ТОКИО. /Asahi/. БНАСАУ-ын удирдагч Ким Жөн Ун нэгдүгээр сард болох Солонгосын Хөдөлмөрийн намын их хурлын үеэр генералиссимус цол авч магадгүй гэж БНСУ-ын тагнуулын байгууллага мэдээлжээ.
Японы "Asahi" сонинд мэдээлснээр, Өмнөд Солонгосын тусгай албаны удирдлагууд 11 дүгээр сарын 3-ны өдөр хийсэн хаалттай хуралдаанаар парламентынхаа депутатуудад ийм мэдээлэл өгчээ. БНАСАУ-ын удирдагч Ким Жөн Ун одоогоор маршал цэргийн цолтой байна.
Үүний зэрэгцээ, 17 орчим жилийн турш БНАСАУ-ын дээд удирдагчид байсан түүний өвөө, БНАСАУ-ыг үндэслэгч Ким Ир Сен (1915-1994), түүний эцэг Ким Жөн Ир (1941-2011) нар генералиссимусууд байв.
Арваннэгдүгээр сарын 3-нд болсон хаалттай хуралдаанаар Өмнөд Солонгосын тагнуулын байгууллагын удирдлагууд мөн Ким Жөн Уны эмэгтэй дүү, Солонгосын Хөдөлмөрийн намын Төв Хорооны зохион байгуулалтын хэлтсийн нэгдүгээр орлогч дарга Ким Ё Жоны нөлөө улам бүр нэмэгдэж байгаа талаар депутатуудад мэдээлжээ. Тусгай албаныхны мэдээлснээр, тэрбээр 10 дугаар сарын 10-нд тэмдэглэсэн Солонгосын Хөдөлмөрийн намын 75 жилийн ойд зориулсан бүх үйл ажиллагааг удирдан явуулсан байна. Удахгүй нэгдүгээр сард болох намын их хурлын үеэр Ким Ё Жоны эрх мэдлийг улам өргөжүүлж магадгүй гэж Өмнөд Солонгосын тагнуулууд үзэж байгаа аж.
Д.Жаргал
Эх сурвалж: "Монцамэ" агентлаг
Сэтгэгдэл0
ажлаа хийчихдэг хvнд нэг муу цол зэрэг хайран биш!! Ямар манай Улсын Баатар VVлэн vст шиг манай улсыг нурааж хурааж хулгайлж дуусгасан биш!!
За бага шиг балайраарай....дургүй бол хойт Со руугаа зайлаарай
Балайраад байлгүй хойд солонгос луугаа зайлаач Тэнд ингээд сэтгэгдэл бичих нь битгий хэл чамд комъютерч олдохгүй.Олдсон сэтгэгдэл бичих сайт байхгүй,байсанч чи юм бичээд маргааш нь шууд алуулсан хэ хэ
Дажгүй эх оронч эмэгтэй харагдсан шүү юун Хүрэлсүх түүний хажууд жижигхээн коммунист.