ЛОНДОН. /TASS/. НАТО-гийн 70 жилийн ойд зориулан Их Британийн нийслэл Лондон хотод зохион байгуулсан Умард Атлантын тус гэрээний байгууллагын гишүүн 29 улсын удирдагчдын дээд хэмжээний уулзалт лхагва гарагт дууслаа.
Лондоны дээд хэмжээний уулзалтын үеэр НАТО-гийн удирдагчид батлан хамгаалахын зардлыг 2024 он гэхэд төлөвлөсөн ёсоор 400 тэрбум ам.доллар болгож нэмэгдүүлэхээр тохиролцжээ. Тус байгууллагын гишүүн орнууд аюулгүй байдалд нь учирч буй гол аюулуудын нэгээр ОХУ-ыг дахин нэрлээд, тус улсыг тогтоон барихад болон яриа хэлэлцээгээ сайжруулахад хүчин чармайлт гаргахыг уриалсан байна.
НАТО-гийн түүхэнд анх удаа Хятад улсын зүгээс учирч буй аюул заналыг дээд хэмжээний уулзалтын түвшинд хэлэлцлээ. Түүнчлэн сансрын орон зайг НАТО-гийн үйл ажиллагааны бүс гэж хүлээн зөвшөөрөх тухай Умард Атлантын зөвлөлийн шийдвэрийг Гадаад хэргийн сайд нарын түвшинд батлав.
НАТО-гийн удирдагчид бат бөх эв нэгдлээ зарлан мэдэгдсэн боловч байгууллага дотор өсөн нэмэгдэж буй хямралыг шууд бусаар хүлээн зөвшөөрч, НАТО-г шинэчлэх гарц шийдлүүдийг судалж эхлэхийг Ерөнхий нарийн бичгийн дарга Йенс Столтенбергт үүрэг болгожээ.
Д.Жаргал
Эх сурвалж: Монцамэ агентлаг
Сэтгэгдэл0
Эд цэргийн төсвөө нэмэж яах гэж байгаа юм бол? Дайн өдөөх, тонон дээрэмдэх ажилдаа бэлтгэж байгаа юм байх даа. Дэлхий нийтийн хамаг баялгийг сорж мөлжих гэсэн баруууны мөнгө хүүлэгч, санхүүгийн эзэд улс орнууд эв найртай, амар амгалан амьдрах гэхээр л байж ядаад явчих юм даа.
ХООРОНДЫН ХЯМРАЛАА ДАРАХЫН ТУЛД ОХУ, ХЯТАД ГЭЖ ХОЁР ХАДНЫ МАНГААГИЙН ЭСРЭГ НЭГДЭЕ ГЭСЭН ЮМ БИЗДЭЭ. ТЭГВЭЛ ЭСРЭГЭЭР ХЯТАД ХУДАЛДААНЫ ХОРИГ ТАВЬЧИХВАЛ ЭДГЭЭР 29 ОРОН БҮГД ТУРЖ ҮХНЭ ДЭЭ.