Төв аймагт гэр бүлийн хүчирхийллийн улмаас 27 иргэн гэмтжээ

Нийтэлсэн: 2017-12-04 10:45:27

Төв /МОНЦАМЭ/. Аймгийн хэмжээнд энэ оны эхний 10 сарын байдлаар 29 гэр бүл хүчирхийлэл үйлдэгдсэнээс 30 хүн сэтгэл санаа, бие махбодоор хохирч, 27 нь гэмтжээ. 
 
“Хүчирхийллийн эсрэг хамтдаа нэгдье” 16 хоногийн аяны хүрээнд Хүчирхийллийн эсрэг үндэсний төвийн Төв аймаг дахь салбараас Гэр бүл, хүүхэд залуучуудын хөгжлийн газар, “Зөв залуус” клуб, “Дэлхийн зөн” ОУБ-тай хамтран охид, эмэгтэйчүүдийг хүчирхийллээс ангид байлгах зорилготой 30 гаруй аав нэгдэн “Сайн аав” сургамжит уулзалтыг аймгийн Хүүхэд, залуучуудын ордонд зохион байгуулав.
 
Насанд хүрэгчид ба хүүхдүүдийн жендэрт суурилсан хүчирхийллийн хэлбэрүүд шалтгаан нөхцөл байдлын талаарх ойлголт мэдлэгийг нэмэгдүүлэх, гэмт хэрэгтэй тэмцэх салбар зөвлөлийн үйл ажиллагаа болон  жендерийн эрх тэгш байдлыг хангах аймгийн хөтөлбөрт тодорхой ажлуудыг тусгуулан хэрэгжүүлэхэд аяны зорилго оршиж байгаа гэж аймгийн Хүчирхийллийн эсрэг хөтөлбөрийн зохицуулагч Л.Оюунчимэг  хэлсэн юм.
 
Аяны хүрээнд аавууд хүүхэд, охид, эмэгтэйчүүдээ хүчирхийллээс хамгаалж үргэлж хүндэтгэн хайрлахыг бусад аав нарт уриалах үүднээс сургамжит уулзалтыг зохион байгуулсан гэдгийг зохион байгуулагчид онцолж байв.
 
 
Т.Есүхэйтөмөр
Эх сурвалж: "Монцамэ" агентлаг
СУРТАЛЧИЛГАА :

4 сэтгэгдэл харуулж байна        

  1. Гэр бүлийн хүчирхийлэл цаашид байсаар байх даа

    Зочин, 2017-12-04 12:21:24, 202.9.43.172Хариу бичих

  2. Таны нэр:

    Тайлбар:

  3. Оффшорчид өөрсдөөсөө анхааралыг холдуулах гэж гэр бүлийн хүчирхийлэлийг дэвэргэж байна. Газрын наймаачид, "60 тэрбум"-ынхны халхавч юм уу даа.

    Дэвэргэж байна., 2017-12-04 13:58:17, 122.201.21.140Хариу бичих

  4. Тийм байна. Бас Японы манай сумочдыг зодолдуулж анхаарал сарниулж байна. Бас өнөөдөр өглөө 3н монгол метронд зодолдох гэх мэтээр аймар нарийн ажиллагаа хийж байна.

    Зочин, 2017-12-04 14:38:05, 139.5.219.161

    Тэгээд өнөөдөр орой эхнэрээ зодчоод, "60 тэрбумынхан хийсэн" гэж эхнэртээ ойлгуулна.

    Зочин, 2017-12-04 14:39:17, 139.5.219.161

    Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: