Улаанбаатар /МОНЦАМЭ/ Нийслэлийн Баянзүрх дүүргийн Засаг даргын Тамгын газрын дарга А 2018 оны 07 сарын 31-ний өдөр ажлын байран дээрээ бусдад хутгалуулсан хэргийг Баянзүрх дүүрэг дэх цагдаагийн нэгдүгээр хэлтэст шалгаж байна. Уг хэрэгт холбогдогчийн талаар тодрууллаа.
Хэрэгт тус дүүргийн харьяат, 1954 онд төрсөн, эрхэлсэн тодорхой ажилгүй, эрэгтэй И-г холбогдуулан шалгаж байгаа бөгөөд уг этгээд дүүргийн ЗДТГ-ын нарийн бичиг эмэгтэйн өрөөнд орж ирээд маргаан дэгдээж, биед нь халджээ. Улмаар энэ асуудлыг намжаах гэсэн ЗДТГ-ын дарга А-тай маргалдаж, хэвлийд нь хутгалж гэмтээсэн гэдгээ мэдүүлсэн байна. Мөн гэмт хэрэгт холбогдогч этгээд “Миний хүргэн дүү дүүргийн хот тохижилтын газар ажилладаг. Би тагнуулч хүн учир биеэ хамгаалахаар хутга авч явдаг” зэргээр мэдүүлжээ. Харин түүний дүү Б “Манай хамаатнуудаас дүүргийн хот тохижилтын газар ажилладаг болон ажиллаж байсан хүн байхгүй. Манай ах хэд хоногийн өмнөөс өвчин нь хөдлөөд янз бүрийн юм ярьдаг нь эхэлсэн. Бас утга нь ойлгомжгүй юм бичээд байдаг юм. СЭМҮТ-д эмчийн хяналтад ороод олон жил болж байгаа” гэдэг тайлбарыг өгчээ. Холбогдогч этгээдийн авч явсан утга тодорхой бус үгстэй лоозон, сэтгүүл, “Би Монгол хүн, Трам” гэх мэт үгтэй цаас тогтоосон малгай зэргийг нь эд мөрийн баримтаар хураан авчээ.
Гэмт хэргийн холбогдогч И нь “Шезофрени” өвчний учир Сэтгэцийн эрүүл мэндийн үндэсний төвийн их эмчийн хяналтад байдаг, уг өвчний улмаас хөдөлмөрийн чадвар алдалттай этгээд аж. Хохирогч А Цэргийн нэгдсэн госпиталд хэвтэн эмчилгээ хийлгэж байна.
Ж.Батсайхан
Эх сурвалж: Монцамэ агентлаг
Сэтгэгдэл0
Энэ сэтгүүлч шизофрени гэдгийг шизопрени гэж бичдэг хүн юм уу даа. Хаха
Сайн хараарай даа хө
Монголоор дүүрэн шизотой гарууд байна доо,УИХ-д ч ялгаагүй харах царайны сэтгэцийн өөрчлөлттөй гарууд зөндөө л байна даг.....
Ийм хүмүүс чинь фейсбүүкээр пиг дүүрэн байдгын шдээ. ямар ч мэдлэг мэдрэмж байхгүй, логик гэдгийг ойлгодог ч үгүй гарууд жоом шиг язганаж байгаа
хутгалуулсан хүний зөв болгох гээд мөнгө өгч ийм тайлбар мэдээ бэлдсэн биш бгаасай
Сэтгэц мэдрэлийн өвчтэй хүмүүс ийм цөвүүн цаг үед улам олширдог. Гудамж, талбайг ашиглан орилж хашгирсаар байгаад УИХ болон төр, засгийн албанд орсон баагийнууд бол цөм тодорхой хэмжээний шизофренитэй нөхдүүд. Тэр нь үе үе хөдөлж хэвлэл мэдээллийн хэрэгсэл ашиглан солиорно. Нэг хэсэгтээ ийм баагийнуудаас салахгүй байх.