УИХ-ын чуулганаар Засгийн газрын гишүүдийн давхар дээлийг тайлах асуудал тав хоногийн завсарлага авлаа. Нийгэмд хүлээлт үүслээ. Нэн тааламжтай байгаа хүмүүс бол МАН-аас УИХ-д сууж буй 20 гаруй гишүүн, том дарга байсан эрхмүүд, хуучин ху намын улаан фанатууд байх шиг байна.
Энэ намд, эдгээр хүмүүст энэхүү Засгийн газрыг огцорсноор улс оронд ямар их хор хохирол авчрах тухай бодохыг ч хүсэхгүй байна. Сонгуулийн ялагдал нь л нүдэнд нь харагдаж, сэтгэлээс нь гарахгүй хорссоор байна. Тав хоногийн завсарлага нь МАН-д тун хожоотой хэмээн тэд үзэж байна.
Яагаад гэвэл энэ намынхны зүгээс Засгийн газар унах нь, унахгүй нь, ардчиллынхан ийм хор найруулж байна, Засгийн газрыг солихгүй бол ирэх сараас эхлэн төрийн ажилтнуудынхаа цалинг ч тавьж өгч чадахгүйд хүрэх нь гэхчлэн есөн шидийн яриаг нийгэмд тарааж байх нь хийх ажилгүй МАН-ынханд гоё байгаа бололтой.
Энэхүү пиарын арга нь хамгийн ужиг, амь бөхтэй, хүний сэтгэхүйд гүн бат нөлөөлдөг билээ. Энэ тав хоногт МАН-ынхан мөн ч олон хар мессеж нийгэмд тараана даа.
Өнөөдрийн байдлаар л лав гадаадын хөрөнгө оруулагчид болгоомжлоод эхэлчихлээ. Энэ улс орны доторх бүх хөгжил хөдөлгөөн, гадаад дотоод нөхцөл байдал зогсонги байдалд орж, тийм нэг хөшүүн хойрго, бүрхэг улс орны дүр зураг бий боллоо.
Ийм байдлыг улам өдөөж, эх оронч царайлсан МАН-ынхан Засгийн ордон тойрон жагсаж, орой үдэшгүй мэдээллийн хэрэгслүүдээр "Улс орон сүйрч байна" хэмээн ухуулж, цахим ертөнцөөр ардчиллыг зүхэж эхэллээ.
МАН үнэхээр энэ улс орны төлөө санаа зовж байгаа улс төрийн хүчин үү. Тийм бол энэхүү давхар дээлийн асуудлыг эрт шийдчих боломжтой байсан шүү дээ. Их хурлын гишүүн-Засгийн газрын гишүүн давхар хийж байсан 11 хүн өнөөдөр УИХ-д сууж байна.
Тэд өнөөдөр гол дүрд тоглон "Давхар дээлтэй байх нь бузар хэрэг" хэмээн ярьцгааж байна. Эдгээр 11 хүн энэхүү дан-давхар дээлийг ярих нь инээдтэй харагдаж байгаа юм. Дэндүү увайгүй харагдаж байна шүү дээ. Өөрсдөө хоёрхон жилийн өмнө УИХ-ЗГ-ын гишүүний албыг давхар хашин даналзаж байсан атлаа хэдхэн сарын дараа төрөл арилжсан юм яриад байх чинь улстөрч биш улс орныг сүйрүүлэгчийн дүр төрхтэй харагдаж байна шүү дээ.
УИХ-ын гишүүн Су.Батболд малын эмч мэргэжилтэй атлаа ХЗДХ-ийн сайд хийж даналзсан. Тэр үедээ давхар дээлийн тухай бодож байсан болов уу. Сү.Батболд гишүүн Гадаад хэргийн сайд, Ерөнхий сайд гэхчлэн давхар дээлийг бүр гурав, дөрвөөр нь давхарласан. Ц.Нямдорж гишүүн бүтэн 20 жил УИХ-ын гишүүн-ХЗДХ-ийн сайдын албыг давхар хашсанаараа бараг Гиннесийн номд бичигдэнэ дээ, сүүлийн хоёр жил нь дан дээлтэй байгаа байх.
Д.Хаянхярваа хоёрхон жилийн өмнө Сангийн сайд-УИХ-ын гишүүн байсан. Ч.Хүрэлбаатар гишүүн ЗГХЭГ-ын дарга, Монгол Улсын сайд байлаа. Ж.Энхбаяр нь БХ-ын сайд-УИХ-ын гишүүн байлаа. Ц.Дашдорж БХБ-ын сайд-УИХ-ын гишүүн байв. Д.Дэмбэрэл дарга чинь НХ-ын сайд-УИХ-ын гишүүн хүн. М.Энхболд дарга бол Их хурлын гишүүн-Шадар сайд байв.
За тэгээд С.Баяр, Ө.Энхтүвшин, Ц.Цэнгэл, Г.Занданшатар, Даш.Зоригт, Ц.Мөнх-Оргил, Д.Одбаяр... дуусахгүй үргэлжилнэ дээ, энэ намын давхар дээлтэй байсан гишүүдийг тоочвол. Бараг УИХ-д сонгогдсон бүгд нь Засгийн газрын гишүүнийг хийж үзэцгээсэн. Хоёрхон жилийн өмнөх хэрэг явдал ийм. Өнөөдөр тэгсэн тийм байгаагүй юм шиг загнацгааж байна. Ард түмний ой санамж устсан гэж бодоогүй байгаа. МАН-ынхан Засгийг давхар дээлтэй барьж болдог, бусад нь болдоггүйд л асуудлын гол нь байна.
Ингэхээр л МАН-ын өнөөдрийн давхар дээлийг тайлуулах гэсэн тэмцэл нь худлаа харагдаж байгаа юм. Дээр нь нэг сонин юм хэлэхэд хэрэвзээ өчигдрийн УИХ-ын чуулганаар Засгийн газрыг огцруулсан бол МАН-ынхан уурлах байлаа.
Яагаад гэвэл янаглан хорлож чадсангүй, АН-ыг нийгэмд удаан хугацаанд муухай харагдуулж чадсангүй гэж. Аль болох урт удаан хугацаанд АН-ын Засгийн газар огцорно, огцрохгүй, улс орон мөхлөө, сүйрлээ хэмээн ярьж жагсах нь АН-ын нэр хүндэд илүү их хор хохиролтой гэж тэд тооцдог. 1996-2000 оны хооронд Ардчилсан хүчнийхнийг хуучин ху нар буюу өнөөдрийн МАН-ынхан мөн ч тамласан даа.
Ерөнхийлөгч Н.Багабанди Ерөнхий сайдад нэр дэвшүүлсэн хүн бүрийг унагаж, заримыг бүр долоо, найман удаан буцааж кайф аваад сууж байдагсан. Н.Энхбаяр инээгээд л... Ингэж янаглан хорлохын хөнөөл мөн ч аймаар даа. "За одоо наадуул чинь сэхэхээргүй боллоо" хэмээн сонгууль эхлэхийн өмнөхөн Р.Амаржаргалыг Ерөнхий сайдаар томилсон болоод сонгуульд орж явчихаж билээ.
Үр дүнд нь АН сонгуулиар үсгүй арчуулсан даа. Энэ технологио МАН одоо хэрэглэж эхэллээ. Тэгэхээр АН-ынхан асуудлыг хурдан шийдэх хэрэгтэй. Намын бүлэг дотор байгаа МАН-ын гар хөл бологсдоо тоглоомоос гарга. Тийм хүмүүсдээ байх ёстой газрыг нь сануул.
Б.Нямаа
Эх сурвалж: "Өдрийн сонин"
Сэтгэгдэл0
Маний гар хөл чинь давхар дээлний үлгэрийг эхлүүлсэн та нарийн нөгөө ардчилсан эбээ биздээ юмийг холоос битгий хай толгой дээр чинь байна
Omnoh hoitoh zasgiin davhar deleltnuudiig hamj shimeed 10 l bolgoloo yu ? Odoo 17 baigaashdee kkk
АН барихаараа улс орныг "сүйрүүлдэг" нь үнэн. МАН-ын нийгэмд бий болгосон идээ бээрийг шахахаар "сүйрэх" шахдаг нь хир зэрэг өвчилснийг л харуулж байгаа юм. Ингэж "сүйрэх" шахтлаа өвддөг нь ихэвчлэн авилгачид л байдаг.
Ер нь эрүүл ухаантай хүн бүр бодох л хэрэгтэй асуудал.УЯНГА гишүүн өнөөдөр яагаад бүлгийн гадна шахагдав.Батцэрэг,Эрдэнэбат 2-ын тохиролцоо.Дотор нь байгаа УИХ-ын гишүүн нь мэдэхгүй явахад гадна байгаа ард түмэн юу мэдэхэв дээ.Ард түмний төлөөлөл нь ордонд ороод хуйвалдчихаар бид итгэх төлөөлөгч/гишүүн/байхгүй.Иймд УИХ саналаараа тараач.
Үнэн юм бичсэн байна
Ард түмний аиьдралыг хар л даа Өдөр бүр ядуурч хийх ажилгүй болж байна Өнөөдрийн төр засаг ямарч чадваргүй Тэд ардчиллын зарчмаар ч зайлахгүй Яг ийм үед зайлшгүй хүчирхийлэл гардаг, Гинжнээс өөр юмгүй ард түмэн олигарихуудыг барьж иддэг Үүнийг хувьсгалын тохироо ч гэдэг Хэсэг новшнууд БУЛШАА УХААД байна Ер нь уйлах хүүхдийн хошного урьд өдрөөсөө таталддаг Тэр шинж бүрэн бүрджээ Улс орон бүхэн ийм зам туулдаг,
Нямаа гэдэг угаадас долоосон гөлөг минь чи аятайхан байвал яасан юм муу бууны нохой байна ш дээ, Яг чам шиг гашилсан толгойг "нохойд барьдаг мод" гэдэг юм ш дээ,Нийгмээ мэдрэх чадваргүй хоосон толгой юм аа
МАН бол үнэхээр аймаар хорлонтой КГБ, НАХЯ санаатай. Ардчилсан намаар 20 гаран жил хүүхэлдэй болгож тоглолоо. Одоо болно. Ард түмний өмнө жүжиглэнэ, болохгүй бол шууд л хахуульдана аа яаа сөнөвөл таарна
АН засаг барихаараа улс орныг самардаг нь үнэн ш дээ
АН төр барихаараа улс орноо дааж давшгүй өрөнд унагадаг нь ч үнэн, Ц.Нямдорж тагнуул хийж хоолоо олж иддэг нь ч үнэн.
АН-ын удирдлага мөн их тэнэгтэх юм иргэдэд ад үзэгдсэн давхар дээлийг өмсөх гэж зүтгээд АН-ын нэр хүнд түүнд итгэх иргэдийн итгэлийг шаварт хутгаад хаяв. АН ын удирдлага МАН-ын удирдлагаас доор новш юм гэдгээ бүрэн харуулаж иргэдэд үнэн төрхөө харуулав. АН-ын удирдлага. ширгэсэн шандыг сэргэх болов уу? гээд сахиж суугаа малчны дүрийг харуулав. одоо үлдсэн богино хугацаанд зээл авч түр тогтох, төсөвийн цоорхойг шинэ нэрийн татвар олж нэвтэрүүлэхээр гадаадаар баахан тэнэж ард түмний халаас руу гараа шургуулахаас өөр олигтой арга ололгүй одоо ард түмнийг торгож төсөвийн цоорхой нөхөх замын эрэлд мордов. ард түмэний дийлэнх нь ядуурсан үед уг нь путиний аргыг хэрэглэсэн бол дээр байсандаа АН-ын удирдлага ухааныг биш шуналыг удирдлага болгох юм