sonin.mn
Сэтгэгдэл (0)
Зам тээврийн ослын улмаас өчигдөр нэг хүний амь нас хохирч, 9 хүн хүнд хөнгөн гэмтсэний хоёр нь сургуулийн насны хүүхэд байжээ.
 
Тухайлбал Баянзүрх дүүргийн нутаг Энхтайваны өргөн чөлөө, “Гжель”-ийн хойд замд марк, дугаар толорхойгүй авто машины жолооч нь Нийслэлийн зорчигч тээврийн нэгтгэл ОНӨААТҮГ-ын Maz 215067 автобустай мөргөлдөж зорчигч 15 настай эмэгтэй Б гэмтсэн ба жолооч ослын газрыг орхиж явсан хэрэг гарчээ.
 
Мөн Чингэлтэй дүүргийн нутаг Сурагчийн 49-р гудамжинд Н жолоочтой H.Verna  маркийн авто машин онхолдож жолооч 57 настай эрэгтэй Н –ийн амь нас хохирсон байна.
 
Согтуугаар тээврийн хэрэгсэл жолоодсон нийт 34 жолоочийг өчигдөр илрүүлж, саатуулжээ. 
 
Н.Туяа
 
Эх  сурвалж: “Монцамэ” агентлаг