sonin.mn
Сэтгэгдэл (0)
Улаанбаатар /МОНЦАМЭ/. Баян-Өлгий аймгийн Бугат сумын “Буга” гэдэг газар Өлгий сумын харьяат иргэн Е /35 настай, эрэгтэй/ усанд осолджээ гэж ОБЕГ-аас мэдээллээ.
 
Тэрээр долдугаар 30-ны өдөр амралтанд явахаар автомашинтай гэрээсээ гараад сураггүй болжээ. Улмаар энэ сарын 13-ны өдөр  Ховд голын эргээс автомашиныг нь олсон бөгөөд усанд осолдсон байж болзошгүй тухай дуудлагыг 15 цаг 22 минутад хүлээн авчээ.
 
Тус аймгийн Онцгой байдлын газрын 6 алба хаагч, 1 завь, 1 автомашинтай эрэн хайх ажиллагааг зохион байгуулж 19:10 цагт осолдсон газраас зүүн зүгт 5 км-с цогцсыг олж аймгийн Цагдаагийн газрын жижүүрийн бүрэлдэхүүнд шилжүүлэн өгсөн байна.
 
Ж.Болор
Эх сурвалж: Монцамэ агентлаг