Улсын хэмжээнд 1,500 орчим барьцаалан зээлдүүлэх үйлчилгээ буюу “ломбард” ажиллуулдаг хувь хүн, аж ахуйн нэгж бий. Одоогоор эргэлтийн сангийн хэмжээг зааж өгөөгүйгээс нэг сая төгрөг байвал хэн дуртай нь ажиллуулах боломжтой энэхүү зах зээлийн тоглогчдод хяналт тавьдаг байгууллагагүй, мордох ёстой стандарт нь хуучирсан гээд шийдэх ёстой олон асуудал байна. Нийтдээ 32 тэрбум төгрөгийн эд зүйлс ломбардад эргэлдэж байдаг. Эдгээр нь ихэвчлэн хулгайн эд зүйлс юм.
Хулгайн гэмт хэргийг бууруулах нэг үндэс нь хулгайн эд зүйлсийг худалдаж авдаг зах зээлийг хаах хэрэгтэй. Хулгайн эд зүйлсийг худалдаж авдаг ченжүүд хүний эд зүйлсийг худалдан авч дамлахаас илүүтэй бүтээлч, баялаг бүтээх шаардлага байна. Тиймээс хулгайн эд зүйлсийг авч барьцаалан зээлдүүлэх үйлчилгээ явуулж буй “ломбард”-ны үйл ажиллагааг өөрчлөх, стандартыг шинэчлэх шаардлага бий болсон гэдгийг өчигдөр Нийслэлийн иргэний танхимд болсон Барьцаалан зээлдүүлэх үйлчилгээ эрхлэгчдийн анхдугаар чуулга уулзалтын үеэр хөндөж ярилцсан юм.
Нийслэлд гарч байгаа гэмт хэргийн ихэнхийг хулгайн гэмт хэрэг эзэлдэг. Нэг ломбардад ойролцоогоор 4-5 телевизор байдаг. Хэн ч өдөр тутамд мэдээлэл авдаг эд зүйлсээ ломбардад тавина гэж байхгүй. Харин зурагт, эд зүйлсээ алдсан дуудлага өдөрт ойролцоогоор 10 гаруй ирдэг. Шалгаад, мөрдөөд үзэхээр ломбардад байж байдаг.
Тэгэхээр ломбардын мэдээллийг цахимжуулах нэгдсэн санд нэгтгэх шаардлага гарч байна гэж Нийслэлийн Цагдаагийн мөрдөн байцаах, шалгах хэлтсийн дарга Цагдаагийн хурандаа Б.Даваажав ярьж байв. Барьцаалан зээлдүүлэх үйлчилгээнд мөрдөх MHS5274 2003 оны стандарт байдаг. Өнөөдрийн нөхцөл байдалд тохируулан энэхүү стандартыг шинэчлэх хэрэгцээ шаардлага байна.
Санхүүгийн түргэн тусламж үзүүлдэг барьцаат зээлийн үйлчилгээ нь аль ч улс оронд байдаг. Хамгийн гол нь иргэдийг хохироохгүй байхаар хууль эрх зүйн орчныг бүрдүүлж, стандартыг мөрдүүлэх нь чухал болжээ. Түүнчлэн Барьцаалан зээлдүүлэх үйлчилгээ эрхлэгчдийн эрх ашгийг хамгаалахгүй бол тэд гэмт хэргийн золиос болж байгаа нь энэ салбарын хууль эрх зүйн орчин сул байгаатай холбоотой гэдгийг энэ үеэр хөндөж байв.
Нөгөө талаар нэгдсэн нэг бодлого, тогтсон хүү, хугацааг зааж өгөөгүйгээс зээлийн хүү нь 5-15 хувьтай, 7-10 хоногийн хугацаатай байгаа нь банкны зээлийн сарын хүүгээс илүү байгаа зэрэг нь иргэдийг хохироож байгаа үзүүлэлт гэдгийг дурдав. Тиймээс нэгдсэн мэдээллийн санд оруулж, эмхэлж цэгцэлбэл хулгайн гэмт хэрэг буурч, тогтсон хүү хугацаатай болсноор энэ салбарын хөгжил шинэ шатанд гарна гэж Барьцаалан зээлдүүлэх үйлчилгээ эрхлэгчдийн эрх ашгийг хамгаалах холбооны гүйцэтгэх захирал Ц.Эрхэмбаатар онцолсон.
Уулзалтыг Стандартчилал хэмжил зүйн газар, Нийслэлийн Цагдаагийн газар, Шударга өрсөлдөөн хэрэглэгчдийн эрх ашгийг хамгаалах холбоо хамтран зохион байгуулж байна. Удахгүй “Ломбард”-ын нэгдсэн мэдээллийн санг боловсруулж цахимжуулах юм байна. Уулзалтад 100 орчим Барьцаалан зээлдүүлэх үйлчилгээ эрхлэгчид оролцож стандартад оруулах саналаа хэллээ. Мөн нэгдсэн мэдээллийн санд мэдээллээ оруулахыг дэмжиж байв.
Сүхбаатар дүүргийн “Sovar” ломбардын эзэн Б.Ганзориг “Хулгайн эд зүйл гэдгийг таних боломжгүй. Харин нэгдсэн мэдээллийн сантай болчихвол боломж нэмэгдэнэ. Хулгайн эд зүйл авсан тохиолдолд Цагдаагаас хурааж авдаг. Энэ тохиолдолд ломбард хохироод үлддэг. Мөн ихэвчлэн эвдэрхий утас ирдэг. Стандарт шинэчлэгдвэл эмх замбараагүй энэ олон ломбард цэгцлэгдэж хумигдах нь тодорхой” гэв.
Ц.Баяр
Эх сурвалж: "Зууны мэдээ" сонин
Сэтгэгдэл0
hunii unetei ed zuilsiig asar hymd avaad hugatsaa duussan nereer unetei borluuldag.zarim n ulaan luivarddag sh dee
яг үнэн цэвэр луиварчид бдын бн лээ шүү хүний зовлонгоор амьдардаг хүүрнүүдийг журамлах хэрэгтэй
Мөнгө хүүлэх,Дэнчин шүдэнз дээрэм.Дэлхийн үндсэн 3 шашинд( Христийнхэд 17 зуун хүртэл,Исламд одоо ч гэсэн)хориглодог.Энэ төрлийн дээрэм Монгол Оросд л дэлгэрсэн байдгаас бусад оронд үгүй.Төр засгууд хатуу хянадаг.Pawn shop Баруунд тодорхой газруудад(Их төлөв Азийнхныг доорд үзэн,Европ болох гэж ядацгаах,Женкогийн төрөл садан Оросуудын мөргөж үхэлддэг Хар Халтаруудын гэмт хэргийн үүр болсон балгасан хорооллуудад цөөн тоогоор цагдаагийн хатуу хяналтанд)ажилладаг. Монголд бидийг доорд үздэг Оросын биш Дэлхийн жишгээр ийм газруудыг ажиллуулах цаг болсон. Байрлаж болох газруудыг эрс хязгаарлах ёстой. Сургууль цэцэрлэг дэлгүүр,олон нийтийн газруудаас хол байлгаж яагаад болдоггүй юм? Бүгд камертай тэр нь Цагдаад холбогдсон байх ёстой. Мэдээж хүүг улсаас тогтооно.Завханыхны Начин Заан ч гэх шиг Монголд Дэнчин шүдэнзийн дээрэм сүлжээ болтлоо олширсон нь Төрийн буруу.
Ломбарын эзэн Ганзориг бөгс нь улайхгүй худлаа ярьж байна.Мөнгө цагаан Нүд улаан ломбардынханд ёс зүйтэй хүмүүс ажиллах боломж 100% байхгүй. Хулгайн юм авчихаад хохироод үлддэг гэчихжээ. Ломбард үүний тулд эрсдэлийн сантай байх ёстой. Эд барааны үнийг 100-1000 дахин буулгаж авдагаа ярихгүй яагаад мартаа юм бол өмхий цус сорогч бясаа.Ганзоригууд эвдэрхий утас аваад хохирдог гэдэгт та нар итгэж байна уу? Тэгээд ч эвдэрхий ганц нэг юм аваад хохирдог бол өөрсдийнх нь хариуцлага.
Toriin buruu... Yamarch zohitsuulalt bhgui. Zugeer l yadarsan mongo yaraltai hereg bolson gtslehhumuusiig shulj bdag hamgiin bohir argaar amidaragch nar...Yaraltai tseg tavih heregtei. Muuhai sanaa zovdoggui shunaltanguudiig holsoo gargaj mongo oldog ajild oruul.
Ene baliar shulagchiin uilchilgeeg tas zogsooh heregtei. Hunii zovlongoor toglodog gazar. Yg hulgaichtai taarsan uilchilgee.
Гар утас барьцаалахаа болчих тэгэхэд америкт бас ломбард олон байдаг тэнд дандаа унэтэй эдлэл тавиад зээл авдаг тэнд камер хамгаалалттай яг банк шиг , бур барилга дээрээ америкийн далбаатай байдаг
дотроо камергүй цахим бүртгэлд холбогдоогүй ломбардуудыг шалгах хэрэгтэй.