөгийн нийгэмд олшроод буй гажигуудын нэг байсан юм билээ.
Бас болоогүй ээ, 17 настай хүүгээ хамсаатан болгочихсон байсан гэх. Сонирхуулахад, Сатаны библи гэж байх. Антон Шайдор Ла Вейгийн зохиол л доо. Тэнд "Гариг дээр мөрдөгдөх эрлэгийн 11 дүрэм гэж байдаг юм. Яг тэр дүрмийн дагуу амьдрах хэрэгтэй юм байна гэж бодогдох боллоо.
Тус дүрмийн тавд, хэрэв дохио хүлээн аваагүй бол хурьцлын ажилд бүү оролц гэж заасан байдаг бол. Дөрөвт, жижиг хүүхдийг бүү гомдоо гэж бичсэн байдаг юм. Харин энэ цаг дор хурьцлын ажилд жаахан охид золиослогдож, нарт хорвоог нулимстай, айдастай нүдээр насан туршдаа ширтэх хатуу тавиланг үүрэх ялтай төрсөн мэт байх болж.
Буруу санаагүй бол миний эрх чөлөө миний хөршийн эрх чөлөөгөөр хязгаарлагддаг гэдэг дээ. Гэтэл надад эрх чөлөө үлдээсэнгүй. Балчирхан үрст тоглож наадах цаг зав олгосонгүй. Ямар аав, ямар ээж, ямар ах дүүс гэх юм бэ. Элэг нэгт ахан дүүс гэдэг чинь энэ цагт ном зохиол дээр л үлдсэн юм биш үү.
Бусдын эрхийг хөлөндөө гишгэж, нийгмийн амгаланг нулимс бас айдаст автуулагчтай юун ардчилал, ямар амьд эрх ярих юм бэ. Нийгэмд гарч буй гэмт хэргийн золиос нь хүүхэд, эмэгтэйчүүд байдаг. Сүүлдээ биеэ хамгаалах чадваргүйг нь далимдуулж, наадах наадгай шигээ санасан мэт авирлах хэрцгийлэл хэрээс хэтэрлээ.
Надад үг хэлэх бас амьд явах эрх бий. Би бусдын амьд явах болон үг хэлэх эрхэнд халдах нь бүү хэл тэгж болно ч гэж төсөөлж үзээгүй. Харин зарим нэг гажигууд миний амьд явах, аз жаргалтай аж төрөх эрхийг татаад хаясан тамхины иш шиг санаж дарамт үзүүлж байна.
Би, өглөө болгон өөдөсхөн үрс үгээр хэлэхийн аргагүй тамлалыг туулжээ... Гэмтэнг эрж байна, хайж байна... Оллоо, одоо хариуцлага хүлээлгэнэ. Гэхдээ манай Монгол ардчилсан улс учраас алахгүй 25 жил хорино гэх мэдээллийг хармааргүй байна.
Хуруугаа зүсчихээд цус гарахаар нь боож өгөх гэхээр нүдээ анин толгойгоо гилжийлгэдэг дүү маань, өө хөөрхий үхдэггүй л юм байна гэж телевизийн мэдээ үзээд тайвшрахыг хармааргүй байна.
Цус гарвал л үхнэ гэж эмзэглэдэг тэр маань жаахан хүүхэд нуруугаа заазуурдуулчихаад яагаа ч үгүй байна гэж бодохыг, бодсноо хэлэхийг сонсмооргүй байна. Ингээд зогсохгүй ээ. Энэ цагийн энхрий үрсийг "устгах", "дарлах", "тамлах" ёрын үйл...
Атга арвайг асгаад зүүний үзүүр дээр тогсон нь хүн болдог гэх сургаалийг жинхэнэ утгаар нь хийдүүлж байна, манай улсад. Статистик мэдээллээс харвал зөвхөн өнгөрсөн хоёр жилд гэхэд л албан ёсны бүртгэлтэй аборт 30 гаруй мянгыг хийжээ.
Дээр нь бүртгэлгүй, гэрээр зулбуулагсад тодруулбал, Нарантуул зах орчмоос хууль бусаар хил давуулсан хятад эм авч уун нүгэл үйлдэгсдийг нэмбэл, эл тоо лавтайяа нэг дахин өсч, 60 мянга хол давах биз. Бүхэл бүтэн нэг аймгийн хүн амтай тэнцэхээр хүүхэд "устгал"-д орсон гэсэн үг.
Түүгээр зогсохгүй үр хөндөлтийн 40 гаруй хувь нь анхны жирэмслэлт байдаг болохыг статистик харуулж байна. Шуудхан хэлчихэд Монголын үрсийг хороох багасгах бодлого хэрэгжээд эхэлчихэж. Тиймдээ ч хүүхэд нас руу хүргэж өгдөг галт тэргэнд суух хүн олдох болов уу гэх адайр бодол эргэлдээд байна.
Бодоод үз дээ, таван сартай хүүхдийнхээ толгой руу хадаастай модоор цохидог аавыг аав гэх үү. Жорлонд биш горшонконд бие засдаг жаахан охиныг эмэлсэн хүнийг эр хүн гэх үү. Max цусаа таслан төрүүлсэн үрээ архичин эртэй хамт амьдрах хүслэндээ хөтлөгдөн орхиод явсан эмийг ээж гэх үү.
Хүн бус үйлдэл хийгсэдтэй хүн бусаар ярих ёстой. Яадаг юм бэ. Таван сартай охины толгойд хадаас зоосон харгис эрийн толгой руу хадаастай модоор тоншоод үзье. Тавхан настай жаалыг заазуураар зүсэж суусан эрийн тарган хэвлийгээс нь цус гаргаад, өвдөлт, айдас ямар байдгийг өөрийнх нь биеэр мэдрүүлье.
Надад ийм л бодол бас хүсэл байна. Тэглээ гээд ардчиллаас урвасан анархист гэж шүүмжилбэл шүүмжил, нийгмийн сэтгэлзүйг эвгүйтүүлэхийг санаархсан мэргэжлийн ёсзүйгүй амьтан гэж гоочилбол гоочил. Би хүсч буйгаа л бичлээ. Надад ч гэсэн үг хэлэх, үзэл бодлоо илэрхийлэх эрх чөлөө бий гэдэгт би итгэдэг...
Хэрвээ энэ эрх чөлөөг минь хасаад оронд нь энэрэлгүй авиртнуудыг хатуу "шүүнэ" гэвэл болж байна. Гэхдээ ардчилсан хуулиар бус Линчийн шүүхээр шүүгээсэй гэж хүсч байна. Аль эсвэл насаар нь хорьж хүн хийж боломгүй, чадамгүй хүнд нөхцөлд ажиллуулж хөлсөөр нь хүн бус тамлалын золиос болсон үлдэгсдийг нь тэтгэе.
Улс тэднийг 25 жил тэжээх өргүй. Тэдэнд тэжээлгэх эрх ч байхгүй. Харин хатуу, хүнд хортой нөхцөлд ажиллахаас өөр аргагүй үйлдвэр байгуулчихаад ажиллуулж хүч хөдөлмөрийг нь ашиглая. Улсын төсөвт нэмэртэй. Тийм биш гэж үү...
З.Урансүх
Эх сурвалж: “Улаанбаатар таймс”
Сэтгэгдэл0
saihan helsen ba tedgeer humuus onoogiin hiigmiin nuur tsarai eldorj ooroo 250 huuhed osgodog gesen ted bas iim aluurchid ooriigoo hamgaaluulah esvel gart n uheh tavilantai mongol erchuud mongoldoo alga ... bigd gadaadad ba... mongold heden huuhed harsan emee nar arhind dontson avgai nar l ba... ardchilalin 20 jild iim l niihemtei bolloo... hekeh muu ug oldohgui songuuliar sanal ogoh humuus bugd mng hariyat hujaa geed boddoo.
mongolin bayalgig avaad irgedig humuuniig baraad uldsen heden avgai huuhed arhichidg oorsdoor n duusgaj ba mongol uls tusgaar togtnoh buu hel ard irgedgui bolloo mohloo ... ene gashuun unen...
Энэ нээрээ арай дэндэж байна хүүхдээ гадаа тоглуулахаас айгаад байна энэ алуурчид гаж донтонгуудыг устгамаар байна. Египэдийн ардууд шиг илрүүлсэн даруйдаа цэвэрхэн нухчихдаг баймаар байна.
Улс тэднийг 25 жил тэжээх өргүй. Тэдэнд тэжээлгэх эрх ч байхгүй. Харин хатуу, хүнд хортой нөхцөлд ажиллахаас өөр аргагүй үйлдвэр байгуулчихаад ажиллуулж хүч хөдөлмөрийг нь ашиглая. Улсын төсөвт нэмэртэй. Тийм биш гэж үү... ЭНЭ ЯМАР ҮНЭН ЗӨВ САНАА ВЭ. ХҮМҮҮСЭЭ ДЭМЖЭЭРЭЭ. ТЭР ХҮН АРААТНУУДЫГ ИНГЭЖ Л АШИГЛАХ ХЭРЭГТЭЙ. ЭСВЭЛ ШУУД ЦААЗАЛ ШУУД ЦААЗАЛ ШУУД ЦААЗАЛ ШУУД ЦААЗАЛ ШУУД ЦААЗАЛ ШУУД ЦААЗАЛ ШУУД ЦААЗАЛ
yutai unen ug ve bur ih demjij baina yaj iim setgel zurhtei hun mongold maani ganst uldee ve ahiad iimerhuu oilgost setevhiitei hoyr negen hun baivalch bas nar tegtlee jargachihaagui bna shuu iim huniig ner devshuulvel songuulid ochnoo
yg unen jm bichijdee.ted shorond amarch ajillagsadiin tatvariin munguur tejeelgeed daraagiin hiih nuglee bodoj baigaad l garaad l dahin tejeelee duhuj bui mal shig .Ene niitlegchiin sanaliig demjeed gajig araatanguudiig unegui tejeej baihiin orond ajilluuljudur bur shiitgeliig ni amsuulj bh heregtei esvel tcaajlah heregtei!!!!!!!!!!!!!!!!!!!!!!!!
ОХУ -Д ДАЙНЫ ДАРАА 25 ААС ДЭЭШ ЖИЛТЭЙ ХОРИГДОЛЫГ ХАМГИЙН ХҮНД ХОРТОЙ НӨХЦӨЛД АЖИЛЛУУЛЖ БАЙСАН ТҮҮХ БИЙ МОНГОЛ ОРОНД БИЙ БОЛСОН ЭНЭ АРААТАНГУУДЫГ ХҮНД ХӨДӨЛМӨР ХИЙЛГЭХ НЬ ЗӨВӨӨ монголын араатангуд, хар тамхичид, дохтонгуудыг Элбэгдоржийн үүсгэн байгуулсан ардчилал нэртэй фашистүүд л бий болгосонд оо
Shuud tsaazlaachee ed nart doromjluulsan ohidiin amidral nasaaraa tam bolno Deer ni zarim ni buruu zamaar yavna yanadaa huvguud ni arhichin ohiduud ni buruu zamaar orood mongol maani yah ym be bidnii huuhdiig yamar ireedui heleej bainave
Medeej ardchilal bol zuv.ghdee bid ardchilaliin vvreg taliin orhigduulaad baahan erh taliin l yriad bgaa shvv de hvn bvr dor bvrnee bodmoor l bgaam
Уг нь бол зөв л юманд санаа нь зовж явдаг хүн байна. Гэхдээ асуудлыг шийдэхээр дэвшүүлээд байгаа санаа тийм ч оновчтой биш гэж бодож байна. Өнөөгийн энэ нийгмийн ялзрал нь хэрэгтнийг цаазаар авч, дүүжлээд ч шийдэгдэхгүй болов уу гэж бодож байна. Өөрөөр хэлбэл Европ эм өвчний гадна шинж тэмдэгийг л дардагаас голомтоор нь устгаж чаддаггүйтэй адил. Миний бодлоор Монгол улс зөв бодолтой, ухаалаг ард түмэнтэй хүчирхэг улс больё гэж бодож л байгаа бол хүүхдийн хүмүүжилд, гэр бүлийн тодорхи хүүхдэд ханддаг хандлагад маш их анхаарал хандуулж ажиллан ирээдүйн иргэдээсээ эхэлж өөрчлөлтийг хийх хэрэгтэй. Энэ үр хүүхдээ зодож тамлаад байгаа эцэг эхчүүд багадаа байнга аав, ээж, ах эгчдээ зодуулаад, ямарч хайр үзэлгүй өссөн гээд мөрийцөхөд ч бэлэн байна. Монголчуудын зүйр үг байдаг даа. "Хайр нь дотроо, хал нь гаднаа" гэж... Би л лав багадаа аав ээж маань намайг үнсэж хайрлаад, буруу юм хийвэл шийтгэхээ урьтал болголгүй ойлгуулж хэлж өгөхөд нь маш их баярладаг байж билээ. Ямар ч хүүхэд гэр орныхон нь зодож нүдээд л, юм л бол харааж хангинаад байхад нь баярлаад л намайг дотроо хайрлаж байгаа юм гаднаа л ингэж алчих гээд байгаа болохоос гэж боддоггүй л байхгүй юу. Тэгж ойлгох ч үгүй.Гэтэл Монголчууд хүүхэд хүмүүжүүлэх талаар ийм л ойлголттой улс. За тэгээд төрүүлсэн л бол хүүхдээ тэгээд л хаячихдаг. Нөгөөдүүл нь ёстой л бор зүрхээрээ хүн болно. Эцэг эхийн үүргийг ердөө л мөр бүтэн, гэдэс хоосонгүй явуулж байвал боллоо гэж боддог. Хүүхэд нь хаагуур явж, хэнтэй нийлж байна. Сэтгэл санаа нь ямар байна, сургууль соёл дээр нь хүүхдүүд айлгаж, сэтгэл санааны дарамтад оруулаагүй байгаа гэх мэтийг бол тоох нь битгий хэл бодохч үгүй. Тэгсэн хэрнээ тэр бяцхан амьтадын хийсэн алдааг уучилж, өршөөх ямар ч тэвчээр байхгүй, ерөөсөө л зодож нүдэхээ урьтал болгодог. Ийм орчинд чинь хүүхэд ямар хүн болж өсөх вэ? Арван жилийн охид, хөвгүүд нэг нэгнээ рэкетлээд, дээрэмдээд, зодож нүдээд, тэрийгээ Интернэт дээр хүртэл бахархал болгоод тавиад байхад анзаарч мэдэж байгаа эцэг эх, сургууль, багш, цагдаа, төр гэж байна уу? Энэ л хүчирхийлэл, уур хилэн, үзэн ядалтаар дүүрсэн нийгэм чинь араатнууд бий болгоод байгаа юм. Тэрнээс биш цаазын ял л дутсанаас болоод ийм болчихоод байгаа юм биш. Хүн хүнээ хайрлахаа байсан, эцэг эх, үр хүүхдүүд нь нэг нэгнээ үл хайрлаж хүндлэн, юм л бол хүчээр, нударгаар асуудлыг шийддэг газар чинь асуудалд тэгж л ханддаг хүн бий болно шүүдээ. Тиймээс гэр орондоо агсан тавьдаг, үр хүүхдээ тамлан зовоодог хүмүүсийг маш чанга хатуугаар шийтгэдэг болох хэрэгтэй. Гэхдээ зүгээр л шоронд тэжээгээд байлгаад байж болохгүй. Сталин улс орондоо бөөн хорих лагерь бариад хоригдлуудын үнэгүй хүчээр Орос орныг хүчирхэг орон болгосон ш дээ. Монголд хужаа оруулж байхын оронд энэ нийгэмд багтаж шингэхгүй болтлоо дүүрсэн хүний шаарнуудыг тэр Мянганы зам, төмөр зам зэрэг төслүүд дээрээ ажиллуулаач. Төр чанга гараар, диктатураар энэ хүн биш араатнуудыг хүн шиг ажиллаж чаддаг болгох хэрэгтэй. Яахав бага зэрэг цалин олгоод тэрийг нь өөрт нь биш ар гэрийнхэнд нь өгөөд явж болно ш дээ. Улс орон ч хөгжинө, гэр бүлийн дотоод дарамт ч алга болж Монголын хүүхдүүд зөв хүмүүжих орчин бий болно. Мэдээж эцэг, эх нь хүүхдэд хэрэгтэй л дээ, гэхдээ үр хүүхддээ гай болоод алж талчих гээд айлгаж ичээгээд байгаа улсыг тэгж л хатуу хараа хяналтан доор ажиллуулж байж ар гэрийг нь тэжээлгэх хэрэгтэй гэж бодож байна.
Durakuudiig uranii uildvert ajilluulahgui yu. Esvel iimerhuu hog shaarnudiig zugeer l duhand ni neg sum zoochihdog baih heregtei yum daa ug ni. Tsaaziin yalgui gedgiig medej baigaa bolohoor iim hertsgii zuil hiij bgaa yum. Niigemd hereggui iim shaarnuudiig ustgaj baih ni zuid niitsne.