sonin.mn
Сэтгэгдэл (0)

Швейцарийн хууль санаачлагчид АНУ-ын албаныханд татвараас зайлж бултдаг архаг хууль зөрчигчдийг илрүүлэх шинэ төлөвлөгөө боловсруулснаа өргөн барьжээ. Улсаас авах үйлдвэрлэл үйлчилгээ эрхэлж буй, ажил хөдөлмөр эрхлэгчдээс иргэний үүргээ биелүүлдэггүй хүмүүсийг илрүүлэхэд энэ төлөвлөгөөний зорилго оршиж байгаа аж.

Швейцарийн албаныхны мэдээлж буйгаар "АНУ-ын эрх баригчид татвараас бултагчдыг илрүүлэхээр "Credit Suisse", "Julius Ваег" зэрэг нийтдээ 11 банкинд судалгаа шалгалт хийж байгаа. Харин энэ нь тийм ч амжилтгай бус байгаа. Хэрвээ АНУ-ын албаныхан татвараас зайлагсдыг таньж тогтоон илрүүлж чадахгүй байгаа бол Швейцарийн төлөвлөгөөг батлах нь зүйн хэрэг" хэмээн үзэж байна.

Тэдний хэлж буйгаар уг төлөвлөгөө нь эдийн засгийн байдлыг сайжруулан, санхүү аж үйлдвэрийн ирээдүйг батжуулахад чиглэж байгаа аж. Швейцарийн доод танхим өнгөрсөн арванхоёрдугаар сард энэ төлөвлөгөөг өргөн барьсан аж. Харин өнгөрсөн долоо хоногт дээд танхимд өргөн барихаар шийджээ. Доод танхимын 110 хүний 56 нь саналыг дэмжсэн байна.

Эхний ээлжинд хоёр орны хамтын ажлын хүрээнд гэр бүлээрээ татвараас зугтдаг иргэдийг олохыг эрмэлзэж байгаа юм. Гэвч одоогоор АНУ-ын Засгийн газраас энэ талаар хараахан хариу мэдэгдэл хийгээгүй байна.

Эх сурвалж: "Санхүүгийн мэдээ"