sonin.mn
Сэтгэгдэл (0)
ПЁНЬЯН. /TASS/. БНАСАУ-ын удирдагч Ким Жөн Ун ОХУ-ын үндэсний баярыг тохиолдуулан тус улсын Ерөнхийлөгч Владимир Путинд баярын цахилгаан илгээлээ гэж  Солонгосын төв цахилгаан мэдээний агентлаг мэдээлжээ.
"БНАСАУ-ын Төрийн зөвлөлийн дарга, нөхөр Ким Жөн Ун ОХУ-ын Ерөнхийлөгч Владимир Путинд тус улсын үндэсний баярын өдрийг тохиолдуулан мэндчилгээ илгээлээ. Илгээлтдээ тэрбээр ОХУ-ын Ерөнхийлөгч, Засгийн газар, ард түмэнд БНАСАУ-ын Засгийн газар, ард түмний нэрийн өмнөөс халуун баяр хүргэлээ" гэж тус агентлагийн мэдээнд дурдсан байна.
 
 
 
"Оросын ард түмэн Ерөнхийлөгчийнхөө эрч хүчтэй удирдлага дор аливаа бэрхшээл, сорилтыг даван туулж, цэцэглэн хөгжсөн хүчирхэг Орос улсыг байгуулахын төлөө ихээхэн амжилтанд хүрсэн бөгөөд энэ амжилтад Солонгосын ард түмэн чин сэтгэлээсээ баяртай байна” гэж баярын цахилгаанд дурдсан байна. Үүний зэрэгцээ Ким Жөн Ун "БНАСАУ, ОХУ-ын эртний үнэт уламжлалт найрамдалт харилцааг шинэ эрин үеийн шаардлагад нийцүүлэн цаашид улам бэхжүүлэн хөгжүүлэх хоёр ард түмний  хүсэл эрмэлзлийг" онцлон тэмдэглэжээ. 
 
 
 
Түүнчлэн Ким Жөн Ун В.Путинд эрүүл энх, ажил хөдөлмөрт нь улам их амжилтыг, харин Оросын ард түмэнд сайн сайхан, хөгжил цэцэглэлтийг хүсэн ерөөсөн байна.
БНАСАУ-ын удирдагч баярын цахилгаандаа мөн В.Путинтэй 2019 оны дөрөвдүгээр сард Владивостокт хийсэн уулзалтыг дурсаад, энэхүү дээд хэмжээний уулзалтын үеэр хүрсэн хамтарсан тохиролцоог хоёр улсын стратегийн болон уламжлалт найрамдалт харилцааг идэвхтэй хөгжүүлэхийн тулд  заавал хэрэгжүүлнэ” гэж цохон тэмдэглэжээ.
 
 
Д.Жаргал
Эх сурвалж: Монцамэ агентлаг