Жамухын алтан бүс гэдэг шиг дэлхий алтан бүстэй байдаг гэнэ. Тэрхүү алтан бүсийг Канад улсад төвтэй “Erdene Resoure Deveropment” компани олчихсон юм байх.
2012 оноос явуулсан тэдний мэдээ, мэдээллээс харахад ийм сэтгэгдэл төрнө. Төв Азийн Тянь Шан алтны судал олчихлоо гэж зарласан. Алтан бүсний сургаар Торонтогийн бирж дээрх хувьцаа нь 40 хувиар өссөн гэдэг юм билээ.
Тус компанийн Ерөнхийлөгч Петер Акерли “Би 1997 оноос Монгол Улсад ажиллаж байна. Анх удаа амжилт оллоо. “Алтан нар” ордод 45 тонн алт бий. Оюу толгойтой харьцуулах юм бол газрын гадаргатай тун ойр.
Тэрбум ам.долларын алт бий” гэсэн байдаг. 45 тонн алт гэдэг бол Бороо гоулдаас арай бага орд юм. Харин Монголын уул уурхайн үндэсний ассоциацийн ерөнхийлөгч Д.Дамба “Алтан нар гэдэг орд Бороо гоулдаас хамаагүй бага” гэсэн байдаг.
Энэ үеэс эхлэн эргэлзээ бий болоод явчихаж байгаа юм. Алтан нар орд гэх үү, үгүй юу гэсэн асуулт гарч ирнэ. Хайгуулын ажил бүрэн дуусаад техник эдийн засгийн үзүүлэлт хийгдсэний дараа орд гэдэг.
Одоогоор Баянхонгор аймгийн Шинэжинс, Баян-Өндөр суманд хайгуулын ажил хийгдэж байгаа юм. Ашигт малтмалын газраас тодруулахад “Алтан нар” гэсэн орд байхгүй” гэдгээ хэлсэн.
Харин Канадын хөрөнгө оруулалттай “Эрдэнэ Монгол” гэдэг компани хайгуулын тайлангаа Ашигт малтмалын газарт ирүүлээгүй байж шуугиан тарьсан байдаг. Эрдэс баялгийн мэргэжлийн зөвлөлийн гишүүн М.Ариунбаяр “Баянхонгор аймгаас гаралтай нөхөд “Манай нутагт их мундаг орд гарсан гэнэ. Хэлээд өгөөч” гээд байгаа юм. Яг ямар орд болохыг нь мэдэхгүй. Хэвлэлээс харахад канадчууд Баянхонгор аймагт хайгуул хийж байгаа юм билээ” гэв.
Монгол Улсын хөрс шороог хөндөж байгаа учраас холбогдох байгууллагын хяналт дор, хууль тогтоомжийн дагуу ажиллах ёстой. Гэтэл канадын хөрөнгө оруулалттай гээд компанийн талаар мэдэх албан тушаалтан алга байгаа юм. 45 тонн алтны талаар мэдэх албан тушаалтнууд бүр цөөхөн. “Erdene Resoure Deveropment” компани Торонтогийн бирж дээр хувьцаагаа 40 хувиар өсгөсөн хэдий ч хайгуулын ажлын тайлангаа ч дуусгаагүй. Тийм атал тэрбум ам.долларын алт хөрсөн дор бий гэж заагаад л.
Энэ бүгдийн цаана Монгол Улсын уул уурхайн нэр хүнд явж байгаа юм. Канадчууд Баянхонгор аймгийн Шинэжинст сумын нэрээр Монгол Улсыг хаана байдгийг ч бараг мэдэхгүй нөхдөөс мөнгө авч байна. Тэр мөнгөөрөө хайгуулын ажлаа ч хийхгүй байгаа нь гайхшрал төрүүлэх болов.
Сүүлийн жилүүдэд шуугиан тарьсан алдартай ордуудыг дамлан зардаг болсон. 19 хүний гар дамжсан орд ч байна. Хөрөнгө мөнгө гаргаад ашиглах гэхээр нэг л эргэлзээтэй байдаг учир ийн дамлаад байдаг бололтой. Сүүлийн жилүүдэд дэлхийд хосгүй ордууд өдөр болгон “мэндэлж” байв. Хайгуул болон ашиглалтын тусгай зөвшөөрөл өвөртөлсөн хүн бүхэнд “Дэлхийн хэмжээний” ордууд байсан.
Гэтэл тэдгээр орд ашиглалтад орсонгүй. Хэвлэлээр шуугиулж байгаад хэн нэгэнд зарчихдаг юм билээ. Түүний хамгийн тод жишээ бол “Олон Овоот”-ын орд шүү дээ.
Таван тонны нөөцтэй орд хэдэн арав дахин үржүүлж дээр дооргүй нэвт хулхидаж орхисон. Түүнтэй адил “Алтан нар” гэдэг байхгүй орд олон хүнийг хулхидаад дэлхийгээр нэг шившиг болох вий дээ.
Т.Эрдэнэ
Эх сурвалж:
Сэтгэгдэл0
Jaahan yum unshij sudalsaniihaa daraa shuumjee bichil dee!!! Mergejliin helleg uur shuu dee
Altnii bus esvel altnii sudal geh bolno
элбэгдорж хайгуул хийлгэхийг түр хугацаагаар болиулсан гээд байсан яасан бэ. Наад 45 тон алтнаас чинь бидэнд хүртэх юм гэж юуч бхгүй. Тиймээс одоо орд олсон алт олсон гэдэг мэдээ чинь дотор муухайруулах мэдээ болчоод бн. Улс орон эмх цэгцтэй болсоны дараа дотоодын компаниудаар хайгуул хийлгэдэг больёооо
Бид хамгийн амархан хууртаж хүний мэхэнд ордог ард түмэн. Ж-нь: Флин, Жаргалантхаан ... Бороо гоулд г.м. Гол шалтгаа нь хамгийн эв нэгдэлгүй ард түмнүүдийн нэг учраас. Ж-нь: өнгөрсөн сонгуулиар 600 хүнтэй сумын төвд 8 сонгуулийн штаб ажиллаж байхыг харсан. тэгэхээр цаашид ч шуудайд хийсэн үхрийн эвэр шиг байвал хүний олз болсоор байх болно.
ih zob helj...
Mongol ornii bayalag hevlii dotroo l baij baig!!!!!!
Сайн байцгаана уу? Монголд тэдэн ч жил, эдэн ч жил ажиллаж байна,тийм ч юм, ийм ч юм, төдий ч хэмжээ бүхий, өдий ч хэмжээ бүхийг оллоо, энэ нь дэлхийн хжмжээнд тийм, ийм, Олзолж Олборлосноор Монгол Улсад ийм тийм өгөөжтэй, МОнголын Ард Түмэнд өдий төдий дэмтэй гээд л мөн ч их хэлж, хүмүүн бодьгалыг хийд хөөргөдөж хяаж орхичихоод ар хударгаар нь ухаж аваад талийдаг цаг хумигдаж базагдаж эзэн нь юмаа мэдэж эрэг нь усаа хашдаг, өөрийн эдээ өөрсдөө мэддэг, юм эддээ бие нь, болж, -уг нь ч яахын аргагүй л бие нь бол мөн хэдий ч-, эзэн нь байж хамтарч, хавсарч, хүчин мөхөсдөх, мэрэгшлийн хүн хүч, хөдөлмөрийн машин механизм, тоног төхөөрөмж гэхчлэн тодорхой зүйлээрх биет хүчин зүйлс-, талтай бол хавсайдаж хамтран ажиллаж хөдөлмөрлөлөө ч гэлээ туйлын Хас, Чанд байх, байлгах эд бие минь, ул маань, хөрс маань, дэвсгэр маань ахуй, тусгаар тогтнол, туурга тогтол минь юм шүү гэдгээ л өнө санаж сэрж эдгээрийгээ л бөхөлж бэхэлж хорол тооноо цөмөлж цөлмөчихөлгүй хөдөлж явахсандаа. Нүдийг нь хон хэрээ ухаад хаячихсан мэт харласан нүх үлдээстэй нутаг оронтой, хийморь сүр сүлд нь хийсчихсэн хүн ардтай болмооргүй баймааргүй л байх юмдаа. Санаваас, баялаг бүрийгээ тэр бүр гаргаад байхгүй л байгаа байлгүйдээ. Тэнгэр Өршөө.
хэмжээнд, Монголын, хаяж, хавсарч,...-, нэгдэхээс аргагүй талтай бол.
алт полиметаллын том гэсэн ордууд канадын гарт МАНАН мафийнхан өгсөн шүүдээ. энэ бүгд оюу толгойн замаар орж монголд ашиг өгөхгүй хэдэн гэрээ хийсэн хүмүүс ерөнхий хулгайчтайгаа баяжаад гадаадад гарах биз. ухаж төнхсөн хоосон нүхээнд унаж үхсэн малаа харж гиеүүрч суух хувь заяа хүлээж байгаа гэдгээ ойлгож МАНАН -гаас салахсан