Эрүүгийн цагдаагийн газрын Хар тамхитай тэмцэх хэлтэс энэ сарын 17-нд мансууруулах үйлчилгээтэй ургамлын төрөлд орох каннабисыг их хэмжээгээр түүж бэлтгэн, бусдад зарж борлуулах зорилгоор тээвэрлэж байсан иргэнийг баривчилжээ.
Уг хэргийг иргэн П үйлдсэн бөгөөд одоогоор ШШГЕГ-ын хорих 0461-р ангид сэжигтэнээр саатуулан, эрүүгийн хуулийн тусгай ангийн 192.2-т зааснаар эрүүгийн хэрэг үүсгэн шалгаж байгаа аж. Эрүүгийн хуулийн 192.2-т “Мансууруулах буюу сэтгэцэд нөлөөлөх эм, бэлдмэл, бодисыг борлуулах зорилгоор хууль бусаар бэлтгэсэн, олж авсан, хадгалсан, тээвэрлэсэн, илгээсэн, борлуулсан бол таваас дээш найман жил хүртэл хугацаагаар хорих ял шийтгэнэ” хэмээн заажээ.
Мөн энэ оны 07 дугаар сарын 29-ны өдөр иргэн Т, Б, С, Г нар нь бүлэглэн мансууруулах бодисын төрөлд орох ICE буюу Мөсийг бусдад зарж борлуулах зорилгоор авч явж байсныг илрүүлэн эрүүгийн хуулийн тусгай ангийн 192-192.2-т зааснаар эрүүгийн хэрэг үүсгэн шалгаж байна. Шалгалтын явцад дээрхи этгээдүүд нь давтан гэмт хэрэгт холбогдсон болох нь тогтоогджээ.
Энэ оны 7, 8 дугаар сард хар тамхи, мансууруулах бодистой холбоотой 23 холбогчтой 10 гэмт хэрэгт мөрдөн байцаалтын ажиллагаа явуулж байгаагийн ихэнх хувь нь мансууруулах үйлчилгээтэй ургамлын төрөлд орох каннабисыг түүж, бэлтгэн, боловсруулж, бусдад зарж борлуулсан гэмт хэрэг эзэлж байгаа аж.
Ч.Ариунболд
Эх сурвалж:“Монцамэ” агентлаг
Сэтгэгдэл0
Энэ канабисийг биед сайн гээд л сүүлийн үед яриад байх шиг байна. Хамгийн гол нь сүүлийн үед Монголд ихсээд байгаа стресс депресс гэдэд өвчнийг эмчилэхэд өндөр үр дүн өгдөг гэнэ. Энэ талаар сайн мэддэг хүмүүс нь судлана биз. Харин тэр мөс гэдэг юм бол хамгийн адгийн хар тамхи юм гэсэн тэрэнд донтсон хүн бол ерөнхийдөө найдваргүй болсон гэдэг юм билээ. Тэр юмнаас гарч чаддаггүй юм гэсэн.
marijuana chini ih olon taliin ach holbogdoltoi bas ih amarhan urgadag ed. marijuanagaas gargaj avsan tosoor saa tatanga bas cancertai humuust huul undaa idehed ni ih sain. ziaa tegeed ter stressend bol enenees iluu yum barag baihguidee. mongol amerikuudiig dagaj daldaganalgui marijuanag arhi tamhi shig huulchilchih heregtei. buun mungu hiineshuudee. gazar uhaj alt haij baisnaas arav dahin iluu. bas arhi tamhi 2 toi haritsuulah yum bol hunii biyend uchruulah hor urshig ni mash baga.
odoo l ursuhgui bol busad ulsuud ehneesee huulichilaad ehelchlee
Юун сурталчилгаа хийгээд байнаа