Орон сууцтай болохыг хүссэн хүн бүрт хүлээлт болоод байсан ипоте­кийн зээлийг өчигдрөөс олгож эхэллээ. Энэхүү зээлийг иргэд хэрхэн сонирхож, банкууд ямар үйл ажиллагаа явуулж байгааг сонирхож “Голомт”, “ХААН”, “Хас”, “Хадгаламж”, “Төрийн банк”, “Худалдаа хөг­жил” банкуудаар орсон юм.

Дээрх  банкууд үйлчлүүлэг­чиддээ гарын авлага тарааж өгч байлаа. Иргэд зээлийг ихэд сонир­хож бай­гаа бололтой харил­цах цонх жирийн өд­рүүдээс илүү дараалалтай байв.

Энэхүү зээлийн талаар “Голомт” банкны дэд захирал, Иргэдийн банкны газрын захирал Б.Энх-туяа­гаас тодруулга авсан юм.


-Зээлийг хүмүүс хэр их сонирхож байна вэ?

-“Голомт” банкын  91 сал­бар үйлчлүүлэгчиддээ гарын авлага тарааж, сонирхсон иргэдэд зөвөлгөө өгч байгаа. Зээл өнөөдрөөс эхэлж байгаа гэдэг утгаараа хүмүүс нэлээд их сонир­хож  ирж байна. Гэхдээ нэг их дараа­лал үүсгээд үйлчилгээ удаашраад байгаа зүйл одоогоор байхгүй байна.


-Танай банк зээлийг хэр удаан хугацаанд олгох вэ?

-Засгийн Газар, Монгол банк бодолгоор ипотекийн зээлийн төслийг тогтвортой тогтолцоо бий болгох хэрэг­тэй гэж үзэж байгаа. Явцын дунд зээлийн хүү нэмэх, хасах гэж өөрчлөгдөх магадлалтай. Зээлийн хугацаа урт байх тусам эх үүсвэр дуусна гэсэн зүйл байхгүй. Энэ тогтолцоо нь зээл хоорондын уялдаа холбоо байх юм.

 

-2014  оноос  инфляци   зур­гаан хувьд  хүрнэ гэж Монгол  банкны  ерөн­хий­лөгч Н.Золжаргал хэл­сэн. Танай банкны тоо­цоолс­ноор?

-“Монгол банк”, “Дэл­хийн банк” макро эдийн засгийн судалгаа, эдийн засгийн эрсдэлийн мэргэжилтнүүдтэй. Тиймээс бид­ний тооцоолсонтой нэг их зөрөөд байх зүйлгүй. Инфляцийг буруулах, үнийг тогтвор­жуулах олон төсөлт ажил хийж  байгаа учраас зөрөхгүй байх.

Хүн бүхэн сайхан амьдрахыг  хүсдэг.  Түүнийхээ хээрээр хөдөлмөрлөх хэрэг­тэй гэдгийг энэхүү зээлийн төсөл мэдрүүлж өгч байна. Хөдөлмөрийн  үнэ цэнийг ойл­гуулахын  тулд ипотекийн зээл хэрэгжиж орон сууцтай болох боломж газар авч эхэллээ.

Харин зээл сонирхсон үйлч­лүүлэгч нар ийнхүү ярьж байлаа.

Дал дөхөж яваа эмээ “Хоёр хүүгээ орон сууцтай болгоод өгчихвөл сайхан л байна. Тэтгэврийнхээ хэдийг цуглуулвал авч болох уу” гэж асууж байв.

Гэвч ипотекийн зээл хатуу шалгууртай гэж хэлж болно. Олон жилийн бага хүүгээр орон сууцтай болох боломжтой ч нэг өрхийн сарын  орлого саяас доошгүй байх ёстой.

Ихэнх банкууд  ипоте­кийн зээлдээ анхаарал хан­дуулж сайн зөвөлгөө өгч бай­гаа харагдлаа. Эхнээсээ бичиг баримтаа бүрдүүлж ирж  байгаа хүмүүс ч цөөнгүй байна.

Магадгүй 2020 он гэхэд гэр хороолол, агаарын бохирдол гэх асуудалгүй өндөр, өндөр барилга орон сууцтай нийслэл Улаанбаа­тар сүндэрлэх биз.

Барилгын компаниудын чанар стандартыг давхар хэмжих энэхүү зээлийн төсөл Монголын  хууль гурав хоног гэдэг шиг замхаран алга болохгүй гэдэгт найдаж байна.   

Хадгаламж банкны үйлч­лүүлэгч Л.Бадмаарагийн энэхүү зээлийн талаарх санал сэтгэгдлийг нь хүргэе.


-Танд ипотекийн зээл боломжийн  санагдаж  бай­на уу?

-Гайгүй боломжийн санагдаж байна. Одоо бичиг баримтаа бүрдүүлэх гээд явж байна.


-Энэхүү зээл таны амьдралд хэр ашиг тустай вэ?

-Их ашиг тустай. Ялан­гуяа  өнөөгийн  нийгэмд шууд бэлэн төлбөрөө хийгээд орон сууц худалдаж авах амархан биш. Тиймээс залуу насан дээрээ өөрийн гэсэн орох оронтой болно. Өөр олон хүнд ч ашиг тустай гэд­гийг хожим бодогдуулах байх.

Ипотекийн  зээл  улс орны инфляци тогтворжиж, эдийн засаг хөгжиж, ард иргэдийн амьдрал дээшилж, банкууд эрсдэлгүй болох биз.  Ийнхүү хатуу шаард­лагыг тавьсан ч залуу хүмүүсээс их хөдөлмөр шаард­сан энэхүү нүдээ олсон төсөл айл гэр бүрийг орон сууцжуулж чадна гэдэгт итгэж байна.


Эх сурвалж: