Сэлэнгэ аймгийн Мандал суманд мал, амьтны гоц халдварт шүлхий өвчин гарсантай холбогдуулан нийслэлд зөөвөрлөгдөн орж ирэхээс урьдчилан сэргийлж нийслэлийн Онцгой комиссоос Шижир, Ар гүнтийн даваануудад хяналтын пост ажиллуулах шийдвэр гаргалаа. Шийдвэр гарсан даруй Сонгинохайрхан, Чингэлтэй дүүргийн холбогдох мэргэжлийн байгууллагууд хамтран постуудыг байршуулан үйл ажиллагааг эхлүүлээд байна.
Иргэд Сонгинохайрхан дүүргийн 22 дугаар хороо Шижирийн даваа, Чингэлтэй дүүргийн 19 дүгээр хороо Ар гүнтийн даваагаар Улаанбаатар хотод нэвтрэх замын хөдөлгөөн нэмэгдэж, автомашинтай иргэд маршрутын бус замаар явж Улаанбаатар хотод шүлхийн вирусыг тээвэрлэн орж ирж болзошгүй тул урьдчилан сэргийлэх чиглэлээр шаардлагатай арга хэмжээг авч байна гэж нийслэлийн Онцгой байдлын газраас мэдээллээ.
Сэтгэгдэл0
Гүнтийн даваа гэж өвлийн цас, зуны бороонд мөнхийн гулгаатай, ар өвөр аль ч талаасаа огцом өгсүүр айхтар даваа байдаг даа. Манай замынхан яахав тунель зохиож яадах биш огцом өгсүүр дээр нь ганц мэддэгээрээ шороон хучилт тавьсан болсон, өнөөх нь арчилгаа байхгүй ээ, зун нь хагарч бутраад энхэл догол, өвөл нь нэл гулгаа. олон жолоочийн цагийг барсан нөхдүүд энэ замын зураг зохиогчид, бас арчилгаа хариуцсан малууд.