БНХАУ-ын ерөнхийлөгч Ши Жиньпин, ОХУ-ын ерөнхийлөгч Владимир Путинтэй энэ онд олон улсын олон үйл ажиллагааны үеэр уулзахаас гадна гурван удаа ганцаарчилсан уулзалт хийхээр төлөвлөж байна гэж Бээжинд суугаа ОХУ-ын Элчин сайд Андрей Денисов мэдээлжээ. Тэрээр “БНХАУ-д үүсээд байгаа халдварт өвчний нөхцөл байдал хэвийн байдалдаа орно. Мөн тавдугаар сард Москвад фашист Германыг ялсаны 75 жилийн ойн үеэр талуудын гол ажиллагаа ерөнхийлөгч Ши Жиньпин оролцсоноор эхэлнэ гэж найдаж байгаагаа илэрхийлсэн байна.
Түүнээс гадна дээд түвшний гурван уулзалтыг хийнэ. Тодруулбал, хоёрыг нь ОХУ-д, нэгийг нь БНХАУ-д хийнэ. Эхний уулзалт тавдугаар сарын 9-нд Ялалтын баяраар, дараагийнх нь долдугаар сарын сүүлээр ерөнхийлөгч Ши Жиньпинийг оролцоно гэж найдаж байгаа Санкт-Петрбург хотод болох Шанхайн хамтын ажиллагааны чуулганы үеэр болно гэж Андрей Денисов Дипломат албаны өдрөөр ОХУ-ын олон хэвлэлд өгсөн ярилцлагынхаа үеэр дурджээ. Андрей Денисов энэ жилийн хоёрдугаар хагаст ерөнхийлөгч Владимир Путин БНХАУ-д айлчлахаар төлөвлөж байгааг сануулсан байна.
Х.Оюунболд
Эх сурвалж: “Зууны мэдээ” сонин
Сэтгэгдэл0
Хятадын буцалтгүй тусламж, урт хугацааны хөнгөлөлттэй зээл, хөрөнгө оруулалтын цаана Хятадын зөөлөн хүчний бодлого үргэлж нуугдаж байдаг. Сонголтгүй, бодлогогүй улс л түүний золиос нь болдог. Хятад улс Африк тивийг аль хэдийнээ зөөлөн хүчний бодлогоор уусгаж авчээ. Одоо Хятадууд Европ тивийг зөөлөн хүчний бодлогоор уусгаж авахыг оролдож байна. Европын мэргэжилтнүүд Европын улс орнуудын эдийн засаг хятадуудын гарт орох вий гэж болгоомжилж буйгаа мэдэгджээ. Хятадууд Европын улс орнуудад тусламж үзүүлэх гэж улайрч буй нь олон шалтгаантай. Нэгдүгээрт тэд Европын эдийн засаг дахь нөлөөгөө тэлэхийг хүсч байна. Хоёрдугаарт тэд компаниудаа Хятадын зах зээлд олноо гаргахыг хүсч ийм алхам хийж байгаа нь гарцаагүй. Тиймээс хятадуудын үйлдэлд Европчууд тэгтлээ баярлах хэрэггүй. Хятадын эрх баригчид илүү их ашиг хайж үүнийг хийж буй нь тодорхой тул ирээдүйд тэдний тусламж хөрөнгө оруулалтаас аль болох татгалзах хэрэгтэй.