Тэгтэл үнэн хэрэг дээрээ Ж.Мэндбаярын үнэгүйдсэн гээд байгаа барилга нь 3000 м.кв, талбайтай, “Глоб”ын захирал асан Ж. Мэндбаярыг хорихоос суллагдсаны дараа олон хүн шөнө унтахгүй цочин сэрж, товчхондоо байнгын түгшүүртэй амьдарч байгаа гэнэ. Учир нь амгалан тайван ч нойрсож чадахгүй байгаа эдгээр эрхмүүд түүний хөрөнгийг үнэгүйдүүлж, бусадтай нийлэн завшиж баруун солгойгүй өөрсдийн өмч хөрөнгөө болгосноос ийнхүү сандарцгааж байгаа аж.
Эрх чөлөөгөө хасуулан 10 жил гаруй хоригдсон “Глоб”-ын Ж.Мэндбаяр гарсан даруйдаа хэвлэлийнхэнд хандан өөрийнх нь эд хөрөнгө хэрхэн үнэгүйдэж, алга болсон талаар мэдээлэл хийсэн билээ. Түүнийг ийнхүү мэдээлэл хийсний дараа олон хүн сандралдаж ийш тийш утас цохиж, булхай луйвраа далдлахаар пижигнэлдэж эхэлсэн нь чих дэлссэн юм. Мэдээж түүнийг хөрөнгийг үнэгүйдүүлсэн хүмүүс нь 2006-2012 онд ажиллаж байсан Шүүхийн шийдвэрийнхэн гэдгийг захын хүн мэдэж байгаа. Бид энэ хадгаламж зээлийн хоршооных өрөнгө хэрхэн үнэгүйдэж байгаа тухай, эдгээр хөрөнгийг хэн, хэн гэгч албан тушаалтнууд үнэгүйдүүлж байгаа талаар өнгөрсөн хугацаанд хангалттай мэдээллийг олон нийтэд хүргэж байсан.
Уг нь Ж.Мэндбаяр шоронд ороогүй бол хохирогчдын мөнгийг хангалттай гаргаад өгчих хэмжээний эд хөрөнгөтэй гэдгийг түүний хураагдаж үнэгүйдсэн хөрөнгө ч тухайн цагтаа гэрчилж байсан. Тухайлбал, өнөөг хүртэл үйл ажиллагаа явуулж буй “Мөнгөн гүүр” эмнэлэгийн барилга хуучнаар “Глоб” центр нэртэй байсан. Энэхүү центрт маш олон газар үйл ажиллагаа явуулж, өнөөг хүртэл их хэмжээний ашиг олсон обьект гэдгийг хүн бүхэн мэднэ. Тэгвэл 2009 онд мөрдөн байцаалтын шатанд 4.3 тэрбумаар үнэлэгдэж байсан хөрөнгийг Шүүхийн шийдвэрийнхэн гурван жил гаруй хугацаанд цоожтой байлгаж байгаад дахин үнэлүүлэхдээ нэг тэрбум 272 сая 900 мянган төгрөг болгож, хүний өмчийг хэрхэн дээрэмдэж болдгийн бодит жишээг үзүүлсэн. Уг нь цагдаагийн байгууллагаас 4.3 тэрбум төгрөгөөр үнэлсэн байхад нөхдүүд гурван жилийн дараа ийнхүү гурван тэрбум төгрөгөөр үнэгүйдүүлж орхисон хэрэг.
Уг нь мөрдөн байцаагчдын үнэлгээгээр дуудлага худалдааны анхны үнийг тогтооно гэсэн Засгийн газрын тогтоол байсаар атал Шүүхийн шийдвэрийнхэн энэхүү тогтоолын дагуу барилгыг 4.3 тэрбумаар үнэлээгүй нь өнөөдрийн асуудал дагуулсан эд хөрөнгө болчихоод буй юм. Тэгвэл гурван жил гаруй хугацаанд цоожтой хаалганы цаана байлгаж байгаад дээрх барилгыг Шүүхийн шийдвэрийнхэн хэрхэн үнэгүйдүүлсэн талаараа ийнхүү дүгнэлт гаргасан байдаг байна.
Тодруулбал,
1.Ашиглалтын буруугаас халаалтын систем хөлдсөн
2.Систем хөлдөж хагарснаас ихээхэн хэмжээний ус алдаж барилга нийтдээ муудсан
3.Давхаруудаас ус алдснаас тааз, хана дахин засвар хийхээр болсон
4.Их хэмжээний чийг алдснаас дүүжин тааз, модон эдлэл, зарим шахмал материалаар хийсэн зүйлүүд цаашид хэрэглэхээргүй болсон
5.Халаалтгүй удсан, ус алдаж чийгтэй байснаас барилгын засвар муудаж дахин сэргээн засварлах шаадлагатай болсон гэх зэргээр дүгнэлт гаргаж өөрсдийнхөө танил тал, ах дүү, амраг садандаа өгсөн хэрэг.
Тиймээс л өнөөдөр Ж.Мэндбаяр алдсан хөрөнгөө заавал олж авна хэмээн дээр, дооргүй бичиг цаас шидэж УИХ-ын гишүүн, Өргөдлийн байнгын хорооны дарга О.Баасанхүүд “Миний алдсан хөрөнгийн учрыг олж, хуулийн дагуу холбогдох хүмүүст арга хэмжээ авахыг” хүссэн гомдлоо өгсөн талаар эх сурвалжууд мэдээлсэн.
Уг нь тухайн үеийн зах зээлийн ханшаар Мөнгөн гүүр эмнэлэг буюу “Глоб” центрийг зарсан бол есөн тэрбум төгрөг хангалттай болох байсан гэдгийг Ж.Мэндбаяр болон хохирогчид ч хэлж байгаа. Энэ нь юу гэсэн үг вэ гэвэл 2011 онд зарагдсан эл барилгыг тухайн үеийн ханшаар үнэлсэн бол м.кв нь гурван сая төгрөгөөр үнэлэгдэж 3000 м.кв барилга есөн тэрбум болох ёстой байсан гэсэн үг.
Гэтэл өнөөдөр барилгыг нь элэгдэл хорогдолд орсон мэтээр албан бичиг үйлдэж, энэ их үнэтэй обьектийг ердөө 1.2 тэрбум төгрөгөөр худалдчихсан гэсэн цаасан дээр үлдсэн баримтаас өөр юу ч байхгүй.
Тэгтэл үнэн хэрэг дээрээ Ж.Мэндбаярын үнэгүйдсэн гээд байгаа барилга нь 3000 м.кв, талбайтай, маш олон үйл ажиллагаа явуулж, их хэмжээний ашиг олох обьект гэдэг нь хэн хүнд ойлгомжтой. Тухайлбал, барилгын гадна 1300 м.кв орчим талбайтай автомашины зогсоол, явган хүний талбайтай. Харин барилгын зоорийн давхарт дөрвөн машины газар, саун, массажны газар, мини бар ажилладаг байжээ.
Харин нэгдүгээр давхарт нь ресторан, караоке, стриптиз бар, хоёрдугаар давхарт нь диско бар, хурлын заал, контор, VIP заал, гурав, дөрөвдүгээр давхарт энгийн люкс өрөөтэй зочид буудал байрладаг байжээ.
Энэ бүхнийг дурьдаад байгаагийн учир шалтгаан нь гэвэл энэхүү барилгыг хангалттай үнээр нь дуудлага худалдаанд оруулж хохирогчдыг хохиролгүй болгох бүрэн боломж, бололцоо байжээ гэдгийг л хэлэх гэсэн хэрэг юм. Ямартай ч түүний ганцхан хөрөнгөөс цухас дурьдахад л иймэрхүү. Бусдын хөрөнгийг үнэгүйдүүлж хувьдаа завшсан гэх ШШГЕГ-ын нэр бүх хүмүүсийн үнэн төрх тун удахгүй илрэх болно.
Ямартай ч Шүүхийн шийдвэрийнхэн түүнийг хөрөнгийг хэрхэн яаж үнэгүйдүүлснийг нь хууль хяналтын байгууллага илрүүлэхээр ажиллаж эхлэсэн, тухайн үед ажиллаж байсан албан тушаалтнуудыг ч шалгаж байгаа талаар эх сурвалж мэдээлж байна.
Эх сурвалж:
Сэтгэгдэл0
ЭНЭ ХҮНИЙ ЭРХ ЧӨЛӨӨ, ЭНД ХӨРӨНГӨ, СЭТГЭЛ САНАА БҮХ ЮМААР НЬ ТОГЛОСОН. ШШГЕГ-ИЙНХАН ЭНЭ ХҮНИЙ АМьДРАЛААР ТОГЛСООН ШҮҮ ДЭЭ. ТЭР ГЛОБЫН БАЙР БАЙСАН СҮҮЛД Нь ХЯТАД БЭЭЖИН БУУДАЛ БОЛОДО БАЙСАН БАЙР ГЭХЭД Л ЯМАР ҮНЭТЭЙ БИЛЭЭ, ТЭР БУУДЛЫГ ТҮЛЭНХИЙ ЭМНЭЛЭГТ САРЫН 40 САЯАР Л ТҮРЭЭСЛЭДЭГ БАЙСАН Ш ДЭЭ. ЭНЭ БҮГД ЯАХ АРГАГҮЙ БОХИР ЗҮЙЛ БОЛСОН ТУЛ ШАЛГАХ ХЭРЭГТЭЙ. МЭДЭЭЖ ЭНЭ БҮГДИЙГ АРД ТОМЧУУД БАЙГАА Ш ДЭЭ.
одоо бүр шүүх цагдаа прокурор нь луйвар хийж амьдардаг болсон байна ш дээ
Odoo tegvel unah bolson bair bish uu.Tomchuud gej saihan luivarchid ba daa, ter yeiin jurag ni bdag l baihdaa, une ni tegj buusan yum chin, oor bairnii zurag bariad l dairch medeh humuus shuu dee.
ШШГЕГ-ын шуналтнуудыг яаралтай баривчилж хохирлыг барагдуулах хэрэгтэй. цаазын ял ч эдэнд багаднаа. энэ талаар сайн бичих хэрэгтэй луйварчдад гишгэх газаргүй
Цагдаа, ШШГЕГ-ынхан л байгаа ш тээ...
Hend ni itgeh um buu med. Estoi medkuu.
Шүүхийн нэр хүндийг унагасан албан тушаалтанд хэрхэн хариуцлага тооцохыг одоо л харах нь. Ард иргэд хэрвээ эдний оронд ингэсэн шорон руу л илгээж байгаа. Өөрсдөө хуулиа уландаа яаж гишгэснээ тайлагнах цаг нь болжээ. Төр төмөр нүүрээ харуулах л үлдэх шив.
Эзнийг нь барьж хорьж байгаад ѳмчнйг нь үнэгүйдүүлж авахад шүүх,хуулийн байгууллагыг ашигладаг болж дээ.Тѳрийг муухай харагдуулж байна.
ХЗХ мөнгө угаасаа эрх бүхий хүмүүсийн арааны шүлсийг нь гоожуулан юм биш үү. Тэр Түмэнгэрэл чинь уул нь гайгүй л шударга юм хийгээд байх шиг байсныг хүнээс дор үзэж алуулчихаад, хоршооны хөрөнгийг нь хувьцаа маягаар эзэмшигчид нь авья гэхэд өгөөгүй ш дээ.
Шүүхийнхэний шунал нь шулам болтол нь гаарсны үр дүн энэ. Новшнуудыг цаазлаж, насаар нь шоронд хатааж, бүх хөрөнгийг нь хураах цаг болсон.
tuxain ved ajillaj bsan shvvxiin shiidber gvitsetgex albanii xvmvvs bvgd bayn bolson bgaa.ts.ulaantsetseg gedeg emegteig shalguulax xeregtei ix um garna daa