sonin.mn
Сэтгэгдэл (0)

Баянзүрх дүүргийн 25 дугаар хороо, “Ногоон төгөл” хотхоны дэргэд байсан төмөр сууц (вагончик) өнгөрсөн даваа гаригийн үдэш шатаж, галын улмаас нэг хүн газар дээрээ амиа алджээ. Баянзүрх дүүргийн Цагдаагийн I хэлтсийн эх сурвалж “Галын шалтгаан нөхцөлийг хараахан тогтоогоогүй байна. Галын улмаас 40 гаруй насны эмэгтэй нас барж, 32-43 насны дөрвөн хүн түлэгдсэн.

Үлдсэн хүмүүсийг ГССҮТ-ийн Түлэнхийн төвд хүргэсэн, бүгдээрээ Эрчимт эмчилгээний тасагт эмчлүүлж байгаа. Шатсан сууц хэнийх болох нь тодорхойгүй. Бид эрүүгийн хэрэг үүсгэн шалгаж байна” гэв. ГССҮТ-ийн Түлэнхийн төвийн эх сурвалж “Нэг эмэгтэй нь бараг 100 хувийн түлэгдэлттэй бие нь маш хүнд байгаа. Бид шаардлагатай эмчилгээ хийж байна. Бусад нь ч ялгаагүй хүнд байгаа” гэлээ.

Э.Сүрэн